الموضوع: هييييييه أخيراً تشجعت وفكيت التابلوه لتنظيف العدادات لانوس - شكراً م/مصطفي حسن

السلام عليكم ورحمة الله وبركاته

بداية أحب أشكر أستاذنا الكبير مصطفي حسن لأنه اللي شجعني افك التابلوه بعد ما شوفت الفيديو بتاعه
أنا الأول كنت أخاف امسحه أصلاً من خوفي عليه هههههههههه

المشكله بقي إني بعد ما فكفكت الدنيا كلها علشان افك العدادات وانضفها من جوه، لقيت البقع اللي عليه والتراب من بره مش من جوه ومكنتش محتاج أفكه ولا حاجه ههههههههههه تعبت نفسي علي الفاضي يعني والمفروض إني كنت صورتها من الأول وسألتكم عنها دي من بره ولا من جوه

عموماً دا كان شكل العدادات قبل التنظيف


لما فكيت البتاعة البلاستيك دي وجيت امسح البقع اللي انتوا شايفينها دي من ورا
إكتشفت إنها من ورا نظيفه والحوار كله من قدام ودي كانت الصدمة

المهم حاولت امسحها بجميع الطرق منفعش ، حاجه رخمه
رحت مركب العدادات كدا مؤقت وطالع علي واحد صاحبي فاتح محل اكسسوارات وريتله شكل العدادت قالي دي ( آثار برفان أو عطر ومتمسحتش وقتها ) وتتشال بالبوليش، الراجل جاب حتة بوليش ومسح بيها وش العداد وبعدين مسح البولش بقطنه وبقي ما شاء الله زي الفل

ملحقتش اصوره قبل ما اركبه دي صورته بعد ما ركبته


وتوته توته خلصت الحدوته
بس الواحد ثقته زادت من ناحية انه يعمل حاجات بنفسه في العربيه
بس المهم يسأل الأول علشان ميتعبش زيي

المشاركة الأصلية كتبت بواسطة ZARIF

تمام
واحدة واحدة هتلاقى نفسك بتعمل حاجات كتير فى عربيتك وقلبك هيجمد
المهم انك تكون حريص على قد ما تقدر عشان متبوظش حاجة

ربنا يباركلك يا هندسة كله بفضل الله ثُم مجهودك الجميل
جزاك الله وأهلك جميعاً بالفردوس الأعلي إن شاء الله