الموضوع: تيل وطنابير كلاكيت 4 مرة

انا معايا نيسان صني الشكل الجديد عاملة 30 الف كيلو ومغير تيل وطنابيير 3 مرات في التوكيل علي حسابهم من حوالي شهر بعد صيانة ال25 الف اتصلت بنسيان اشتكي مشكلة الصفارة والفراميل الصعيفة
بعدها ب 3 ايام تقريبا اتو ايجبت ابو رواش اتصلوا بيقولولي يافندم احنا حنحجز لحضرتك بعد اسبوعين عشان نغير التيل والطنابير الجديدة اللي هتحل المشكلة

عدي اسبوعين متصلوش حاولت اتصل بيهم اعرف المشكلة قالولي ان لسه التيل والطنابير الجديدة مجتش كلمت نيسان قالولي لاء التيل والطنابير الجديدة موجودة وفي نفس اليوم اتو ايجبت اتصلوا وقالولي حضرتك تعالي نكشف علي التيل ولو محتاج يتغير هنغيرو قلت طيب وبالمرة حجزت صيانة ال 30 الف كيلو

امبارح رحت اتو ايجبت الساعة 9:00 صباحا استلموا العربية وقالولي هتخلص 12:30 العربية دخلت صيانة تقريبا 9:30 وخلصت 10:30 رحت للمهندس قولتلوا العربية خلصت ممكن اعرف ايه اللي تم فيها قاللي لما يخلصوا خالص هنعرف قعدوا من 10 لحد 12:30 عشان المهندس يجربها المهم المهندس قالي خلاص الصيانة خلصت والنتائج كالاتي:
1-العربية محتاجة تغير تيل وطنابير ومش موجودة في الفرع
2-العربية محتاجة تغير طقم كاوتش
3-كنت مشتكي من اصوات وانا ماشي في الجنب الشمال كاتبين لا يوجد مشكلة
4-برضه كان في شكوي من صوت احتكاك مع لف الدركسيون في الملفات اليمين كاتبين لا يوجد
المهندس قالي حضرتك تدفع 308 تكلفة الصيانة وتستلم العربية

الصراحة ساعتها اول حاحة جات في بالي اولع في العريبىة في المركز واستريح منها قلتله انا مش مستلم العربية ومش حاجز ومتكلم في مشكلة في شهر تقريبا وجاي من جسر السويس عشان اربط عفشة واعمل روتيشان للكاوتش

كلمت الناس بتوع نيسان قلتلهم انا اشتكيت وانتوا عارفين المشكلة وانا مش ماشي غير لما تحلو المشكلة لو ايه حيحصل ولازم تردو بسرعة وكلمت قسم الشكاوي في اتو ايجبت وقتلهم ان هم عارفين المشكلة والمفروض ان جاي اصلحها

المهم قالولي طيب حضرتك استني شوية وهنشوف نيسان هتعمل ايه شوية وقالي نيسان قالت ان العربية هتغير التيل والطنابير قالي بس حضرتك هتستني شوية يعني 4:50 او 5:00 قلت يعني دي التيل والطنابير الجديدة قالولي اه وانت اول عميل يغيرهم

فضلت قاعد لحد الساعة 4:30 والعربية مركونة كملتهم قالولي حاضر يافندم وهتدخيل حالا وفعلا دخلوها الصيانة وغيروا مجموعة الفرامل كلها يعني تيل وطنابير وكالبير المهم بعد ما خلصوا المهندس بيقولي علي فكرة التيل والطنابير دول موقتة

يعني ايه موقتة مش عارف؟ بيقولي دول مجموعة فرامل تايلاندي واحسن من الهندي عشان المجموعة الجديدة لسه مجتش من بره وانهم كويسين ومش هيعملوا مشاكل لحد بس المجموعة ما تيجي علي يوم 15 4 تقريبا المهم انا كنت خلاص طاقتي خلصت ومش قادر اخانق او ازعق
خدت العربية ومشيت طبعا صوت الصفارة مش موجود الاصوات في الشمال موجودة بس صوتها اوطي ومشكلة الملفات اليمين لسه موجودة
التيل والطنابيروالكالبير التايلاندي سعرهم كالاتي (من الفاتورة)

caliper assy 945.46
caliper assy 945.46
pad kit dis 278.86
rotor disk break 226.51
hardwarekit.fr 185
break oil0.25 8.42
============================
2777.20
277.69

2786.20
==============
3046.79


معرفش هما جمعوا ايه بعد 2786 بس دي كانت التكلفة النهائية التلات مرات اللي فاتوا كانت بتبيقي الفاتورة معدية ال 4 الاف المهم انا في انتظار مكالمة منهم 15 4 ان شاء الله عشان المجموعة الجديدة