ايه رأيكم في ال C4 grand picasso

**bero77** · 01-04-2015 02:30 PM

السلام عليكم ..

أنا محتاج أغير الجراند تيريوس اللي عندي (زهقت من الثبات اللي مش قد كده و كمان عربيه فقيرة في الكماليات) بعربية جديدة 7 مقاعد .. أنا رحت شفت ال C4 grand picasso في الاحمدي موتورز .. و شايف ان العربية جميلة و واسعه .. هي في بعض الحاجات اللي غاظتني شويه زي سقف البانوراما و بعض الحاجات التانية اللي بتنزل بره و ما بتنزلش مصر .. بس مع ذلك العربية ما شاء الله شيك و محترمة .. بس في شوية حاجات كنت عايز أتأكد منها من ملاك العربيه:
1- العربية مش منتشره خالص مش فاهم ليه .. هل السعر عالي قوي على العربيه و لا ايه ؟
2- حد جرب يقعد 7 كبار في العربيه و لا الكرسيين اللي في الصف الثالث تنفع بس للاطفال ؟ أنا حجمي كبير شويه لما قعدت في آخر كرسي مكنتش مستريح قوي و كنت لازم أحرك الكرسي اللي قدامي شويه .. بس كنت عايز أعرف اذا كان حد جرب قبل كده الوضع ده .. و هل هي أفضل من حيث الاتساع من الجراند تيريوس أو الكيا كارنز الجديده ؟
3- أخبار الوكيل ايه ... الصيانة مكلفة و لا معقولة .. هل قطع الغيار متوفره ؟
4- مدى تحمل قطع الغيار ... يعني مثلا أنا بأغير تيل الفرامل بسرعة قوي في الجراند تيريوس.
5- أيه رأيكم العربية تستاهل ال 260 الف جنية و لا أشوف البيجو 5008 (فيها كل الكماليات زي بره و أرخص شويه) و لا الكيا كارنز الهاي لاين عامله 216 الف جنيه.

معلش أسف علشان بوست طويل بس الواحد محتار و سعرها مش قليل علشان كده كنت عايز أستفيد من خبراتكم و كله على الله. الف شكر

**MohamedSotohy** · 02-04-2015 12:48 PM

باشا
انا كنت زيك بردو
عربيه محترمه جدا وفوق الوصف من كل النواحي
وانا ممكن افيدك جدا وهي في الله
بس كلمني احسن

**bero77** · 02-04-2015 04:24 PM

المشاركة الأصلية كتبت بواسطة mohamedsotohy

باشا
انا كنت زيك بردو
عربيه محترمه جدا وفوق الوصف من كل النواحي
وانا ممكن افيدك جدا وهي في الله
بس كلمني احسن

يا باشا ربنا يكرمك :) ... أنا مكنتش عايز ازعجك .. بس طبعا أنا نفسي أكلمك .. ممكن تبعتلي نمرتك و ياريت تقولي أقدر أكلمك امتى علشان ماتصلش في وقت مش مناسب.

**beeronasr** · 05-04-2015 02:32 PM

ربنا يوفقكم للصالح. بس برجاء الكلام يبقى هنا فى المنتدى حتى تعم الفائدة لأن العربية عاجبانى اوى انا كمان و كنت قرأت ان سعرها 228.00 جنية. ما هو أخر سعر لها و هل لا يوجد فيها سقف بانوراما؟ و هل يعمل معها البنزين ال 92 ؟ و هل هى عربية اعتمادية لأسرة تسافر كثيرا؟ بصراحة انا معايا رينو داستر و دى عربية شقا و حمارة شغل . بس مانيوال و انا عاوز اتوماتيك و رفاهية اكتر. برجاء الافادة.
مع وافر الشكر

**MohamedSotohy** · 05-04-2015 02:58 PM

المشاركة الأصلية كتبت بواسطة bero77

يا باشا ربنا يكرمك :) ... أنا مكنتش عايز ازعجك .. بس طبعا أنا نفسي أكلمك .. ممكن تبعتلي نمرتك و ياريت تقولي أقدر أكلمك امتى علشان ماتصلش في وقت مش مناسب.

بعتلك علي الخاص

**MohamedSotohy** · 05-04-2015 03:05 PM

المشاركة الأصلية كتبت بواسطة beeronasr

ربنا يوفقكم للصالح. بس برجاء الكلام يبقى هنا فى المنتدى حتى تعم الفائدة لأن العربية عاجبانى اوى انا كمان و كنت قرأت ان سعرها 228.00 جنية. ما هو أخر سعر لها و هل لا يوجد فيها سقف بانوراما؟ و هل يعمل معها البنزين ال 92 ؟ و هل هى عربية اعتمادية لأسرة تسافر كثيرا؟ بصراحة انا معايا رينو داستر و دى عربية شقا و حمارة شغل . بس مانيوال و انا عاوز اتوماتيك و رفاهية اكتر. برجاء الافادة.
مع وافر الشكر

سعرها دلوقتي 260000
لا يوجد سقف بانوراما ورئي ان ده احسن بس خلي بالك ان الزجاج الامامي في حد ذاته بنوراما
نعم المواتير دي معدله من المصنع لتعمل علي بنزين 92 وبيذكر ده في بطاقه الضمان علي عكس الموديلات السابقه المواتير كانت لا تعمل علي بنزين 92 وتعمل علي بنزين 95
اعتماديه جدا جدا ومريحه جدا لكل افراد الاسره
بالاضافه الي انها تحتوي علي اي رفاهيه ممكن تتخيلها لكل فرد جالس بمعني ان التكييف مثلا موزع علي ال7 مقاعد وكذلك وجود اماكن لشحن الموبيلات لكل المقاعد و 6 وسائد هوائيه ووووو
بصراحه عربيه هائله

**GoldenEgyption** · 03-08-2015 01:33 AM

موديل 2012 بيعمل ببنزين 92 ولا 95؟

**MohamedSotohy** · 04-08-2015 04:07 PM

المشاركة الأصلية كتبت بواسطة goldenegyption

موديل 2012 بيعمل ببنزين 92 ولا 95؟

اعتقد 95

الموضوع: ايه رأيكم في ال C4 grand picasso

LinkBack

أدوات الموضوع

عرض

ايه رأيكم في ال C4 grand picasso - انشر الموضوع فى :

-

-

-

-

-

-

المواضيع المتشابهه

C4 grand picasso 2015

Toyota or c4 grand picasso

citroen grand picasso or octavia A7 elegance

grand c4 picasso

New Citroen C4 Picasso & Grand Picasso-تقرير متكامل

الكلمات الدلالية لهذا الموضوع

المفضلات

المفضلات

ضوابط المشاركة