الموضوع: تكييف اللوجان و ريش الفراخ

مع تغييرات الجو الي بتحصل اليومين دول الواحد بدأ يشغل تكييف العربية و انا متعود اشغله كل فترة حتى في الشتاء بس امبارح الجو كان حر بزيادة و العربية كانت مركونة في الشمس حوالي 8 ساعات و جيت اركبها لقيتها فرن

المهم شغلت التكييف و الاقي التبريد ضعيف و حاسس ان الهواء مكتوم شويةشكيت في ان شحن الفريون يكون هرب بسبب تسريب او حاجة، فتحت الكبوت و لمست مواسير التكييف لقيتها باردة يعني فيها فريون كويس و برودة بنت حلال

اول ما روحت فكيت فلتر التكييف و اول ما فكيته و رميته على الارض لقيت كمية تراب مش طبيعية طلعت منه (ملحوظة ماتفكش من يوم ماشتريت العربية من 3 سنين) طلعته و بصيت فيه كدة لقيت فيه ريش زي ريش الفراخ جيه منين و ازاي معرفش :b4_556: بالاضافة لشوائب ثانية

جبت البلاور و نفخته لقيته عمال يطلع هباب من كل ناحية فضلت وراه لحد ما نضف الحمد لله

حبيت ازود النضافة و جبت فرشة علشان انضفه بزيادة لقيت ان في في الفلتر زي شاش بس اكنه عامل زي الشعر بدأ يطلع من مكانه و حسيته هيسد الفلتر و مش هيقوم بوظيفته رحت موقف و نفخته ثاني بحيث ان الهواء يدخل الشاش ده مكانه ثاني

نزلت ركبته و شغلت التكييف محستش باي فرق في ساعتها لأن العربية كانت بردت

النهاردة عملت نفس الاختبار باني وقفت العربية في الشمس بردة حوالي 8 ساعات و ركبت العربية دورت و شغلت التكييف من غير مافتح الازاز ولا اي حاجة و الحمد لله حسيت بان اندفاع الهواء كان كويس و العربية بردت بسرعة الحمد لله

الخلاصة نضفوا فلتر التكييف مع دخلة الصيف و نضفوا فلاتر العربية كل فترة علشان تفضل كويسة معاكوا