قوة التبريد قلت عن الاول سيارة موديل 2013

**peter magdy** · 04-04-2015 03:01 PM

مساء الخير يا شباب
انا دلوقتى معايا عربية byd f3 موديل 2013
التكييف كان فى الاول قوى ببشاعة و مكنش حد بيستحملة على 3
دلوقتى مبقاش زى الاول - بمعنى
ان لما الدنيا تبقى حر قوى تحس انة ضعيف و مش مأثر قوى حتى على رقم 3
لكن لو الجو مش حر قوى او متوسط يبقى كفاءة اعلى
و لول اقل بيبقى تبريدة اقوى
و التكييف زى الفل الحمد للة فى اشارة و على السلانسية شغال بتبريدة عادى
انا سمعت ان عزل مواسير البارد بيفرق شوية فى التبريد
لكن كدة اية المشكلة هل ممكن غاز التبريد فقد قدرتة و عايز يتغير بحاجة يبانى او امريكى زى ما سمعت - مع انى مش مستخدمى التكييف كتير يعنى بس لما بحتاجة بيبقى ضعيف قوى
و السيارة الزجاج الجلفى و البابين اللى ورا غامق و انا مزودة اكتر بفامية اغمق - و بردو التكييف مش تمام
ارجو الافادة لانى معرفش اى حاجة فى موضوع التكييف دة خالص
شكرا

**peter magdy** · 07-04-2015 09:18 AM

مافيش اى مساعدة يا شباب

**alking_2006** · 07-04-2015 10:31 AM

نظف فلتر التكييف و جرب تانى و يفضل تغير الفلتر خالص

**mr_green** · 07-04-2015 12:35 PM

إرجع على التوكيل فى الضمان - يكشف و لو فيه حاجة بتاعتهم ماتدفعش جنيه

**peter magdy** · 07-04-2015 04:31 PM

متشكر لحضراتكم
انا فعلا غيرت فلتر التكييف خالص و الحاجة الوحيدة اللى حاستها ان الهوا بقى اقوى
بمعنى ان نسبة تدفق الهواء بقت اكتر لكن البرودة زى ما هى
و بالنسبة للتوكيل 0 فدا ايدك منة و الارض
قالولى اخر مرة التكييف كويس بس ابقى اغسل السبرنتينة بمسدس مية لكن التكييف تمام
لان التوكيل مدام بيحط ايدة قدام القوايات بتجيب هوا ساقع يبقى كدة مافيش مشكلة
----------
ف انا بقول ممكن تكون المشكلة ممكن الفريون قل - او كفاءتة قلت - او حاجة عاملة كدة
لانى بصراحة معرفش اى حاجة فى موضوع التكييف و معتقد ان لو الفيريون اتغير بحاجة كويسة ممكن الكافاءة تزيد
متشكر لردود حضراتكم

**A.samy** · 07-04-2015 04:50 PM

لو انت من القاهرة هتعمل الخطوات اللى هقولك عليها اول حاجة نضف سربنتينة التكييف اللى فى وش العربية فى البنزينة واكد علية فى البنزينة وشوف اخبار التكيف اية لو لسة ضعيف هتنزل نجيب الريحانى وتجيب كيلو فريون امريكانى والزيت بتاعة وبأكد عليك الزيت بتاعة وهتطلع على بتاع تكييف محترم تشحن عندة بعد ما يعمل فاكيوم لان غالبا الفريون اللى فى الدوة عندك صينى وهى دى اعراضة

**hugan** · 07-04-2015 04:53 PM

المشاركة الأصلية كتبت بواسطة a.samy

لو انت من القاهرة هتعمل الخطوات اللى هقولك عليها اول حاجة نضف سربنتينة التكييف اللى فى وش العربية فى البنزينة واكد علية فى البنزينة وشوف اخبار التكيف اية لو لسة ضعيف هتنزل نجيب الريحانى وتجيب كيلو فريون امريكانى والزيت بتاعة وبأكد عليك الزيت بتاعة وهتطلع على بتاع تكييف محترم تشحن عندة بعد ما يعمل فاكيوم لان غالبا الفريون اللى فى الدوة عندك صينى وهى دى اعراضة

الفريون مشترك بين الخاص بالعربيات والثلاجات
وﻻ خاص بالعربيات فقط

**ahmed_eng2001** · 08-04-2015 06:28 PM

المشاركة الأصلية كتبت بواسطة hugan

الفريون مشترك بين الخاص بالعربيات والثلاجات
وﻻ خاص بالعربيات فقط

الفريون فيه منه اكتر من نوع ...
فريون 12 .. و ده كان مخصص للثلاجات ..
فريون 22 .. و ده كان مخصص لأجهزة التكييف المنزلية .. و لمكيفات السيارات كمان ... بس طلع نوع ثالث ..فريون 134a و ده المستخدم فى اغلب مكيفات السيارات حاليا

لو عربية حضرتك قديمة ... ممكن تحط فريون 22 ... و لو جديدة .. تحط فريون 134 .. و للعلم ... الفريون الحديث غالى حبتين

**ahmed_eng2001** · 08-04-2015 06:31 PM

المشاركة الأصلية كتبت بواسطة peter magdy

متشكر جدا لرد حضرتك
بس انا ليا سؤالين
لما اجى اشترى فريون التكييف اقولة فريون لتكييف عربية ولا الفريون موحد لكلة زى ما الاستاذ hugan قال
و المضروب اخبارة اية لان حضرتك عارف ان المضروب بقى بصمة فى بلدنا
2 - هل لما اجى اروح لحد بالفريون هيرضى يشحنة ولا لازم اشترى من عندة و هل اروح لحد بتاع تكييف عربيات ولا بتاع تكييف البيت برضو يعرف
متشكر جدا لحضرتك

تقول للمشترى زى ما وضح الاخ الفاضل ... فريون امريكى لتكييف العربية .. و فى الغالب حيطلع 134

و المضروب كتير جدا ... و للأسف ... مش حتعرفه الا بعد ما تشحنه بفترة

و ممكن عادى جدا تروح لبتاع تكييف و تقوله اشحنلى من الفريون الى انا جايبه ..
بتاع تكييف العربيات عنده خبرة اكبر من بتاع تكييف البيت ... و ان كان بتاع تكييف البيت ممكن يشحنه ببساطة