شركة غبور اوتو تستعد لطرح طراز جيلى ايمجراند 7 أتوماتيك "

**Mohamed.Ramah** · 05-04-2015 02:16 AM

بسم الله الرحمن الرحيم

بعد مبيعات كبيرة حققها طراز جيلى ايمجراند 7 محليا والتى فاقت التوقعات لثقة الملاك فى أسم شركة غبور المالك لوكيل هيونداى فى مصر ، ظهر على صفحة " Geely Emgrand Egypt " الرسمية منذ ساعات أن النسخة الاتوماتيك من طراز ايمجراند 7 يتم تجربتة الفترة الحالية أستعداداً لطرحة فى وقت قريب

جدير بالذكر أن مبيعات جيلى اميجراند بالرغم من انتشار الاخبار السيئة عن السيارة فى الاونة الاخيرة حققت مبيعات كبيرة فى وقت قليل تقدر بـ 25000 سيارة ايمجراند 7 في أقل من سنتين الامر الذى احتفلت بة الشركة فى معرض اتوماك ثم اتى مصاحباً لة عروض تقسيط مغرية من الشركة ، و خصومات على قطع الغيار والمصنعية لسيارات جيلى .

يتم تسويق ايمجراند 7 فى السوق المصرية فئة واحدة بناقل حركة يدوى بسعر 86.000 جم للفئة كاملة التجهيزات .

شاركونا ارائكم هل تتوقعو أن الطراز الاتوماتيك هيحقق مبيعات مماثلة للطراز المانيوال ؟

**Hosam_Optrawy** · 05-04-2015 07:54 PM

صفحة جيلى عالفيسبوك بقالهم أكتر من سنه بيردوا نفس الرد :)

**kaza** · 09-04-2015 09:02 AM

المشاركة الأصلية كتبت بواسطة zastaffa

هي ماتورها قادر يجمع النقلات في العادة لما هايجمعها في الأوتوماتيك؟؟؟ ياعم بلا خيبة بأه #خلوني ساكت

العربية مش بتجمع معاك ؟.... غريبة يابية العربية باجمع بيها وامام عربيات كتير منهم الفيرنا والصني واللانسر 1600 و الحمد لله بيضت وشي وماحسيتش ابدا انها ما بتجمعش ....اكيد فية مشكلة ولازم تكشف عليها في التوكيل

**bluemail** · 21-04-2015 09:36 PM

اعتقد ان المشكله الوحيده اللي ظهرت في الجيلي واللى اعترف بيها غبور نفسه هي مشكله الصدا
وفي ناس تانيه ظهرت معاها مشكلة الكاسيت
غير كده اعتقد انه من الظلم اننا نعمم اي حاجه تانيه
العربيه كويسه جدا بشهادة الجميع
مشكلة الاتوماتيك غبور السنه اللي فاتت نزل ec8 اتوماتيك وكان سعرها خيالي 240 الف تقريبا وكان الموتور 1800 زي اللي نازله في السعوديه, وبسبب السعر ماحدش اشتري اطلاقا
فياتري هل هينزل الاتوماتيك باي موتور ؟

**volociximab** · 22-04-2015 11:55 AM

العربية ايميجراند ec7 اول ما نزلت السعودية من كام سنة كانت محرك و فتيس متسوبيشى ثم الموديلات بعد ذلك اصبحت محرك و فتيس صينى
هناك شكاوى من ارتفاع درجة حرارة السيارة
انتشرت بكثرة فى الاول ثم بدأت تقل
الوكيل يقول انها حاصلة على اربع او خمس نجوم فى اختبار التصادم
احد الريفيوهات التى قرأتها ذم فرامل السيارة
السيارة نزلت بسعة لترية 1600 او 1800 مش فاكر و كان سعرها منافس جدا اوتو و مانيوال
و نزلت ec8 بسعة لترية اكبر
https://www.youtube.com/watch?v=ZhpOylrw11Y

هذا ما سمعته عن هذه السيارة هنا فى السعودية

**volociximab** · 22-04-2015 12:08 PM

,و دى اسعارها و اعلانها فى السعودية ec7 , ec8

**mif** · 23-04-2015 08:23 AM

المشاركة الأصلية كتبت بواسطة bluemail

اعتقد ان المشكله الوحيده اللي ظهرت في الجيلي واللى اعترف بيها غبور نفسه هي مشكله الصدا
وفي ناس تانيه ظهرت معاها مشكلة الكاسيت
غير كده اعتقد انه من الظلم اننا نعمم اي حاجه تانيه
العربيه كويسه جدا بشهادة الجميع
مشكلة الاتوماتيك غبور السنه اللي فاتت نزل ec8 اتوماتيك وكان سعرها خيالي 240 الف تقريبا وكان الموتور 1800 زي اللي نازله في السعوديه, وبسبب السعر ماحدش اشتري اطلاقا
فياتري هل هينزل الاتوماتيك باي موتور ؟

متفق معاك جدا

علشان كدا المفروض غبور ينزل الاتوماتيك بموتور افضل قليلا او على الاقل يكون الفتيس cvt

**Delli7** · 23-04-2015 11:30 AM

السلام عليكم,

الحمد لله و الله اكبر, العربية مشكلتها فقط الكاسيت بيعلق مع الكلاكس لو مشغل الـ usb

وحليت المشكلة دي باني اجيب mp3, و اوصله ع الراديو لأن الراديو مابيعملش المشكلة دي

بس بردو لسة مدايقني, لأن جودة صوت الراديو مش زي الكاسيت لو مشغل فلاشة usb

بافكر اغير الكاسيت خالص واجيب نوع افضل