الموضوع: كرولا او سيراتو او استرا او فليوانس او سوبارو xv

المشاركة الأصلية كتبت بواسطة mado_eng

السلام عليكم [b]

عايز اشترى عربية من 170 الف لى 200 الف انا اخترت بالترتيب الاتى :

1- كرولا (190 الف). كل الناس بينصحونى بيها بس مش مستريح للانتريور بتاعها و موضوع التركى ده
2- سيراتو (ٍْ181 الف) فئة sx. عاجبانى اوى بس كل الناس قالولى لو هتدفع فوق ال 170 الف هات الكرولا طبعا!!
3- استرا كوزمو (192 الف). ضيقة وتوكيلها و ال resale مش حلو
4- فلوينس (170 الف) بقت تركى و مش مريحانى نفسيا

5- و اخيرا السوبارو xv ده لو هجيب عربية كبيرة (200 الف) يابانى و 4x4 و كبيرة و ارخص من الكورى


برجاء المساعدة من الاعضاء ( العقل كرولا و القلب سيراتو ) اعمل اي ؟

فكرت فالمازدا 3؟؟؟
هاي لاين 217.000
عربيه رائعه, بس فى ناس مش عاجبها ان الموتور قديم شويه

المشاركة الأصلية كتبت بواسطة mankindforce

فكرت فالمازدا 3؟؟؟
هاي لاين 217.000
عربيه رائعه, بس فى ناس مش عاجبها ان الموتور قديم شويه

حاسس انها شكل بس و ال resale بتاعها مش حلو و انا مش عايز اعدى ال 200 الف

عايز اراء يا جماعة

المشاركة الأصلية كتبت بواسطة adel1212

العربية اللي متحبهاش متجبهاش
بس حاول تشوف الكورولا تاني لو ممكن تفتح قلبك شوية هاتها و ان شاء الله تحبها لانها فعلا عربية محترمة
لكن لو فضلت قافل منها يبقي 1000 لا
السيراتو اختيار ايضا موفق جدا عربية ممتازة وسيبك من اللي الزمن توقف عنده على صناعات بعينها و مش عايز يقتنع ان الكوري قفز قفزات كبيرة للامام
و اخيرا السوبارو عربية بامكانيات هائلة لو مش مهم عندك اعاد البيع و عدم الأنتشار و الشكل الداخلي (اراه فقير بعض الشيئ) تبقي الاختيار رقم 1
تمنياتي بحسن الاختيار

شكرا استاذ عادل على الرد

كما ارى من وجهة نظرى المتواضعه. . ان السوبارو xv افضل من كل الذين ادرجتهم فى المقارنه معها. . . اجد الاخوه الكرام (زميل فى المنتدى) وصف السوبارو وصف اعجبنى و اود ان استعير منه هذا الوصف. . . . السوبارو سياره المانيه بجنسيه يابانيه