مبروك الرخصه و الفيزا ان شاء الله :)
رقم العضوية : 19004
تاريخ التسجيل : 14Sep2008
المشاركات : 5,735
النوع : ذكر
الاقامة : El-menya
السيارة: Lancer 1993 & VW 1964
السيارة[2]: نيسان صني فيس لفت
دراجة بخارية: هانكو 150
الحالة :
جبت فيزة للسفر بره مصر و اللي كان متاح فيزة سواق خاص .. و بالتالي لازم يكون الباسبور و البطاقة مكتوب فيهم المهنة سواق و طبعا لازم اعمل رخصه مهنية درجة تالتة… و هنا بدئت البهدلة…
اولا مخدش عارف ايه الورق المطلوب .. و كمان طلع انه مش المرور العادي… لو انت من محافظة القاهرة هتروح مرور القطامية و ده بقي يا باشا في مكان وهمي عرفته من المنتدي هنا ..
المهم رحت اشوف عايزين ايه ورق…
1- فيش ( ب 15 جنيه و تستلمه تاني يوم ) .
2- اصل المؤهل الدراسي .. ( لو جامعي عادي لو اقل بتاخد من 45 يوم الي 3. شهور استعلام و متسألش بتاع ايه )
3- اصل معافاة الجيش او اصل شهادة الخدمة ( ب 26 جنيه مستخرج المعافاة من منطقة التجنيد و بستلمه في نفس اليوم بس لازم تروح بدري عشان اخرهم 12 في ايتلام الطلبات و بتستلم الساعه 3 )
4- 6 صور شخصية ( بنظارة لو بتلبس نظارة )
5 - 5صور من البطاقة عشان كل شوية هيطلبوها منك .
6- هتروح المرور. بدري قبل 8 تكون هناك و تروح تشتري طلب كمسيون ب 1.5 جنيه و بعدين علي شباك الكمسيون هياخد منك الطلب و صورة البطاقة و صورة شخصية و يقولك بعد بكرة تروح عند عين الصيرة بعد المرور و ملاهي جيرو لاند مش فاكر اسم المنطقة ايه بس اي حد هتساله علي الكمسيون هيقولك فين ..
6- هتروح الكمسيون بس مش لازم بدري و الافضل تروح علي 10:30 عشان قبل كده بياخدوا الرخص الاولي و التانية و التالتة في الاخر .. و هتدفع 49 جنيه كشف مخدرات و الكشوفات تافهه و صورية اكتر منها كشوفات ليها قيمة و هي كشف اعصاب و نظر و تخليل بول و بيكون معاك 3 و الممرض في الحمام عشان محدش يكون جايب معاه بول من بره و متضحكش .. سمعت ان حصل كده فعلا .. المهم هيقولك بعد بكره تروح المرور…
7 - هتروح المرور و مش مهم بدري لانك هتاخد نتيجة الكمسيون من الشباك اللي قدمت فيه و تحط بقي كل الورق اللي فوق ده و تروح علي شباك التالتة لاول مرة مش شباك التالتة تجديد و تقف في طابور انت و حظك في طوله… المهم الست هتاخد منك الورق و تراجعه و لو انت كنت رايح علي عماك زي حالاتي هترجعك 4او 5 مرات لانها مش هتقولك علي الورق كله مرة واحدة .. لكن لو انت قريت الموضوع هتاخد منك الورق و تديك وصل ب 41 جنيه رسوم اختبار .. و تقولك تعالي بكرة بدري ..
8- مش لازم تجيب ورقة الاشارات من هناك ب 3 جنيه انت ممكن تجيب صور الاشارات من جوجل ببلاش ..
9- هتروح يوم الامتحان بدري قبل 8 عشان تاخد دور في الاول .. طبعا هتروح لشباك الست اللي قدمت عندها و هتنادي علي كل واحد بعد ما تلم البطايق و هتدخل علي اختبار الاشارات تسلم الورق للعسكري و هيجي امين شرطة تخين و صوته مزعج جدا اسمه مصطفي ينادي علي كل 10 مع بعض يمتحنوا اشارات مع نقيب زي العسل و محترم جدا ..
10- لو نجحت في الاشارات هتروح عند امتحان السواقة و لازم تكون عامل حسابك في كاب او طاقية و زجاجة مياه متلجة عشان صحرا و شمس و البوفيه هناك حرامية و بعيد عن مكان الامتحان ..
11- امتحان السواقة بعربية دبابة حمرا حالتها كويسة و موديل 2012 تقريبا… و الامتحان عبارة عن ملف واسع بشكل حرف ( ر ) العربي و فيه اقماع يمين و شمال و انت هتمشي بوشك للاخر و ترجع بظهرك .. متقولش تافه .. ده صعب جدا لان الصندوق اكبر من الكابينة و مش هتشوف حاجه لو بصيت وراك .. الحل انك ترجع بالمراية الشمال بس و تنسي اليمين خالص ( عملت كده و لبست قمع ) او تبص من الشباك ( عملت كده و عديت ) بس طبعا و انت طالع لقدام تكون محضن شمال عشان الملف وانت راجع متاكلش قمع من اليمين ..
12- لو يقطت الظابط ( نفس بتوع الاشارات ) هيقولك تعالي بعد شهر ( قانوني بعد 90 يوم ) انا قلتله انا مهندس و عايز الرخصه عشان اسافر قالي تعالي بعد اسبوع .
13- لو نجحت هيقولك تعالي بكره ..
14- هتروح بدري لنفس الست اللي قدمت عندها لو من ناجح من اول مرة هتديك ايصالات بدفعها في الخزنة ب 60 جنيه لو من تاني مرة هتزيد 30 رسوم اعادة .. و هتزجع تاني للطابور و هتديلك تصريح ب 3 شهور و تاخده تختمه من الظابط بتاع الامتحان ..
15- بعد كده هتروح تعمل شهادة بيانات للتامينات ب 10 جنيه تدفعهم في الخزنة و ترجع تاخد الشهادة تختمها من نفس الظابط و ترجع تغلف الشهادة ..
16- هتروح نقابة السواقين في عبده باشا تدفع 57 جنيه و تاخد جواب للمرور ..بلاش النقابة اللي في المرور عشان هياخد منك 100 جنيه ..
17- هتروح التامينات تديهم شهادة البيانات و لو عندك رقم تاميني هتدفع اشتراك 3 شهور ب 60 جنيه لو معندكش هتفتح ملف تاميني سمعت انه ب 600 جنيه بس مش عارف الحقيقة…
18- لو عايز تغير مهنة في البطاقة هتجيب ورق بطاقة تختمه من النقابة… مش عارف هيحتاج يتختم من التامينات ولا لا هعرف بعد بكرة ..
20- هتاخد الورق بتاع النقابة و التامينات و ترجع علي المرور تسلم الورق و تدفع 15 جنيه رسوم تصوير كمبيوتر تقريبا مش متاكد كام سمعت كده…
21- غالبا هيقولك تعالي بكرة استلم الرخصه…
ده ملخص سريع لرحلة 15 يوم عملت فيهم التصريح و جاري اكمال باقي الحفلة عشان استلم الرخص.…
[mshosh2]http://www.4shared.com/photo/lCkSz74F/morsee.html[/mshosh2]
رقم العضوية : 57630
تاريخ التسجيل : 01Jan2010
المشاركات : 4,129
النوع : ذكر
الاقامة : Cairo / Port Said
السيارة: Kia Carens 1.6 2010
السيارة[2]: Nissan Sunny 2014
دراجة بخارية: -
الحالة :
مبروك الرخصه و الفيزا ان شاء الله :)
[justify]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/justify]
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
ايه المرار ده
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 19004
تاريخ التسجيل : 14Sep2008
المشاركات : 5,735
النوع : ذكر
الاقامة : El-menya
السيارة: Lancer 1993 & VW 1964
السيارة[2]: نيسان صني فيس لفت
دراجة بخارية: هانكو 150
الحالة :
الله يبارك فيك ..
الحتة بتاعة الكمسيون اسمها ابو السعود و بالظبط وانت في اخر صلاح سالم و رايح باتجاه الملك الصالح بعد مرور عين الصيرة فيه صينية هتلف و ترجع تلاقي سور بعديه الكمسيون ..
[mshosh2]http://www.4shared.com/photo/lCkSz74F/morsee.html[/mshosh2]
رقم العضوية : 19004
تاريخ التسجيل : 14Sep2008
المشاركات : 5,735
النوع : ذكر
الاقامة : El-menya
السيارة: Lancer 1993 & VW 1964
السيارة[2]: نيسان صني فيس لفت
دراجة بخارية: هانكو 150
الحالة :
لفة سودة…
تخيل بقي انا مكنتش عارف اي ورق همه عايزينه و كل ما اروح يطلبوا ورقة… مش يطلبوا كل حاجة مرة واحدة ..
و كمان لبست مشوار اسكندرية عشان اجيب شهادة البكالوريوس من هناك…
تقدر تقول المعاملة مش وحشة و مفيش اي حد خد مني رشوة .. بس فيه نقص كبير في الارشادات و معتمدين علي الناس اللي بتعمل ورقها قبلينا ..
[mshosh2]http://www.4shared.com/photo/lCkSz74F/morsee.html[/mshosh2]
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
رقم العضوية : 19004
تاريخ التسجيل : 14Sep2008
المشاركات : 5,735
النوع : ذكر
الاقامة : El-menya
السيارة: Lancer 1993 & VW 1964
السيارة[2]: نيسان صني فيس لفت
دراجة بخارية: هانكو 150
الحالة :
ايوة يا باشا…
لا محتاج واسطة و لا رشوة خالص و في الامتحان كويسين ..
لو انت متعود علي سواقة ربع نقل هيبقي تافه جدا… لو مش متعود هيبقي صعب .. و دي حلها انك تكرن بتعرف ترجع بظهرك باستخدام المراية بس ( عيبها ان الصندوق اكبر من الكابينة وده هيغشك في مقاسات الحركة ) او زي ما انا و تلاتة زيي طلعنا راسنا من الشباك و احنا راجعين…
الامتحان اسهل من الملاكي بكتير لا ركنة ولا اس ولا الهري الكتير…
كمان بعد ما تطلع التالتة في اي وقت تروح تلغيها و تاخد جواب للمرور و تطلع خاصه بدون امتحانات خالص و انا هعمل كده بعد ما اخلص حوار الفيزا…
بس لو معاك خاصه اياك تجيب سيرة ان معاك رخصه والا هيطلب منك تلغيها و تجيب جواب من المرور انك لغيتها ..
[mshosh2]http://www.4shared.com/photo/lCkSz74F/morsee.html[/mshosh2]
رقم العضوية : 155495
تاريخ التسجيل : 02Feb2014
المشاركات : 604
النوع : ذكر
الاقامة : Mansoura
السيارة: يا مسهل
السيارة[2]: Chevrolet Lanos
الحالة :
هما ليه بيعملو كده فى رخص الدرجة التالتة ؟؟؟
رقم العضوية : 19004
تاريخ التسجيل : 14Sep2008
المشاركات : 5,735
النوع : ذكر
الاقامة : El-menya
السيارة: Lancer 1993 & VW 1964
السيارة[2]: نيسان صني فيس لفت
دراجة بخارية: هانكو 150
الحالة :
لانها تعتبر و ظيفة و دي اوراق التوظيف اللي بتتقدم في اي مكان .. بس الفرق ان التامينات بتكون عليك مش علي الشركة الا لو موظف سواق في شركة بيكون ليها نظام تاني ..
الننهاردة رحت نقابة السواقين في عبده باشا قالولي لازم تروح فرع حلوان و المصروفات 104 جنيه… و حاطين تحذير من كشك النقابة الحرة اللي في المرور…
و التامينات برضه قاللي تروح حلوان…
هروح بكرة المرور اهاتي معاهم بجواب التامينات و اختم ورق البطاقة من الكشك بتاع المرور لانه اقرب من حلوان كتيير
[mshosh2]http://www.4shared.com/photo/lCkSz74F/morsee.html[/mshosh2]
رقم العضوية : 19004
تاريخ التسجيل : 14Sep2008
المشاركات : 5,735
النوع : ذكر
الاقامة : El-menya
السيارة: Lancer 1993 & VW 1964
السيارة[2]: نيسان صني فيس لفت
دراجة بخارية: هانكو 150
الحالة :
رحت كشك النقابة في المرور دفعت 100 جنيه اشتراك 3 سنين و خدت جواب المرور و كارنيه النقابة ..
و دي نقابة غير النقابة بتاعه السواقين .. شكلها كده في مشاكل بين النقابتين ..
و قدمت جواب التامينات اللي كنت عامله من الاول و جواب المرور و الحمد لله اتصورت و خدت الرخصه…
و اخيرا بقي مهندس سواق قد الدنيا ..
هروح اعمل البطاقة و الجواز عشان اسيب ام البلد دي ..
[mshosh2]http://www.4shared.com/photo/lCkSz74F/morsee.html[/mshosh2]
المفضلات