منع تجديد ترخيص السيارات الملاكي الذي مر على تاريخ صنعها اكتر من 20 سنه

**enghonda** · 10-11-2008 02:27 PM

قانون جديد الفكرة في طرحه هو اننا نضرب عصفورين او اكتر بحجر واحد يعني اولا اننا نقلل من الكثافه المروريه في الشوارع ونضمن قلة اعداد العطلات الناتجه عن أعطال السيارات القديمه اللي بتعذبنا في الشوارع بالاضافه الى ان السيارات القديمه دايما بتكون مواتيرها انتهت صلاحيتها وحتى لو اتعملها عمرة مبترجعش زي الاول وبالتالي بتطلع لنا سموم ملهاش حل بتلوث الجو واللي بخلي اعلى معدلات تلوث داخل المدن موجوده عندنا في القاهره الكبرى وده نعتبره ثانيا غير كده انه هيكون الاقبال على شراء سيارات جديده هيكون كبير لدرجه هتخلي اسعار السيارات الجديده تنزل الارض وهتظهر لنا انواع وموديلات جديده منافسه زي اللي انا عن نفسي شفتها في دول الخليج .. غير كمان ان قلة الكثافة المروريه دي هتساعد في ظهور المجهودات اللي بتعمل عشان صيانة وتطوير الطرق اللي طبعا صعب انها تنفذ دلوقتي بسبب الزحام الدائم وعدم توافر طرق بديله لتحويل مسار السير ليها عشان تتم الاصلاحات اللي محتاجاها كل الشوارع والكباري ومش لاقي حتى طريق واحد ادي عليه مثال على صلاحيته... يلا ماعلينا.. المهم اكيد في بردو لو فكرنا كلنا هنلاقي في فوايد تانيه كتير وياريت منبصش من الناحيه السوده للفركه دي على اساس مثلا هنجيب جديد منين والايد قصيرة والكلام ده لأن اللي مش معاه يجيب جديد في اكيد طرق تانيه طبعا شريفه يشتري جديد سواء تقسيط او غيره بالاضافه ان وسائل المواصلات التانيه هيكون مجبره انها تتحسن وتتطور عشان تستقبل الاعداد الكبيرة اللي هجيلها وتستخدمها وهيكون المسؤلين مضطرين انهم يوجدو طرق جديده وفعاله لايجاد وسائل نقل اكثر فعاليه وبتخضع لقوانين المرور والبيئه...
ياريت تكون فكرتي وصلت للجميع وانها فعلا تكون مفيده لينا كلنا.. ولو عاوزين تأكدو من الفوائد الناتجه من تطبيق القانون ده ياريت تطلعو على احوال المرور في دول الخليج وفي اوروبا

**ooso28** · 10-11-2008 02:34 PM

اوربا نفسها مفيهاش قوانين العشرين سنة دي!!!!!!!!!1
هو ده اقتراح من حضرتك ولا ده قانون لسه جديد في مصر فعلا؟

**sab3aawy** · 10-11-2008 02:36 PM

سبق طرح الموضوع فى المنتدى مرات عديدة ، كما انه كان محل مناقشة فى مجلس الشعب و ولم يقره مجلش الشعب، ممكن حضرتك تراجع الرسائل السابقة وهتلاقى كلام كتير جدا عن الموضوع ده

**KoDaK_Gti** · 10-11-2008 02:43 PM

طبعا لا اوافق
معنى كده من كلامك ان اللى معاه فلوس يركب عربية واللى ممعهوش فلوس يولع فى نفسه ويجرى ورا المواصلات ؟؟
واحد ظروف دخله متسمحش انه يجيب عربية قسط وراكب عربية ب 10000 جنيه
ذنبه ايه فى اقتراحك ده انه ميركبش عربية ويتبهدل فى المواصلات هو ومراته وعياله ؟؟
الفكره غلط لو اتعملت ....وانا معاك ان العربيات القديمة اعطالها كتير
وبردو العربيات الجديدة ليها اعطال وانت اكيد بتشوف بنفسك عربيات جديدة وبتمشى وعاملة شبورة دخان وراها

**mohamed_88sk** · 10-11-2008 02:51 PM

لا بصراحه انا معاك ,,

بس مش معاك في أن اسعار الجديد حتنزل بالعكس دي حتزيد عشان الأقبال حيزيد ,,
بس نفترض واحد معاه سياره قديمة هل تعتقد الدوله لما تمنهع ترخيصها حتديله فلوس ؟؟؟؟ أبدا حيقولوله زي ماعملوا مع التاكسيات حنعتبرها تساوي 10 ألاف والباقي أنت كمله يعني حيخسفوا بتمنها الأرض وحيبقى في أفترا ,,
وزي ما قال استاذ حسام حيتظلم اللي ما يقدرش يدفع ..

**enghonda** · 10-11-2008 02:52 PM

انا آسف يا سبعاوي اني كررت موضوع سبق نشره ومناقشته يمكن بس عشان انا لسه جديد ومقرتش كل المواضيع اللي هنا بس كانت فكره كانت حابب اشوف رايكم فيها ايه وكمان استعرض الفوايد النتجه من تطبيق القانون ده ولو حد كان عنده فوايد تانيه شايفه بردو يطرحها يمكن نقدر نغير نظرة اللي رفضو الفكره دي ونخليهم معانا عشان نلطب اعادة مناقشته مره تانيه في مجلس الشعب .... أما بالنسبه للسؤال اذا كان القانون ده فكرتي ولا ظهر في مصر وانه مش موجود بره انا بحب اقول ان المشروع ده موجود فعلا في دول الخليج وخاصة دولة الكويت اللي بتنفذه وبتحرص على تنفيذه جدا وبالتالي لما رحت وزرتها لقيت سيوله مرورية هايله ومفيش اي معوقات بالمرة بالاضافه الى المظهر الحضاري الجميل اللي نتج من توابع تنفيذ المشروع ده

**sherif_84** · 10-11-2008 02:53 PM

بصوا ياشباب
المفروض ان العربيات القديمة اللى متهالكة خالص ومافيش أمل من اصلاحها دى لازم تتوقف ويمنع مشيها فى الشارع
انما السيارات القديمة اللى حالتها كويسة وموتورها كويس وبتخضع فعلا للفحص الفنى فى المرور بجد مش فحص اى كلام ويمشي الفحص بخمساية ولا عشراية دى تمشى عادى زيها زى العربية موديل 2008 حتى لو هى من الخمسينات
اعتقد ده الراى المفروض يتعمل فى مصر لان طبعا ماينفعش امنع واحد عنده مثلا فيات 132 موديل 74 وحالتها كويسة واقوله ممنوع تركبها

**msobhy** · 10-11-2008 02:59 PM

انا اسف يا جماعة انى اقول انى مع القانون ده / ويا رب يكون فعلا فيه قانون زى ده
أولا هيحد من الكثافة المرورية الرهيبة اللى احنا ملناش اى ذنب فيها
ثانيا هيساعد على ضبط نسبة التلوث ولو بشكل نسبى
ثالثا هيقلل نسبة العالم البلطجية الغير محترمة اللى بتمشى بعربية ثمنة عشرة جنية وتعاكس فى ديه وتشتم ده وتكسرعربية ده وهكذا
رابعاالسيولة المرورية هاتؤدى الى مواصلات احسن - ده لو احنا شعب محترم
فى النهاية احب اقول لحضرتكم انى مش بتحرك لأى مكان من غير عربيتى لكن لما بيكون مشوار مواصلاته سهله بكون فى قمة سعادتى يمكن لأنى مش بحب السواقة لكن
اللى معترض على مشروع القانون ده ياريت يبقى يبص على كوبرى 6 اكتوبر فى الصيف يوميا من الساعة 1 الى الساعة 6 ظهرا

**mohamed_88sk** · 10-11-2008 03:00 PM

انا آسف يا سبعاوي اني كررت موضوع سبق نشره ومناقشته يمكن بس عشان انا لسه جديد ومقرتش كل المواضيع اللي هنا بس كانت فكره كانت حابب اشوف رايكم فيها ايه وكمان استعرض الفوايد النتجه من تطبيق القانون ده ولو حد كان عنده فوايد تانيه شايفه بردو يطرحها يمكن نقدر نغير نظرة اللي رفضو الفكره دي ونخليهم معانا عشان نلطب اعادة مناقشته مره تانيه في مجلس الشعب .... أما بالنسبه للسؤال اذا كان القانون ده فكرتي ولا ظهر في مصر وانه مش موجود بره انا بحب اقول ان المشروع ده موجود فعلا في دول الخليج وخاصة دولة الكويت اللي بتنفذه وبتحرص على تنفيذه جدا وبالتالي لما رحت وزرتها لقيت سيوله مرورية هايله ومفيش اي معوقات بالمرة بالاضافه الى المظهر الحضاري الجميل اللي نتج من توابع تنفيذ المشروع ده

حضرتك متأكد أنك كنت في الكويت ؟؟؟

طيب القانون ده لكام سنه ؟؟

شوف حضرتك نوع السيارة اللي انا كاتبها عندي في البروفايل وفين مكانها وموديلها !!

عشان لو صح كده تبقى مصيبه للي زي حلااتي وهناك

مشاهدة نتائج الإستطلاع: منع تجديد ترخيص السيارات الملاكي الذي مر على تاريخ صنعها اكتر من 20 سنه

الموضوع: منع تجديد ترخيص السيارات الملاكي الذي مر على تاريخ صنعها اكتر من 20 سنه

LinkBack

أدوات الموضوع

عرض

-

-

-

-

-

المواضيع المتشابهه

موقع لجميع صور السيارات من اول صنعها لحد النهاردة

موقع لجميع صور السيارات من اول صنعها لحد النهاردة

سؤال عن تجديد ترخيص السيارة

تجديد ترخيص الياريس

الكلمات الدلالية لهذا الموضوع

المفضلات

المفضلات

ضوابط المشاركة