الموضوع: الزجاج اتكسر

للرفع

أنا لسة شارى العربية السيراتو مستعمل و كان فيه شرخين بالزجاج الأمامى وقلت أغيره و بعد بحث , غيرته عند جريش بالعاشر بمبلغ 430ج (سعر ممتاز) و ناس محترمين جدا , لكن الشيطان لعب في دماغى و أخذ يوسوس لى إن الزجاج وحش و رجعت لهم و أحضروا مراقب الجودة و أكدوا لى ان الزجاج كويس من وجهة نظرهم و لو أنا شايف غير كدة قالوا روح ركب أي زجاج أفضل برة و هات الزجاج رجعه و خد فلوسك( آخر إحترام) و أنا ثانى يوم ذهبت ل 3 توكيلات كيا و سمعت الأسعار الآتية بالترتيب 3200ج, 3300, 3450ج, و أول واحد قاللى فوت علينا بكرة علشان الصنايعى مش موجود, و الزجاج لوحده ثمنه 2416ج بدون ضريبة و الباقى ثمن الجوان و المصنعية و الضريبة, بالإضافة إن العربية حتتأخر عندهم و ممكن تبات و لو مش عايزها تبات ممكن تستلمها على مسئوليتك, مع إنهم في جريش غيروه في نصف ساعة و بالجوان القديم بعد تنظيفه , طبعا أنا كنت فاكر إنه حيكون في حدود 1800ج فلما سمعت المبلغ ده و تخيلت إننى دفعته و بعد فترة إتشرخ تانى صممت ألا أغيره بالتوكيل , بعد ذلك و أنا مروح عديت على عدة 3محلات زجاج و سألت وجدت مابين إستثمارى و جريش ( الإستثمارى مصري بس عليه لوجو كيا أما جريش عليه لوجو جريش), طبعا لما كنت بسأل كنت أترك العربية بعيد علشان حتى لا يشتغلنى أحد , و فعلا المحل الأولانى كان نصاب قاللى الإستثمارى ب 500ج و جريش ب 600ج لأن جريش أفضل فعرفته إنى لسة مركب جريش قاللى طيب أركبلك الإستثمارى, اما المحلين الآخرين عندهم إستثمارى ب 500ج و شافوا الزجاج إللى مركبه قالوا لى ماله ماهو زى الفل أهه, حرام تخلعة لأن الإستثمارى في أفضل حالاته سيكون مثل جريش,فشكرتهم لأمانتهم, و لقيت نفسى إقتنعت بجريش و لاحظت إن سيارات كتير مركبة جريش,أنا حكيت لك التجربة كاملة لتتخذ قرارك و لو وجدت شيئ أفضل من جريش ياريت تقوللى. تحياتى.