الموضوع: سييد .. ليون .. 308 .. قاشقاى .. اوكتافيا .. جوليتا .. Ds5

انا بتمنى ليك التوفيق فى اختيار السيارة
بس نصيحة .... متشتريش
لأن المقارنه بتاعتك قايمة على بعض الاخطاء
و منها حاجات عكس اللى انت مقتنع بيه تماما
مثلا الهوندا اعلى خلوص ارضى فى السوق 16 سم عكس اللى انت قولته تماما

ممكن لا قدر الله تاخد قرار غلط راجع معلوماتك تانى



و اكبر خطأ ان اقل عربية فى دول ب 180 الف و اعلاهم 280
,و بتقارن سيدان على هاتشباك على كروس اوفر
ايه يا عمنا ؟.

الحصان الرابح دلوقتى بالنسبة لكل اللى فات 508
و لو انت قادر على فلوس الجولييتا هاتلك BMW AUDI a3 كسر زيرو احسن

المشاركة الأصلية كتبت بواسطة adnfalcon

508 و ds5 و a7 highline
اركب ال 3 عربيات دول وإختار اللي تعجبك

متشكر جدا على اهتمامك بالرد .... و بصراحه لو بنتكلم على دول .. مفيش فخامه اكتر من ال ds5 .. مشكلتها التوكيل بس ... عامه ان شاء الله لو عرفت اجيب سعر كويس ليها ممكن افكر فيها وربنا يستر بعد كده ان شاء الله

اعيز اقولك ال بى ام 116I أو 118I

بس مش حابب فكرة انك تبقى زانق نفسك خصوصا انك لما تجيب عربية ب 100 الف جنيه اقل مش هتقول لأ

ما دام بتحب الهاتشباك الغى كل السيدان

ما دام سواقتك عنيفة استبعد الكورى

هاتشباك و عائلية فى نفس الوقت دى عملية صعبة

شوف حضرتك الاسكودا yeti ممكن تملا دماغك او ال بيجو208 او السوبارو

و اى عربية الاوبشنز ممكن تتزود فيها ما تعتبرهاش نقطة مقارنة

المشاركة الأصلية كتبت بواسطة japrulez

انا بتمنى ليك التوفيق فى اختيار السيارة
بس نصيحة .... متشتريش
لأن المقارنه بتاعتك قايمة على بعض الاخطاء
و منها حاجات عكس اللى انت مقتنع بيه تماما
مثلا الهوندا اعلى خلوص ارضى فى السوق 16 سم عكس اللى انت قولته تماما

ممكن لا قدر الله تاخد قرار غلط راجع معلوماتك تانى



و اكبر خطأ ان اقل عربية فى دول ب 180 الف و اعلاهم 280
,و بتقارن سيدان على هاتشباك على كروس اوفر
ايه يا عمنا ؟.

الحصان الرابح دلوقتى بالنسبة لكل اللى فات 508
و لو انت قادر على فلوس الجولييتا هاتلك bmw audi a3 كسر زيرو احسن

متشكر جدا على اهتمامك بالرد ...

1- بصراحه انا اول مره اعرف موضوع خلوص الهوندا ده .. وانا كنت بقيسها على الموديل اللى قبله زى 2009 .. كان واطى جدا ... عامه بالنسبه للهوندا بالذات الانتريور بتاعها كمان مش عاجبنى و كمان الشكل الخارجى ... وبيتهيألى هيغيروه قريب

2- بالنسبه لسيدان او هاتش باك او كروس اوفر ... مفيش سيدان فى مقارنتى غير الاوكتافيا ... ورغم كل مميزاتها .. انا مش مقتنع بيها قوى .. عارف احساس انك مش هتحس انك فرحان بيها .. وانا حاططها عشان صوت العقل اللى بيوهجنى ليها ... اما كروس اوفر او هاتش باك ... ماتفرقش معايا فى حاجه .. اهم حاجه حجم مدمج مع وسع داخلى معقول و ثبات على السرعات ..

3- بالنسبه لمجال الفلوس كبير .. ﻷنى العادى انى اجيب حاجه فى حدود 190 .. 200 الف .. بس لو فيه حاجه مميزاتها تستاهل انى ازود لحد 300 ممكن اجى على نفسي .. خاصه ان فئه ال 200 مفيهاش حاجه عاجبانى اوى .. اول واحده بفكر فيها فعليا هيا 308 ... ال ds5 اعلى منها فى بعض النقاط .. بس اغلى .. فالحيره فى كده ... علشان كده فكرت اخد ارائكم

4- لﻷسف مقدرش اشترى مستعمل عشان معظم الفلوس دى قرض من شركتى لشراء سياره جديده فقط .. وليس مستعمله

متشكر جدا

المشاركة الأصلية كتبت بواسطة abdulkhaleq

هو بصراحه دي مش مقارنه
انت فاتح على نفسك كذا جبهه وكذا شريحه سعريه
في حد بينقي من 180 - 300 ياراجل ياطيب ؟

ههههه .. ربنا ييسر .. المشكله مش فى كتر المعروض .. اامشكله فى ان كل واحده من المعروض فيها مشكله .. توكيل تعبان ... عدم توافر قطع غيار حتى فى التوكيل .. واطيه فى شوارعنا الحرير .. صغيره

المشاركة الأصلية كتبت بواسطة م أحمد

اعيز اقولك ال بى ام 116i أو 118i

بس مش حابب فكرة انك تبقى زانق نفسك خصوصا انك لما تجيب عربية ب 100 الف جنيه اقل مش هتقول لأ

ما دام بتحب الهاتشباك الغى كل السيدان

ما دام سواقتك عنيفة استبعد الكورى

هاتشباك و عائلية فى نفس الوقت دى عملية صعبة

شوف حضرتك الاسكودا yeti ممكن تملا دماغك او ال بيجو208 او السوبارو

و اى عربية الاوبشنز ممكن تتزود فيها ما تعتبرهاش نقطة مقارنة

نصايح محترمه شكرا ليك عليها ..

بالنسبه للبى ام ... جميله و موتور رائع ... بس فاضيه .. واطيه على الارض ... و هتغير شكل على اخر السنه

معاك فى حته الغى كل السيدان

مش معنى عائليه انى عاوز وسع بحر ... انا الجين 2 اللى معايا وسعها معقول نوعا ما ... وشنطتها كويسه جدا معايا خاصه لما بشيل رف الشنطه .. فلو عربيه شنطتها زى الجين 2 .. والوسع الداخلى اكبر شويه منها تبقى مناسبه جدا ليا

اسنبعاد الكورى موافق عليها

والله انا بدأت أفكر ألغى أى حاجه فيها dsg ... حتى لو صدقوا فى ان مشاكله وقفت ... بس مازلت بتحتاج تعامله بحرص فى الزحمه بالذات ... و قرصته وحشه ... فى الضمان و توكيل محترم هيغيرهولك بس هتاخد و قت من غير الهربيه .. وانا العربيه روحى فى الشغل مقدرش استغنى عنها ... بعد الضمان ربنا يتولاك برحمته بقى ... فعشان كده بالرغم من ان اليتى جميله جدا بس كبرت دماغى منها ... 208 صغيره .. ولو عليها يبقى 308 تمام ...السوبارو اوبشنها قليل فبصراحه هحس انى جايب عربيه ناقصه و بمبلغ كبير ... بالمناسبه موضوه الاهتمام بالاوبشنز ده بيكون متفاوت من شخص للتانى وانا لﻷسف من اللى بيهتموا بيه .. ده حتى الجين 2 بتاعتى مظبطها حاجات زياده كتير ... دى فى دى خاص بالموديل بتاعها بكاميرا خلفيه .... فوانيس معدله .. جهاز فصل العربيه عن بعد ... وهكذا

متشكر جدا على ردك الوافى