508 و ds5 و a7 highline
اركب ال 3 عربيات دول وإختار اللي تعجبك
رقم العضوية : 5955
تاريخ التسجيل : 18Feb2008
المشاركات : 801
النوع : ذكر
الاقامة : ALEXANDRIA
السيارة: جيلى باندا اوتو 2012
السيارة[2]: بروتون جين2 2009 .. اوكتافيا 2015 اليجانس
دراجة بخارية: لا
الحالة :
السلام عليكم
كنت محتاج اراء حضراتكم فى الاختيار بين الموديلات دى علشان محتار جدا ... وانا عمه بدور فى فئه من 180 الى اقصى حاجه 300 الف بالعافيه ... و بميل للعربيات الهاتش باك بس فى نفس الوقت عائليه .... سواقتى عنيفه شويه وبحب الموتور القوى ... العربيه لازم تكمل معايا على الاقل 6 سنين ... بمعدل استهلاك حوالى 170 الف كم ... معظم سواقتى طرق سريعه ... طبعا لازم بنزين 92 ... بحب العربيه المليانه اوبشنز بالذات سقف بانوراما ولو امكن بيتفتح و زينون اصلى
اولا : سيات ليون هاى لاين ....
مميزاتها .. شكل خارجى مميز وخاصه الفوانيس ... سعرها كويس جدا .... سحبها كويس ... شنطتها كويسه ....اوبشتز كويسه ..... تدفع 5 الاف جنيه زياده تاخد ضمان 5 سنين ... سقف بانوراما بيتفتح وفوانيس متطوره بنظام ليد
عيوبها .... اسعار قطع غيار . سمعت ان الفانوس ب 13 الف ... تعمل مع 92 بس احد ملاكها كان بيقول انها كانت بتعمل كركره بسيطه اختفت مع ال 95 ... وطبعا موضوع الفتيس اللى حتى لو صدقوا ان عيوبه اختفت بس مازلت على الاقل بتعامله معامله خاصه و بحرص شديد ... مستوى الانتريور مش عاجبنى اوى بصراحه
ثانيا : كيا سييد هاى لاين ......
مميزاتها ...... سعر كويس .... شكل خارجى كويس ... وسع داخلى كويس جدا ... توكيل محترم ... اوبشنز كويسه ... انتريور معقول ( اللى نازل بره تحفه بالذات الشاشهالكبيره و شاشه العدادات ) ... مشتركه مع السيراتو فى قطع غيار كتير .. سقف بانوراما بيتفتح ...
عيوبها .... سحب بناءا على الارقام عادى حوالى 11 ثانيه .. متشال منها حاجات كتير نازله بره ...مش عارف عن استهلاكها وعلوها حاجه .. مفيهاش زينون
ثالثا : بيجو 308 ...
مميزاتها ... اوبشنز كويسه جدا ..... شكل داخلى و خارجى جيد جدا ... توكيل معقول .... سعر كوييس بالنسبه مستواها .... لو اعتماديتها زى 508 تبقى كويسه جدا ... استبن بنفس حجم وشكل العادى.... موتور قوى و بنزين 92 بدون مشاكل ... كشافات ليد متطوره
عيوبها ... شنطه صغيره .... كل الوبشنز تقريبا على شاشه تاتش فلو باظت هتبهدل .... احتمال تكون واطيه شويه بس لسه متجربتش ... فرش قماش وصعوبه تركيب فرش جلد علشان ايرباجات الكراسي ... سقف بانوراما ثابت
رابعا : قاشقاى .....
مميزاتها ... شكل كويس ... عاليه ... اوبشنز كويسه جدا .... بنزين تقريبا 92 .. زينون
عيوبها ... شنطه ديقه ... سحب عادى جدا ان مكانش تقيل ..... حجز 6 شهور واساسا الحجز موقوف دلوقتى ... سقف بانوراما ثابت
خامسا : اوكتافيا هاى لاين
مميزاتها ... انتشار و اعاده بيع و توافر بدايل لقطع الغيار ..اعاده بيع ..... فيها كل الاوبشنز تقريبا .... شنطه بحر ... عاليه عن الارض .. زينون .. وسقف بيتفتح
عيوب .. حجم كبير نوعا بالنسبه لشوارعنا فى اسكندريه ... موتور ضعيف ... شكل داخلى و خارجى عادى جدا ... مش حاسس ان فيها متعه السواقه اللى فى الباقيين
سادسا : الفا روميو جوليتا هاى لاين
مميزات ... انتريور و شكل خارجى جميل .... موتور تحفه ... بنزين 92 على كلام المبيعات ... شنطه معقوله .... اوبشنز كويسه ... على غير المتوقع بعض قطع الغيار اسعارها كويسه .... اختلفت الاراء فى علوها عن الارض ... بانوراما بيتفتح
عيوب .... سعر عالى نوعا ما .... توكيل جديد مع عربيه نادره مخاطره كبيره بصراحه ... مفيهاش زينون ... مفيش توكيل فى اسكندريه
سابعا : سيتروين ds5
مميزات ..... شكل داخلى و خارجى خرافى .... اوبشنز كويسه .... علو عن الارض كويس ... وسع صالون وشنطه كويس جدا ... سحب معقول ... بزين 92 ..فوانيس زينون متطوره و تتحرك مع اتجاه السياره
عيوب ... توكيل تعبان جدا و مش موفر قطع غيارها خاصه الخارجيه من تجربيه احد ملاكها واسكندريه التوكيل فيها تعبان جدا .... قطع غيار اسعارها غاليه نسبيا للباقيين .... استهلاك بنزين عالى جدا فى الزحمه .... سعر عالى ... عفشه ناشفه نسبيا ..
ملحوظه ... تم استبعاد الاتى ...
سيتروين c5 لقله الاوبشنز و كبر حجم العربيه
ستروين ds4 لصغر حجمها و عدم وجود شاشه وزجاج الابواب الخلفى مبيتفتحش
جولف بسبب الغاء الهاى لاين و الانتريور خاصه الفرش تعبان غير موضوع الفتيس
بيجو 508 بسبب حجمها الكبير مع انها عربيه رائعه
اوبل انسيجنيا .. حجم كبيير .. استهلاك بنزين عالى .. غلو قطع الغيار ... مشاكل فى التيل و الطنابير
اودى a3 هاتش باك .... بسبب انها واطيه جدا 11 سم
هيونداى ix35 و سبورتاج ... عربيات عاديه جدا ... مش بتاع جرى ... مش حاسس فيهم بمتعه السواقه
تويوتا اوريس شنطه صغيره .. انتريور عادى جدا .. اوبشنز اقل من الكورولا .. مفيش زينون .. سقف بانوراما ثابت
اوبل استرا هاتش باك ... سحب عادى .. شكل قديم ممكن يتغير قريب .. استهلاك بنزين عالى نسبيا .. اوبشنز عاديه جدا .. مفيش زينون ولا بانوراما ولا حساسات
هوندا سيفيك ... شكل عادى جدا .. اوبشنز عاديه .. انتريور خاماته سيئه .. واطيه على الارض
سوبارو XV ... عربيه جميله و قويه ... يعيبها قله الاوبشنز .. عدم توافر قطع الغيار ... شنطه صغيره
اسف على الاطاله ... بس لعل ارائكم و اختياركم يساعدنى على الاختيار ... متشكر جدا مقدما
اسلام ابراهيم
رقم العضوية : 159290
تاريخ التسجيل : 24Apr2014
المشاركات : 1,938
النوع : ذكر
الاقامة : luxor
السيارة: لا يوجد
السيارة[2]: Octavia A5
الحالة :
508 و ds5 و a7 highline
اركب ال 3 عربيات دول وإختار اللي تعجبك
D R . A D N F A L C O N
رقم العضوية : 62430
تاريخ التسجيل : 17Feb2010
المشاركات : 1,215
النوع : ذكر
الاقامة : CAIRO
السيارة: YARIS
السيارة[2]: 206
الحالة :
انا بتمنى ليك التوفيق فى اختيار السيارة
بس نصيحة .... متشتريش
لأن المقارنه بتاعتك قايمة على بعض الاخطاء
و منها حاجات عكس اللى انت مقتنع بيه تماما
مثلا الهوندا اعلى خلوص ارضى فى السوق 16 سم عكس اللى انت قولته تماما
ممكن لا قدر الله تاخد قرار غلط راجع معلوماتك تانى
و اكبر خطأ ان اقل عربية فى دول ب 180 الف و اعلاهم 280
,و بتقارن سيدان على هاتشباك على كروس اوفر
ايه يا عمنا ؟.
الحصان الرابح دلوقتى بالنسبة لكل اللى فات 508
و لو انت قادر على فلوس الجولييتا هاتلك BMW AUDI a3 كسر زيرو احسن
رقم العضوية : 5955
تاريخ التسجيل : 18Feb2008
المشاركات : 801
النوع : ذكر
الاقامة : ALEXANDRIA
السيارة: جيلى باندا اوتو 2012
السيارة[2]: بروتون جين2 2009 .. اوكتافيا 2015 اليجانس
دراجة بخارية: لا
الحالة :
رقم العضوية : 116120
تاريخ التسجيل : 29Oct2011
المشاركات : 1,212
النوع : ذكر
الاقامة : cairo
السيارة: xxx
السيارة[2]: xxx
دراجة بخارية: v soon
الحالة :
هو بصراحه دي مش مقارنه
انت فاتح على نفسك كذا جبهه وكذا شريحه سعريه
في حد بينقي من 180 - 300 ياراجل ياطيب ؟
[shfaf2]http://www10.0zz0.com/2013/04/03/16/676132267.jpg[/shfaf2]
رقم العضوية : 150464
تاريخ التسجيل : 23Oct2013
المشاركات : 1,878
النوع : ذكر
الاقامة : القاهرة
السيارة: بيجو 406
السيارة[2]: فيات128 - بيجو504
الحالة :
اعيز اقولك ال بى ام 116I أو 118I
بس مش حابب فكرة انك تبقى زانق نفسك خصوصا انك لما تجيب عربية ب 100 الف جنيه اقل مش هتقول لأ
ما دام بتحب الهاتشباك الغى كل السيدان
ما دام سواقتك عنيفة استبعد الكورى
هاتشباك و عائلية فى نفس الوقت دى عملية صعبة
شوف حضرتك الاسكودا yeti ممكن تملا دماغك او ال بيجو208 او السوبارو
و اى عربية الاوبشنز ممكن تتزود فيها ما تعتبرهاش نقطة مقارنة
رقم العضوية : 5955
تاريخ التسجيل : 18Feb2008
المشاركات : 801
النوع : ذكر
الاقامة : ALEXANDRIA
السيارة: جيلى باندا اوتو 2012
السيارة[2]: بروتون جين2 2009 .. اوكتافيا 2015 اليجانس
دراجة بخارية: لا
الحالة :
متشكر جدا على اهتمامك بالرد ...
1- بصراحه انا اول مره اعرف موضوع خلوص الهوندا ده .. وانا كنت بقيسها على الموديل اللى قبله زى 2009 .. كان واطى جدا ... عامه بالنسبه للهوندا بالذات الانتريور بتاعها كمان مش عاجبنى و كمان الشكل الخارجى ... وبيتهيألى هيغيروه قريب
2- بالنسبه لسيدان او هاتش باك او كروس اوفر ... مفيش سيدان فى مقارنتى غير الاوكتافيا ... ورغم كل مميزاتها .. انا مش مقتنع بيها قوى .. عارف احساس انك مش هتحس انك فرحان بيها .. وانا حاططها عشان صوت العقل اللى بيوهجنى ليها ... اما كروس اوفر او هاتش باك ... ماتفرقش معايا فى حاجه .. اهم حاجه حجم مدمج مع وسع داخلى معقول و ثبات على السرعات ..
3- بالنسبه لمجال الفلوس كبير .. ﻷنى العادى انى اجيب حاجه فى حدود 190 .. 200 الف .. بس لو فيه حاجه مميزاتها تستاهل انى ازود لحد 300 ممكن اجى على نفسي .. خاصه ان فئه ال 200 مفيهاش حاجه عاجبانى اوى .. اول واحده بفكر فيها فعليا هيا 308 ... ال ds5 اعلى منها فى بعض النقاط .. بس اغلى .. فالحيره فى كده ... علشان كده فكرت اخد ارائكم
4- لﻷسف مقدرش اشترى مستعمل عشان معظم الفلوس دى قرض من شركتى لشراء سياره جديده فقط .. وليس مستعمله
متشكر جدا
رقم العضوية : 5955
تاريخ التسجيل : 18Feb2008
المشاركات : 801
النوع : ذكر
الاقامة : ALEXANDRIA
السيارة: جيلى باندا اوتو 2012
السيارة[2]: بروتون جين2 2009 .. اوكتافيا 2015 اليجانس
دراجة بخارية: لا
الحالة :
رقم العضوية : 5955
تاريخ التسجيل : 18Feb2008
المشاركات : 801
النوع : ذكر
الاقامة : ALEXANDRIA
السيارة: جيلى باندا اوتو 2012
السيارة[2]: بروتون جين2 2009 .. اوكتافيا 2015 اليجانس
دراجة بخارية: لا
الحالة :
نصايح محترمه شكرا ليك عليها ..
بالنسبه للبى ام ... جميله و موتور رائع ... بس فاضيه .. واطيه على الارض ... و هتغير شكل على اخر السنه
معاك فى حته الغى كل السيدان
مش معنى عائليه انى عاوز وسع بحر ... انا الجين 2 اللى معايا وسعها معقول نوعا ما ... وشنطتها كويسه جدا معايا خاصه لما بشيل رف الشنطه .. فلو عربيه شنطتها زى الجين 2 .. والوسع الداخلى اكبر شويه منها تبقى مناسبه جدا ليا
اسنبعاد الكورى موافق عليها
والله انا بدأت أفكر ألغى أى حاجه فيها dsg ... حتى لو صدقوا فى ان مشاكله وقفت ... بس مازلت بتحتاج تعامله بحرص فى الزحمه بالذات ... و قرصته وحشه ... فى الضمان و توكيل محترم هيغيرهولك بس هتاخد و قت من غير الهربيه .. وانا العربيه روحى فى الشغل مقدرش استغنى عنها ... بعد الضمان ربنا يتولاك برحمته بقى ... فعشان كده بالرغم من ان اليتى جميله جدا بس كبرت دماغى منها ... 208 صغيره .. ولو عليها يبقى 308 تمام ...السوبارو اوبشنها قليل فبصراحه هحس انى جايب عربيه ناقصه و بمبلغ كبير ... بالمناسبه موضوه الاهتمام بالاوبشنز ده بيكون متفاوت من شخص للتانى وانا لﻷسف من اللى بيهتموا بيه .. ده حتى الجين 2 بتاعتى مظبطها حاجات زياده كتير ... دى فى دى خاص بالموديل بتاعها بكاميرا خلفيه .... فوانيس معدله .. جهاز فصل العربيه عن بعد ... وهكذا
متشكر جدا على ردك الوافى
رقم العضوية : 13812
تاريخ التسجيل : 28Jun2008
المشاركات : 2,513
النوع : ذكر
الاقامة : Nasr City
السيارة: .
السيارة[2]: ,
الحالة :
الصراحة المقارنة صعبة جدا و كل عربية فعلا ليها مميزاتها و ليها عيوبها
السييد صوت العقل بس هتفقد متعة التربو بس عربية متوقع انها تحقق انتشار ، مفيش مشاكل فيها ، توكيل قوى ، موتور معقول ، اوبشنز كويسة و موفر فلوس لو افترضنا ان الهاى لاين فى حدود 190 الف ، شكلها جميل و الى حد ما اظن ان اعادة البيع هتبقى معقولة
الليون عربية حلوة بس انا هلغيها من الاول عشان الـ dsg ، بصراحة محدش بيحب وجع الدماغ و لو حظك وحش هتبقى مشكلة كبيرة فأنا هلغى الليون و اى حاجة فيها dsg
القاشقاى اختيار كويس بس فقدت ميزة الموتور القوى ، اظن ان هى و الاوكتافيا اضعف مواتير فى المقارنة ديه غير طبعا فترة الانتظار الوهمية و الاوفر برايس الوهمى فيعنى هخليها فأخر قائمة الاختيارات خصوصا ان قطع غيار الموديل القديم مش رخيصة و اظن الجديدة هتبقى اغلى كمان
308 اختيار كويس برضه و ماسك العصاية من النص عربية حلوة و المتوقع ان مفيش فيها مشاكل و معاك موتور قوى و اوبشنز كويسة و السعر الى حد ما معقول يعنى مطلعتش لفوق اوى
اوكتافيا فاكس بصراحة حاسسها مش دماغك و انك مش هتنبسط بيها و حرام تدفع مبلغ و قدره فى حاجة مش مقتنع بيها و لو قررت هى فأنا شايف السييد اولى بصراحة و اوجه ليك عن الاوكتافيا
جوليتا عربية حلوة اوى بس هتخسر فيها جامد جدا دا لو عرفت تبيعها محدش عارف نظام التوكيل و لا مستقبله فأنا شايف متاخدش المخاطرة ديه خصوصا ان الـ 308 مش بعيدة اوى كموتور و اوبشنز و هتبقى على الاقل شارى دماغك
ds5 ديه معشوقتى بس للاسف فعلا التوكيل عنده اصرار انه يموت الماركة و مش عارف اازاى مش قادر يوفر قطع غيار ليها يعنى مفروض ديه اعلى عربية عندهم و زبونها ليه معاملة خاصة بس نقول ايه بقى فى عز العرب بس كعربية من غير توكيل مفيش شك انها تكسب المقارنة ديه و ان هى افضل واحدة فيهم داخليا و خارجيا
لو مكانك هفكر فى الـ 3 دول
السييد - الـ 308 - الـ ds5
انزل اتفرج على الثلاثة و شوف قلبك هيروح لمين اكتر
السييد هتشترى دماغك بيها و هتفقد المتعة شوية
الـ 308 حل وسط
الـ ds5 عربية فيها كل المتعة بس هتتعامل مع توكيل وحش و اسعار قطع الغيار هتبقى غالية
بالتوفيق ان شاء الله
Livin' life in the fast lane
Movin' at the speed of life and I can't slow down
Only got a gallon in the gas tank
But I'm almost at the finish line, so I can't stop now
Vive La France
المفضلات