احدث مقارنة بين الجين 2 والسويفت والشارك

**turcky_jarhy** · 10-04-2015 09:15 AM

بسم الله الرحمن الرحيم
ده اول مشاركة ليا وانا من زمان وانا بادخل هنا و بصراحة استفدت منكم كتير فى عربيتى القديمة و ربنا يكرمكم لانكم فعلا ناس محترمة و ما بتبخلش على حد
انا فى حيرة كبيرة جدا ليه ؟
انا راكب عربية اكسنت موديل 2000 انجكشن 1500 cc
و بصراحة العربية ده لو كان فيها abs انا كنت عمرى ما بيعتها شالتنى و عاشت معايا وكانت عمرها ما بتتعب و كنت بجيب بيها ال 180 و عمرى ما حسيت انى مقلق منها و مشاويرى على طول سفر بحكم شغلى و عمرها ما قلت معايا و كنت باحمل فى شنطتها اللى ما حدش يتخيلوا المهم
انا دلوقتى عايز اغيرها وادامى كذا حاجة و انا مقتنع بحاجة معينة بس مش عارف اذا كانت صح ولا لا
1- البروتون جين 2 و ده انا متابعها من اول ما نزلت 2007 عربية كويسة و شكلها حلو ورياضية غير طبعا الامان اللى موجود فيها من وسائد و abs , ebd و عجبانى بس خايف من قطع الغيار او يكون فيها عيب معين
2- اللانسر شارك انا مش بالعها بس شايفها كتير فى الشارع و الناس معظمها بتشكر فيها و يابانى
3- السوزوكى سويفت صاحبي اشتراها زيرو و ركبتها العربية شكلها و تقفيلها حلو و خاماتها كويسة و برده فيها الامان بس بصراحة ما جربتهاش فى الجري و برده يابانى
انا مشكلتى دايما الامان و خصوصا الفرامل لان حصل معايا كتير انى كنت باجي امسك فرامل في الاكسنت و كانت ما بتكلبش فى الارض بس كان ربنا بيسترها و ما بتخبطش
انا اسف لو هتعبكم معايا

**mhmdabdo** · 10-04-2015 01:26 PM

الشارك في الجري والثبات تحفه
بدا يرضي عليها في السوق فاميه عالرخصه ودا بيعلي كفائه التكييف واسعه من الداخل يعبها العفشه نشفه شويه لكنها ثابته عالسرعات

**turcky_jarhy** · 16-04-2015 08:34 AM

المشاركة الأصلية كتبت بواسطة mhmdabdo

الشارك في الجري والثبات تحفه
بدا يرضي عليها في السوق فاميه عالرخصه ودا بيعلي كفائه التكييف واسعه من الداخل يعبها العفشه نشفه شويه لكنها ثابته عالسرعات

مشكور على ردك و اهتمامك

**drcobra** · 16-04-2015 08:54 AM

لو طريقك سفر دايما
وانتشار انا شايفة ممتاز يبقى شارك
لو استخدام مدينة اكتر سويفت عفشة ناعمة وتوفير بنزين
الجين 2 افضلهم لكن توكيل مش هيساعدك

**kbarema** · 16-04-2015 10:06 AM

خليك في الشارك

**scientist9508** · 16-04-2015 11:38 AM

بسم الله الرحمن الرحيم

اخى الفاضل

السيارات الثلاثه سيارات سفر و لكن لكل واحده منهم ميزه بارزه فوق الباقى.

1 - السوزوكى سويفت الاوفر على الاطلاق فى توفير الوقود ( السوزوكى بصفه عامه من السيارات الثابته) و لكن وكيل فاشل

2 - الشارك (عن تجربه) فوق الممتازه فى السفر ( راحه و ثبات) و وكيل جديد (دياموند موتورز) لا نعرف عنه الكثير

3 - الجين 2. . . ثابته فى السفر و سريعه و محرك قوى و لكن وكيل فاشل و عيوب تقفيل مزعجه و للدقه و الامانه انا لا اعلم ان كان الوكيل يسمح ببيع قطع الغيار ام لا و بالتبعيه لا استطيع الحكم على امكانية صيانتها خارج ورش الوكيل.

اما عن عيب الفرامل الذى ذكرته حضرتك فلا يوجد فى اى منهم على الاطلاق.

1 - ان كنت تحتاج سياره واسعه فان مطلبك هو الشارك

2 - ان كنت تحتاج سياره صامته على اى سرعه و على اى طريق و موفره جدا فى استهلاك الوقود فان السوزوكى فى افضلهم على الاطلاق

3 - ان كنت تحتاج السياره الاكثر انتشار و شعبيه فان الجين 2 هى افضلهم

هداك الله لارشد امرك و اقومه

السلام عليكم و رحمة الله و بركاته

**hanyyacot** · 16-04-2015 04:52 PM

لو هاتستخدم العربية فى السفر وهاتشيل حاجات ومحتاج شنطة يبقى فورا استبعد السويفت لانها سيارة بلا شنطة سواء السيدان او السويفت . الشارك والجين 2 الاتنين محترمين وكويسين , لكن لو هاتشترى الشارك وعايز وسائل امان يبقى تبدأ بالفئة التانية اللى سعرها حوالى 146 الف , او الجين 2 اللى سعرها 119 الف , وشوف بقى الفرق ده هايفرق معاك ولا لا

**eng.m7md.ali** · 17-04-2015 12:28 AM

كله عمال يقول توكيل بروتون وحش توكيل بروتون زفت توكيل بروتون معرفش ايه

ولو حد جرب التوكيلات التانية هيكره نفسه اكتر

انا شايف ان عز العرب الوحيد اللي بتقدر تاخد حقك فيه غير كدة كله ضارب شاي بالياسمين مع حماية المستهلك

اما مقارنة العربيات انا شايف العربيات التلاتة قريبين من بعض
وبما انك بتسافر كتير وانا كان معايا زمان سويفت ودلوقتي جين2 اقدر اقولك ان السويفت اخفهم والجين2 اثبتهم
قدرة المحرك دي طبعاً للجين2 والشارك
الفرامل انا شايف الشارك لان عربيتي السويفت كانت 1600 مش 1200 واعتقد هنا هيبقي في اختلاف
قطع الغيار ارخصهم الجين2

**ibrahiiimooo** · 17-04-2015 05:09 AM

معلش انا حارد رد يمكن ما يعجبش ملاك البروتون (بالمناسبة عندنا واحدة)
من الاخر عربية زبالة بكل المقاييس و مش عارف الناس ازاي قادرة تقارن الشارك ب البروتون
وسع داخلي شارك
امان شارك (الشارك واخدة 5 نجوم في euroncap) بينما العزيزة البروتون ما دخلتهوش اصلا و اتعملها اختبار في اسبانيا و قالوا ان درجاتها مكافئة ل 3 نجوم في اختبار السلامة الاوروبي
اعتمادية اكيد الشارك تقفيل و جودة و خامات نظيفة انما العزيزة البروتون ف تقفيل زبالة و جودة متندية و خامات اقسم بالله في عربيات صيني اعلى منها في الخامات حتجيب بقى الاعتمادية منين
سهولة الاصلاح طبعا الشارك البروتون مش كل الناس فاهمين فيها و بقى ليها مكانيكية مخصوص (و الله العظيم انا معايا فورد مكانيكيتها اكتر من بتوع البروتون)
الثبات برضه الشارك (البروتون اثبت من الكوري لانها مالتي لينك و الكوري تورشن بيم لكن الشارك برضه مالتي لينك و عرض العربية و طول قاعدة العجلات اكبر من البروتون فاكيد ثباتها اعلى و علشان خاطري محدش يجيب سيرة اللوتس لان بنفس المنطق تبقى الاميجراند اثبت عربية في مصر لان جيلي بتمتلك فولفو) البروتون اثبت من الكوري اه بس مش اثبت من الشارك
الجري و هي دي النقطة الوحيدة اللي للبروتون-غير وجود مثبت السرعة اللي ما بينزلش في الشارك- (مش علشان ماتورها اقوي بس لان العربية حجمها اقل و وزنها اقل) و لو الجري لوحده ميزة تعدل كل ما سبق يبقى الفيرنا احلى عربية في مصر (الفيرنا بتجري اكتر من البروتون) و الغريبة ان حتى الميزة دي بتدفع تمنها لان ماتور الهباب برو اللي في العزيزة البروتون استهلاكه للبنزين مش ادمي
باختصار الشارك عربية لكن البروتون من اشباه العربيات(شكلها حلو وسعرها قليل و بس)

**eng.m7md.ali** · 17-04-2015 03:07 PM

المشاركة الأصلية كتبت بواسطة ibrahiiimooo

معلش انا حارد رد يمكن ما يعجبش ملاك البروتون (بالمناسبة عندنا واحدة)
من الاخر عربية زبالة بكل المقاييس و مش عارف الناس ازاي قادرة تقارن الشارك ب البروتون
وسع داخلي شارك
امان شارك (الشارك واخدة 5 نجوم في euroncap) بينما العزيزة البروتون ما دخلتهوش اصلا و اتعملها اختبار في اسبانيا و قالوا ان درجاتها مكافئة ل 3 نجوم في اختبار السلامة الاوروبي
اعتمادية اكيد الشارك تقفيل و جودة و خامات نظيفة انما العزيزة البروتون ف تقفيل زبالة و جودة متندية و خامات اقسم بالله في عربيات صيني اعلى منها في الخامات حتجيب بقى الاعتمادية منين
سهولة الاصلاح طبعا الشارك البروتون مش كل الناس فاهمين فيها و بقى ليها مكانيكية مخصوص (و الله العظيم انا معايا فورد مكانيكيتها اكتر من بتوع البروتون)
الثبات برضه الشارك (البروتون اثبت من الكوري لانها مالتي لينك و الكوري تورشن بيم لكن الشارك برضه مالتي لينك و عرض العربية و طول قاعدة العجلات اكبر من البروتون فاكيد ثباتها اعلى و علشان خاطري محدش يجيب سيرة اللوتس لان بنفس المنطق تبقى الاميجراند اثبت عربية في مصر لان جيلي بتمتلك فولفو) البروتون اثبت من الكوري اه بس مش اثبت من الشارك
الجري و هي دي النقطة الوحيدة اللي للبروتون-غير وجود مثبت السرعة اللي ما بينزلش في الشارك- (مش علشان ماتورها اقوي بس لان العربية حجمها اقل و وزنها اقل) و لو الجري لوحده ميزة تعدل كل ما سبق يبقى الفيرنا احلى عربية في مصر (الفيرنا بتجري اكتر من البروتون) و الغريبة ان حتى الميزة دي بتدفع تمنها لان ماتور الهباب برو اللي في العزيزة البروتون استهلاكه للبنزين مش ادمي
باختصار الشارك عربية لكن البروتون من اشباه العربيات(شكلها حلو وسعرها قليل و بس)

غريب اوي الرد ده .. اكيد اللي بيجيبها مش اعمي عشان يشوف كل ده ويعترف بيه

هل شوفت بقي خامات الشارك مثلاً وتقفيلها؟؟
شوفت تقفيل الموكيت عامل ازاي؟؟
شوفت العزل بتاعها؟؟ طب تقفيل الشنطة؟؟

جريت بالشارك وخدت غرزة ديقة؟؟ طب مطب هوا؟؟
والنبي كلمني عن صاجها الخرافة ولا قطع غيارها الغالية جداً

وبالنسبة للامان يكفيني اقول ان الشارك بتنزل بفئة فاضية تماماً مفيهاش حاجة .. الجين2 بتنزل فئة واحدة كاملة وواخدة 3 نجوم في ال ncap مش اسبانيا اعتقد ده في وقتها اللي هو سنة 2006 كان يعتبر نتيجة ممتازة بالنسبة لوقتنا ده اللي كل العربيات فيه بتاخد 5 نجوم

والجين2 مش بالتكنولوجيا الرهيبة اللي تخلي ليها ناس متخصصين في صيانتها مااي حد بيفهم فيها عادي جداً مش محتاجة دكتور

خلاصة الكلام هيا عربية عادية جداً زيها زي الشارك والاوبترا والصني والبيجو كل عربية فيهم فيها ميزة وفيها عيب لكن عيوب ال جين2 مش للدرجة دي .. ماهو لو كانت بالطريقة دي كان الواحد حط فلوسه فب عربية تانية بقي

الشارك احسن علي فكرة للي يدفع ويجيب فئة كويسة فيها عشان ياخد اوبشنز