أهل المنتدى الكرام .....
عندى استفسار بخصوص حساس الشكمان لعربية مراتى أفيو 2009 عاملة 39 ألف ك م ..... لمبة check نورت مرة لوحدها عند التدوير صباحا بدون اى مقدمات ولا اى شغل فى العربية ...... كنت رايح مشوار فى الحرفيين مشيت بالعربية مسافة عشان أوصل الحرفيين ..... المشى طبيعى مش حاسس ان فيه اى مشكلة ..... المهم حطيتها على الكمبيوتر ...... الراجل قاللى حساس الشكمان بس هو قراياته كويسة ..... طفالى اللمبة وقاللى ده ممكن يكون بنزين مغشوش .... بس لو نورت تانى ابقى غيره....... الكلام ده كان من حوالى اسبوعين او تلاتة .... وفعلا العربية كانت ماشية طبيعى بس انا احيانا بشم ريحة العادم مش مضبوطة ..... المهم فجأة نورت اللمبة تانى.... ومنورة علطول من أول الدواره زى المرة اللى فاتت .......فهل كده معناه تأكيدا ان الحساس ده لازم يتغير ؟؟؟؟؟؟ وهل اللمبة تطفى لوحدها لواتغير واللا لازم تتحط على الكمبيوتر عشان تطفى مع الحساس الجديد ...... وهل في حاجة تانيه بتتغير معاه ..... لأن كده كده فيه صيانه 40 ألف قريب .... ولو حد يعرف أنواع وأسعار اللى موجود فى السوق ......وشكرا جزيلا لأهل هذا المنتدى لأنى شخصيا استفدت كتير منهم ......