عملت رسم قلب بالمجهود

**ahmadmidop** · 11-04-2015 12:35 AM

كنت في الكشف الطبي بتاع الشغل الدكتور حس ان نبضات القلب غير منتظمة قلي اعمل رسم قلب بالمجهود المهم كله الحمد لله طلع نورمال ماعدا
Dilated left ventricular internal dimensions with good lv systolic functions with estimated ef : 57% by m.mode 2d eyeballing

ورتها .لكذا دكتور قالي متقلقش نفسك دي بتبقى عند ناس كتير بتبقى طبيعة مش عارف ليه قلقان وانا اصلاموسوسس. الحمد لله عندي ٢٤ سنه غير مدخن والحمدلله مفيش اي اعراض غير طبيعية .. اارجو الافادة

**Dr_Smart** · 11-04-2015 01:15 AM

اللي انت عملته ده اسمه موجات فوق صوتية عالقلب ( ايكو ) مش رسم قلب بالمجهود

عموما حاول تعيده تاني عند حد موثوق فيه ..

هو وظيفة عضلة القلب عندك كويسه اللي هي 57% ( الرينج الطبيعي بتاعها من 50 - 75 % ) ومش معناها ان ال75 احسن من ال50 .. لكن كلهم طبيعي

لكن اللي مش طبيعي كلمة dilated left ventricle يعني فيه زياده في اتساع حجم البطين الايسر وده محتاج نعرف سببه .. ربما فيه مشكله في الصمامات .. وهل هو وحده اللي متسع ( او متضخم ) ولا البطين الايمن كمان او الاذين الايسر

غالبا ان شاء الله فيه خطأ فني بس .. عشان كده بقولك تعيده تاني عند دكتور قلب متخصص وثقه

وبالنسبة لضربات القلب اللي مش منتظمه .. دي ممكن تظهر في رسم القلب العادي

يبقى تعمل رسم قلب عادي وبعدين تطلع على اخصائي قلب وتعيد عنده الايكو

وان شاء الله يطلع كله سليم خاصة انك مش بتشتكي من حاجه