اشتريت تليفزيون سامسونج فيه ريسيفر مدمج

**ahmad--ezzat** · 11-04-2015 12:37 AM

الحمد لله تم شراء تليفزيون سامسونج 40 بوصه led… بس مش عارف ازاي اظبط موضوع الريسيفر الداخلي دة…

يعني انا هوصل سلك الدش بالتليفزيون???

هل الريسيفر الداخلي دة عملي ولا اجيب ريسيفر استرا خارجي

**amr011111** · 11-04-2015 01:55 AM

بالتاكيد هتوصل سلك الريسيفر بالتليفزيون وهيبقى عملى ان شاء الله

**ahmdmagdy** · 11-04-2015 02:02 AM

ممكن اعرف حضرتك بكام و ثانيا هل الريسيفر الداخلي hd و لا

**elkorany** · 11-04-2015 11:43 AM

متابع

**امجد مروان 454** · 11-04-2015 12:31 PM

احنا اشتريناه من فترة وكان عليه عرض
هو صورته كانت وحشة معجبتنيش وكأنه تليفزيون عادی مش hd وكمان تنظيم القنوات وتنزيلها سیء ومعرفتش انزل عليه حاجة تقريبا وله ريموت واحد متعرفش تعلی الرسيفر والتلفزيون مع بعض وعدد قنوات محدود ومقرف اصلا.
فكلمت التوكيل قالولی ان الرسيفر المدمج المفروض _وركز علی كلمة المفروض دی_ انه hd ويمكن يكون فی مشكلة فی التوليف فادونی رقم واحد بتاع صيانة وتركيب معتمد وعلی حسابی فريحت دماغی واشريت رسيفر hd ب200ج والصورة بقت كويسة مش عارف بقی انا اللی اتسرعت وكان ممكن يتظبط ولا إيه بس أنا ساعتها ماكنتش فاضی تماما لموضوع الصيانة وقرفت منه وتمن الخصم هو اللی اشتريت بيه الرسيفر .
وحضرتك علشان تشغله حط سلك الدش فی التلفزيون هتلاقی له مكان ورا وهات زرار السيستم علی مكانه

**ahmad--ezzat** · 12-04-2015 09:45 AM

التليفزيون ب 4 الاف
هو ممتاز وصورته حلوه والفريم بتاعه رفيع جدا
جبت واحد بتاع دش وصل كبل الدش ف التليفزيون… وقعد حوالي نص ساعه يظبط القنوات… .وبالفعل القنوات نزلت الاساسيه.… وركز علي الاساسيه دي… لان في قنوات مجتش..ومينفعش تدخل تردد..بس انا راضي بالرسيفر الداخلي دة… وفرلي مكان الرسيفير الخارجي واسلاك وفلوس برضه… القنوات اللي منزلتش زي القنوات بتوع فلول وstar والحجات دي… وانا اصلا مش عايزهم

**elkorany** · 12-04-2015 03:55 PM

هو تلاقى الريسفير معارضة
علشان كدا مرضيش ينزل فلول

**mohamedelbedew** · 27-04-2016 07:58 AM

المشاركة الأصلية كتبت بواسطة ahmad--ezzat

التليفزيون ب 4 الاف
هو ممتاز وصورته حلوه والفريم بتاعه رفيع جدا
جبت واحد بتاع دش وصل كبل الدش ف التليفزيون… وقعد حوالي نص ساعه يظبط القنوات… .وبالفعل القنوات نزلت الاساسيه.… وركز علي الاساسيه دي… لان في قنوات مجتش..ومينفعش تدخل تردد..بس انا راضي بالرسيفر الداخلي دة… وفرلي مكان الرسيفير الخارجي واسلاك وفلوس برضه… القنوات اللي منزلتش زي القنوات بتوع فلول وstar والحجات دي… وانا اصلا مش عايزهم

التردادت الجديدة بيتم ادخالها وكل القنوات بتنزل زي الريسيفر العادي بالظبط

بعد ما بتوصل لاختيار البث من الاعدادت بتدخل علي قيم التردادت الموجودة علي الشاشة بتلاقي في اخر قائمة التردادت اختيار جديد بتدوس علية وتكتب التدرد المراد ادخاله زي الريسيفر العادي بالظبط