الموضوع: نصيحه فى شراء ٢١٠٧ مصرى زيرو

تعملها من ٢٨لحد ٣٢الف وانت و شطارتك
بص نصيحه خليك في اكسيل او فليشيا انعم و اريح

انصح حضرتك لوجة الله بلاش
انا امتلكت العربية دى 3 سنوات ولمدة 160 الف كيلو طبعا من الزيرو لانها كانت بتاعت شركة
مشاكل لا حصر لها
(التكييف كانه مروحة فى افضل حالاته- طرمبة مياة معيبة يجب تغيررها منذ البداية-صاج خفيف جدا مثل الصفيح ودا طبعا محدش يتخيلها الكل متوقع انها تخش فى قطر تعوره لكن المصرى صاجها اضعف من اللانوس مثلا والله مكيروباص تيوتا دخل فيا من الشنطة هوا فانوسه اتكسر وانا الشنطة اتعجنت وطالت فردة الشاسية الخلفية متخيل- تقفيل ولا اسوأ -غيرت دينامو ومارش على 50 الف كل قطع الغيار من اسوا ما أنتجته الصناعة-الكاوتش كان راكب فيها قديم جدا وماركه بولندى تقريبا مش معروفة كل شوية يتخرم لدرجة الفردة الواحدة فيها اكتر من 20 لحام واتغير على 40 الف بالمحايلة -سخونة شديدة وبيغيروا الريدياتير بتاعها لواحد اكبر -مساحة رؤيا ضعيفة جدا من الامام حتى مراية الصالون ولا ليها لازمة-طبعا فى نهاية 160 الف كيلو الماتور اكل زيت وعمل عامرة والكرونا باظت مع انى الحمد لله استخدامى جيد جدا ومبحرقش عليها)
المزايا
(شكل لية هيبة طبعا شكل فقط - لو حتسافر بيها حتبقى مطمئن لانها غير ملفتة بالمرة للسارقين وقطاع الطرق بيدعوا للراكبها يوصل-قطع غيار رخيصة نسبيا بس منها مضروب كتير وغير معمرة)
وصلى استخارة وربنا يوفقك

نصيحة بلاش لادا
وحاول تزود وتجيب حاجة افضل