| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 7 من 7

  1. #1

    الصورة الرمزية Ahmed Tarek 00

    رقم العضوية : 165019

    تاريخ التسجيل : 06Sep2014

    المشاركات : 621

    النوع : ذكر

    الاقامة : المعادي

    السيارة: opel vectra

    السيارة[2]: peugeot 406

    الحالة : Ahmed Tarek 00 غير متواجد حالياً

    Cool فحص وتجديد الرخصة بالمرور - Facebook Twitter whatsapp انشر الموضوع فى :

    hasad">

    [gdwl]بعد اذنكم يارجالة
    أنا رايح المرور يوم التلات الجاى .. عشان أفحص وأطلع الرخصة بإسمى لأن عالربية اللى معايا شاريها مستعملة والرخصة بإسمها صاحبها القديم ..
    عاوز أعرف الأوراق اللى أخودها معايا ؟؟
    وتوقيت فتح المرور ؟؟؟
    وتكلفة شهادة المخالفات ؟؟؟؟
    واعمل ايه في الفحص ؟؟؟[/gdwl]


  2. #2

    الصورة الرمزية Abo_Mazen

    رقم العضوية : 103297

    تاريخ التسجيل : 12Jun2011

    المشاركات : 4,030

    النوع : ذكر

    الاقامة : Alexandria

    السيارة: 2008 suzuki alto

    السيارة[2]: fiat 128

    الحالة : Abo_Mazen غير متواجد حالياً

    افتراضي -

    بص أنا هقولك على اللي حصل معايا والكلام ده في مرور طوسون في منطقة المنتزه بالإسكندرية وبصراحه كان معايا واحد صاحبي جري معايا في الموضوع ده
    1- أخدت معايا العقد مسجل بالشهر العقاري وماضي في مشتري
    2- أخدت معايا اصل بطاقتي وأصل الرخصه
    3- كنت واقف على باب المرور الساعة سبعة الصبح ولقيت قدامي تلات عربيات ..واضح إنهم من المنطقة أو مبيتين عربياتهم قدام المرور
    4- اول ما الباب ما فتح دخلت وقفت عربيتي في طابور الفحص وطلعت جري جري دفعت التأمين وخصوصا إن مهندس الفحص جه على الساعة 9 ..وأول ناس بيشتغلوا بتوع التأمين ..وفي الغالب عشان دي شركات خاصة فيهمهم قوي إنهم يشتغلوا بدري
    5- رحت إشتريت ورق فحص وتجديد ونقل ملكية ..وأنا سايب العربيه في طابور الفحص
    6- لقيت بتاع الطفايات جه روحت وريته الطفايه ودفعت اللي فيه النصيب وختمت وصل الطفاية
    7- كان صاحبي جه إديته مفاتيح العربية وقلتله العربيه واقفه أهو في طابور الفحص ..شوف شغلك وإديته الورق اللي أنا أشتريته بتاع الفحص والتجديد ونقل الملكية وأنا رحت على النيابه عشان أطلع شهادة المخالفات وكان معايا أصل بطاقتي وأصل الرخصه وأصل عقد البيع لنفسي وأصل التوكيل..المرور اللي أنا تبعه النيابه بتاعته في المرور نفسه
    8- رحت طلعت الرقم القديم من شباك كده بس مش تبع النيابه هو جوه المرور بس مش تبع النيابه ورحت عشان أقف في طابور قدام النيابة أسلم الرخصه وانتظر عشان أستلم الشهادة
    9- ربنا يسر الحال ودخلت النيابه أستلم شهادة المخالفات عشان لو فيه حاجه لا قدر الله أدفعها ولو مفيش تدفع خمسة جنيه وتستلم شهادتك
    10- لسه الموظفه بتطبع الشهاده من على الكمبيوتر ..يعني لسه هتتختم وهتتمضى من وكيل النيابه ..لقيت صاحبي بيتصل بيا على الموبايل بيقولي هات الرخصه وتعالى حالا أنا واقف قدام المهندس ..قلت للموظفه هاخد الرخصه في غمضة عين هوريها للمهندس بتاع الفحص وجاي علطول وآدي بطاقتي معاكي أهي عشان تضمني إني راجع تاني ..وقد كان ..جريت على صاحبي في طابور الفحص والمهندس شاف الرخصه وقام مالي الورق بتاعه وإداني الرخصه تاني وطلعت جري على النبابه تاني
    11- في النيابه قالولونا إطلعوا بره لغاية الشهادات ما تتمضى من وكيل النيابه ..وأدونا بطاقاتنا ورخصنا
    12- كان صاحبي خلص العربيه وطلعها ركنها جمب المرور بره
    13- رحت إشتريت شنطة إسعافات ومثلث وإتختم الوصل بتاعهم ..الست بتاعة الشنطه والمثلث مكانتش جات الصبح لما خلصت في الطفاية
    14- رجعت جري على النيابة عشان بدأوى يندهوا على أصحاب شهادات المخالفات وإستلمت شهادة المخالفات ..بصرف النظر عن إن هما ضيعوا الرخصه وقعدت أدور عليها وظرفت الوله المخبر عشره جنيه عشان يدور عليها ..بس المهم إستلمت شهادة المخالفات في الآخر
    15- خدت بقى شهادة المخالفات والورق اللي أنا شاريه اللي هو ورق التجديد والفحص ونقل الملكية وطلعت عدل على مدير الوحده .البيه الضابط عشان يمضيلي على الورق ده كله
    16- رحت دخلت جوه وشفت النطاق بتاع نمر عربيتي مع أنهي موظف ..عشان النمر بتاعة العربيات اللي تابعه للمرور مقسمه على بتاع خمسة أو عشرة موظفين ..كل موظف معاه جزء
    17- حددت الموظف اللي نمر عربيتي في تبعه و قمت رايح شايف عسكري عشان يجيبلي ملف العربية من الأرشيف عشان يديه للموظف اللي أنا تابع له في نطاق الأرقام وطبعا إديت الرخصه للعسكري اللي جابلي الملف من الأرشيف
    18- بعد كده بتجيب عسكري تاني غير العسكري الأولاني ..لإن العسكري الأولاني شغله جوه المبنى بس ما بيطعلش بره عند المهندس ..المهم بتجيب عسكري تاني عشان ياخد الملف من الموظف ..الملف اللي العسكري جابه من الأرشيف والملف الجديد اللي إنت إشتريته واللي فيه ورق الطفاية وورق الشنطة وورق المثلث ووصل التأمين وفيه برضه ورق التجديد والفحص ونقل الملكية ..ويقوم العسكري ده بقى اللي إنت جبته يطلع ياخد الملفين ويروح بيه لمهندس الفحص عشان يطابق البيانات ويقوم ماضي
    19- الملف بيرجع تاني للموظف اللي قاعد جوه تقف قدامه بقى عشان تقدر الضريبه
    20- الموظف يقدرلك الضريبه تقوم واخد ورقة التقدير دي وتطلع على الخزنه عشان تدفع الضريبه
    21- بعد ما تدفع الضريبة تقوم راجع تاني للموظف بوصل الخزنه إنك دفعت الضريبه
    22- بعد كده يقولك روح شباك الكمبيوتر إستلم رخصتك
    24- تروح تقف قدام شباك الكمبيوتر وتستلم رخصتك وبعد ما تستلمها تراجع بيانتها كويس قوييييييييييي..ويكون معاك صورة من الرخصه القديمه اللي مكانتش بإسمك عشان تطابق أرقام الموتور والشاسيه ليكون فيه حاجه مكتوبه غلط ..وتراجع برضه على تاريخ الفحص اللي جاي إنه بعد تلات سنين وتاريخ الضريبة لو دافع سنه أو سنتين أو تلاتة
    25- بعد كده تروح تنام بقى عشان تريح أعصابك من اليوم العويص ده

    خلي بالك الإجراءات دي كلها مفيهاش نقل من مرور لمرور تاني ..كل ده وأنا تابع لنفس المرور ..شوف بقى هتمشيها مع نفسك إزاي

    --------

    m_m_sh_a سابقا


  3. #3

    الصورة الرمزية Ahmed Tarek 00

    رقم العضوية : 165019

    تاريخ التسجيل : 06Sep2014

    المشاركات : 621

    النوع : ذكر

    الاقامة : المعادي

    السيارة: opel vectra

    السيارة[2]: peugeot 406

    الحالة : Ahmed Tarek 00 غير متواجد حالياً

    افتراضي -

    ياباشا أنا متشكر جدا جدا على ردك ,, ألف شكر ليك .. وربنا يستر طريقك


  4. #4

    الصورة الرمزية sfahmy6

    رقم العضوية : 137609

    تاريخ التسجيل : 28Mar2013

    المشاركات : 220

    النوع : ذكر

    الاقامة : cairo

    السيارة: Nissan

    السيارة[2]: Nissan

    الحالة : sfahmy6 غير متواجد حالياً

    افتراضي -

    جزاك الله خيرا على هذا المجهود الرائع


  5. #5

    الصورة الرمزية moody_687

    رقم العضوية : 26925

    تاريخ التسجيل : 05Dec2008

    المشاركات : 1,211

    النوع : ذكر

    الاقامة : Alexandria

    السيارة: vectra c

    السيارة[2]: fiat131

    دراجة بخارية: No

    الحالة : moody_687 غير متواجد حالياً

    افتراضي -

    حد يدينى رقم تليفون مرور ابيس بالاسكندرية عشان اجهز شهادة مخلفاتى واروح استلمها عشان اجدد الرخصة

    الحمدلله على كل شئ


  6. #6

    الصورة الرمزية Elawany13

    رقم العضوية : 82537

    تاريخ التسجيل : 02Dec2010

    المشاركات : 11,874

    النوع : ذكر

    الاقامة : Egypt

    السيارة: الحمد لله رضااااااااا

    السيارة[2]: شاهين 2004

    دراجة بخارية: موتوسيكل صينى

    الحالة : Elawany13 غير متواجد حالياً


  7. #7

    الصورة الرمزية Bassem Youssef

    رقم العضوية : 147527

    تاريخ التسجيل : 20Aug2013

    المشاركات : 2,008

    النوع : ذكر

    الاقامة : Hurghada

    السيارة: None

    السيارة[2]: Scoda Fantasia 2010 (Sold

    دراجة بخارية: None

    الحالة : Bassem Youssef غير متواجد حالياً

    افتراضي -

    hasad">

    اهم حاجه التوكيل + براءه الذمه



 

المواضيع المتشابهه

  1. بخصوص الفحص الفني وتجديد الرخصة للماروتي
    بواسطة daliagalal في المنتدى سـوزوكى
    مشاركات: 11
    آخر مشاركة: 18-06-2019, 02:54 PM
  2. بخصوص تغيير لون العربية وتجديد الرخصة
    بواسطة shifoo2008 في المنتدى جسم السيارة داخليا وخارجيا
    مشاركات: 4
    آخر مشاركة: 09-03-2015, 02:01 AM
  3. مساعدة لنقل الملكية وتجديد الرخصة
    بواسطة abdinio g في المنتدى المنتــــــدى العـــــــــــام للسيــارات
    مشاركات: 1
    آخر مشاركة: 20-02-2015, 06:05 AM
  4. استقسار عن فحص وتجديد الرخصة
    بواسطة mr_hamed_s في المنتدى ساحة المرور وموضوعات التأمين في مصر
    مشاركات: 5
    آخر مشاركة: 13-12-2011, 05:28 PM
  5. نقل الملكية وتجديد الرخصة *شكلى عكيت *
    بواسطة keko في المنتدى ساحة المرور وموضوعات التأمين في مصر
    مشاركات: 7
    آخر مشاركة: 04-10-2010, 05:29 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2