الموضوع: اعتذار عن تنسيق قسم سكودا

مجهود م/ أحمد هو اللي وصل القسم الي ما هو عليه الان
اللي الكثير ميعرفهوش
كم المجهود اللي بذل في اعادة فهرسة ((كل )) موضوعات القسم
انشاء الاقسام الفرعية
الخذف والاضافة

مئات ساعات العمل بجد واخلاص وبدون اي مقابل او حتى شكر
وفي كثير من الاحيان فضل م/ احمد انه يخالف راي ادارة المنتدي في سبيل تحسين قسم سكودا


كل اللي عايز يعرف كم المجهود اللي بذله م/ أحمد
يشوف قسم سكودا كان ايه من 4 سنوات وبقي ايه الان
وفي الوقت اللي كانت فيه سكودا كعربية وماركة في النازل في مصر كان القسم في الطالع
وفي السنة اللي قرر فيها الوكيل انه ينسف العربية بتاعته ويدمر مبيعاتها بسياسته الغبية كان القسم بياخد جائزة أفضل قسم صاعد في المنتدي العام الماضي
بفضل مجهود وتعب ووقت وحرقة دم .. وبدون مقابل او شكر

اشياء كتير اتعملت لاول مرة في نايل موتورز بفضل م/أحمد
زيارات ميدانية
تجربة سيارات في الوكيل لاول مرة
استحداث نظام تقييم جديد للسيارات
شبكة تواصل بين التيم والاعضاء
موضوعات خدمية بجد
وغيرها كتير جداً

انا مقدرش الوم م/ أحمد علي قراره بترك تنسيق القسم
ومش من حقي أطلب منه الاستمرار رغماً عن إرادته
علشان دائماً اللي علي البر عوام
واللي ايده في المية مش زي اللي ايده في تنسيق القسم

لكن كل اللي اقدر أعمله
اني أشكر م/ أحمد علي وقته ومجهوده
واتمناله الخير والصحة وراحة البال


شكرا م/أحمد سيد

تقل خالص تحياتي