محتاج رأيكم بشدة ...مقارنة عجيبة بين المازدا 3 2015 و القشقاي 2015

**ahmed_doudi** · 13-04-2015 02:28 PM

السلام عليكم يا رجالة
عارف ان المقارنة غريبة شوية بس الاتنين عجبني جدا
في فرق سعر حوالي 30 الف مش عارف القشقاي تستاهلهم ولا لا
المازدا هاي لاين وكيل ب 210 بعد الخصم و القشقاي الفئة التانية ب 238
المازدا تقفيلها رهيب و خامتها زي الاودي و فيها كل الاوبشن الي ممكن تتخيلها لحد الكاميرا الخلفية و كمان 6 اير باج
بس الموتور القديم و الفتيس 4 نقلات
علي فكرة كان معايا مازدا 2008 مغيرتش فيها مسمار لحد 80000 كيلو وبعتها علشان التغيير بس .....عيبها الوحيد انها كانت واطية و بتحك في المطبات
الجديدة عالية و اعلي من التويوتا و الشارك و السيراتو
القشقاي شكلها حلو اوي من برة و عالية طبعا و مميزة و بانوراما بس اوبشن ناقصة موتور تربو 1200 محدش عارف نظامة في البنزين بتاعنا
معلش طولت عليكو بس رايكم يهمني جدا و اضافتكو هاخد بيها
شكرا مقدما

**ahmzd** · 13-04-2015 11:56 PM

المازدا هتكون مضمونة أكتر حاليا، وموضوع الموتور القديم والفتيس القديم عادي يعني، ما الأوكتافيا الجديدة ما بدأتش تبيع كويس إلا لما التوكيل رجع بيها للفتيس والموتور القدام!! أعتقد والله أعلم إن المازدا هتبقى اختيار مناسب بالنسبة لحضرتك وخصوصا إن كان معاك الشكل القديم منها، فاضل حاجتين بس من وجهة نظري قبل ما تحسم أمرك بِشِراها: أولا تختبر قيادتها لتتأكد من تناسب الموتور والفتيس القدام مع الشكل الجديد وتشوف نفسك مستريح معاهم ولا لأ, وثانيا تستخير ربنا وإن شاء الله هيهديك للأصلح بإذن الله.

**ahmed_doudi** · 15-04-2015 04:10 AM

المشاركة الأصلية كتبت بواسطة ahmzd

المازدا هتكون مضمونة أكتر حاليا، وموضوع الموتور القديم والفتيس القديم عادي يعني، ما الأوكتافيا الجديدة ما بدأتش تبيع كويس إلا لما التوكيل رجع بيها للفتيس والموتور القدام!! أعتقد والله أعلم إن المازدا هتبقى اختيار مناسب بالنسبة لحضرتك وخصوصا إن كان معاك الشكل القديم منها، فاضل حاجتين بس من وجهة نظري قبل ما تحسم أمرك بِشِراها: أولا تختبر قيادتها لتتأكد من تناسب الموتور والفتيس القدام مع الشكل الجديد وتشوف نفسك مستريح معاهم ولا لأ, وثانيا تستخير ربنا وإن شاء الله هيهديك للأصلح بإذن الله.

كلام محترم . شكرا لحضرتك