الموضوع: لانسر بومة ولا يارس

المشاركة الأصلية كتبت بواسطة engabdo9

السلام عليكم و رحمة الله و بركاتة
محتار جدا بين اني اجيب لانسر بومة 1300 اتوماتيك مو 2008 و يارس مو 2008 1300 سي سي بردوا
ناس بتقول ان البومة في 1300 اتوماتيك تقيلة جدا
مع اني جربت ال 1300 مانويل في السفر كانت جميلة جدااا
خدتها من واحد صاحبي سافرت بيها من القاهر لحد جبل الزيت حوالي 370 كم خدت 23 لتر بس
يعني بمعدل 16 كم لكل لتر بدون ما اشغل التكييف
و انا راجع كنت قارص باليل معظم الطريق كنت 140 كم/ ساعه و بعد ما فولت تاني لقيتها تقريبا الاستهلاك 12.7 كم لكل لتر
يعني استهلاك كويس و عزم كويس
فانا خايف من 1300 اتوماتيك تكون تعبانة
فيا ريت الي معاه لانسر 1300 اتوماتيك يقول رائيه و بتستهلك معاه قد اية

السلام عليكم
انا كان معايا صنى اوتو 1300 موديل 2004 و دلوقتى معايا لانسر بومه 2013 1600
اقدر اقولك لو انت هتشغل تكييف او من هواه الجرى والسحب
يبقى هات لانسر 1600 احسن و معدل البنزين داخل البلد متوسط11 كم لكل 1 لتر
اما لو مش فارق الجرى والسحب و التكييف هات 1300
هتحس بتقل شويه بالذات فى الطلعة و هتحس اكتر مع التكييف
الخلاصة.....
نصيحة هات 1600 احسن علشان تحس بقوة العربيه مع التكييف و علشان السحب والجرى فى السفر
بالذات مع الاوتوماتيك