نصيحة ..... فرمل اليد

**Dr\Mohamed** · 14-04-2015 02:14 PM

السلام عليكم

الموقف ده حصل لي من فترة وحبيت أنقله لحضراتكم كنصيحة
كنت مسافر مع واحد صاحبي هو مكمل شغل 24 ساعة أما أنا كلها كام ساعة وراجع فروحت معاه في عربيته ورجعت مواصلات
وفي الطريق شاء ربنا إني أتعرض لحادث وأرى الوت رأى العين من بداية الموقف لأني بحب أتابع الطريق مع السواق

القصة بدأت إن العربية نزلة من على كوبري طبعا العربية مندفعة بسرعة عالية والسواق واخد الحارة الشمال وبعدين وصلنا عند مطب والعربيات كلها مهدية عليه وزحمة أصلا لغاية ما توصل للمطب ده لقيت السواق مهداش استغربت وقلت لنفسي هو ناوي يفرمل إمتى هليزقنا في الكراسي إللي قدمنا وفجأة لقيته سحب الهاند بريك "اللي أصلا مش شغالة خالص ولم تؤثر اطلاقا" عرفت إن مفيش فرامل وإننا هنعمل حادثة ففضلت مستني هنخبط في إيه؟ وهتقف العربية إزاي؟

السواق أخد أقصى الشمال نزل على التراب لكن طبعا عرض المكان لا يتسع للعربية بدأت العربية تتخبط من الجنبين في الحائط الخرساني من الجنب الشمال ومن الجنب اليمين في طابور العربيات وفجأة ارتفعت العربية عن الأرض ونزلت اصطدمت جامد جدا بوشاها في جنب عربية ملاكي وده إللي وقفها أخيرا

يا جماعة كل واحد يتأكد إن فرامل اليد عنده شغالة وبكفاءة علشان لا قدر الله في حالات الطوارئ لو في مشكلة ظهرت فجأة في دواسة الفرامل يكون في حل بديل حتى لو هيهدي فقط من سرعة العربية فده أكيد هيخفف من التصادم لأن الموقف صعب جدا إنه يتوصف........

سلمنا الله وإياكم

**احمد عزت عوض** · 14-04-2015 02:23 PM

بص هو من الواضح مكنش عارف يسوق هو يسيب البنزين و يفضل علي الفرامل و الدبرياش و كد كده هتئوم مهديه و لما العداد يوصل عند 20 يرفعها جامد و يلف الداكسيون

**مصطفى-حسن** · 14-04-2015 03:50 PM

شكرا على التنبية
واعتقد ان الداخلية عندها حق انها تحبس الى بيبلع اى برشام من السواقين لانة فعلا بياثر على تقييم المسافات والابعاد

**م أحمد** · 22-04-2015 01:00 PM

كان فيه حلول تانية اكثر كفاءة لو الفرامل مش شغالة

ممكن يسقط غيارات بالعكس لغاية لما يوصل للأول و بعدين يقفل الكونتاكت بدون ما يشيل المفتاح منه

او يقفل الكونتاكت مباشرة بدون ما يشيل المفتاح منه خاصة فى العربيات الاوتوماتيك

قدر الله و ما شاء فعل و حمد الله على السلامة

**Dr\Mohamed** · 23-04-2015 02:05 AM

المشاركة الأصلية كتبت بواسطة zarif

شكرا على التنبية
واعتقد ان الداخلية عندها حق انها تحبس الى بيبلع اى برشام من السواقين لانة فعلا بياثر على تقييم المسافات والابعاد

العفو ...... التنبيه واجب عليا يا أفندم

المشاركة الأصلية كتبت بواسطة akmm

قدر الله وماشاء فعل .....................................

الحمد لله

المشاركة الأصلية كتبت بواسطة م أحمد

كان فيه حلول تانية اكثر كفاءة لو الفرامل مش شغالة

ممكن يسقط غيارات بالعكس لغاية لما يوصل للأول و بعدين يقفل الكونتاكت بدون ما يشيل المفتاح منه

او يقفل الكونتاكت مباشرة بدون ما يشيل المفتاح منه خاصة فى العربيات الاوتوماتيك

قدر الله و ما شاء فعل و حمد الله على السلامة

تمام حضرتك لكن المشكلة بتبقى وقت المفاجأة محدش بيعرف يفكر

**Dr\Mohamed** · 23-04-2015 02:13 AM

كم كنت أتمنى لو أن المرور بجانب فحص الشاسية والمحرك يقوم بفحص فرامل جميع السيارات وخصوصا الأجرة بدلا من التركيز على الفامية والزينون والملصقات

**M.ABDOU** · 23-04-2015 08:20 PM

المشاركة الأصلية كتبت بواسطة م أحمد

كان فيه حلول تانية اكثر كفاءة لو الفرامل مش شغالة

ممكن يسقط غيارات بالعكس لغاية لما يوصل للأول و بعدين يقفل الكونتاكت بدون ما يشيل المفتاح منه

او يقفل الكونتاكت مباشرة بدون ما يشيل المفتاح منه خاصة فى العربيات الاوتوماتيك

قدر الله و ما شاء فعل و حمد الله على السلامة

لا انصح ان قائد العربيه يقفل كوناكت خااالص

لانه كده لو العربيه باور كهرباء او باور هيدروليك حتى حيكون الركسيون تقيل جدا جدا جدااااا وحيفقد ميزه التوجيه

لو العربيه مانيوال يسقط نقلات بالتتابع العكسى 4321

لو العربيه اوتوماتيك يجيبها على l

وربنا يسترها معانا

**2CODE** · 24-04-2015 04:22 AM

المشاركة الأصلية كتبت بواسطة M.ABDOU

لا انصح ان قائد العربيه يقفل كوناكت خااالص

لانه كده لو العربيه باور كهرباء او باور هيدروليك حتى حيكون الركسيون تقيل جدا جدا جدااااا وحيفقد ميزه التوجيه

لو العربيه مانيوال يسقط نقلات بالتتابع العكسى 4321

لو العربيه اوتوماتيك يجيبها على l

وربنا يسترها معانا

حضرتك مش كده وبس متنساش ان في العربيات دلوقتي اول ما تقفل الموتور من الكونتاكت بتعمل lock للدريكسون وهتكون العواقب اكتر واكتر في حاله قفل الكونتاكت

لانه مش هيعرف يحرك الدريكسون 1سم من مكانه !!!!!!!!!

**م أحمد** · 24-04-2015 03:53 PM

أضرار قفل الدريكسيون أقل من مفيش فرامل لحظة الخطر
بعدين حركة الموتور بدون حدوث عملية الاشعال و هو معشق مع الفتيس فرامل قوية
اما بخصوص ان عربية تقفل الدريكسيون من غير ما الكونتاكت يتشال فدى اول مرة اسمع عنها و الى عنده امثلة يا ريت يوضحها
بل بالعكس فى عربيات فى حالة الخبطات القوية بتفصل داءرة الكهرباء بالكامل

-

الموضوع: نصيحة ..... فرمل اليد

LinkBack

أدوات الموضوع

عرض

نصيحة ..... فرمل اليد - انشر الموضوع فى :

-

-

-

-

المواضيع المتشابهه

فيرنا : حد يعرف ازاى اشد فرامل اليد بس من الطنابير مش من دراع اليد

مستر فرمل تويوتا ياريس

فرامل....فرمل....فرامل لانوس

صوت فرمل الجين تو

فرمل الاوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة