تجربتي السيئة مع سعيد نصار فى تفصيل فرش جلد

**Fady.magdy** · 15-04-2015 12:56 AM

انا عربيتى كروز 2010 توب لاين .. قررت اعملها فرش جلد تفصيل الناس قالتلي سعيد نصار ارخص و احسن واحد ..

المهم رحت و اتفقت قلتلة حد يحي يبص على العربية قالي لا الكروز عارفينها مفيش مشكلة .. قلتلة انا توب لاين فيها 3 مخادع ورا وفيها مسند فى النص .. قالي اه عارفها ... اتفقت معاة على الميعاد الثلاثاء التسليم والتركيب ودفعت عربون و أكدت علية انى مش فاضي بعد كده و انة لو مش حيقدر يسلم فى الميعاد ده اجيلة الاسبوع اللي بعدة اسهل ...

كلمتة الثلاثاء الصبح قالى لا كلمنى الساعة 5 بعد الظهر ... كلمتة قالي تعالي الساعة 7 رحت الساعة 7 فضل لاطعنى ل 9 بليل بيقولى معلش الراجل جاي وحايب الفرش 5 دقايق قلتلة كدة مش حنلحق نركب قالي لا ده السروجى مش حيكمل ساعة زمن

الساعة 9 قالي حبعتك للسروجى اللي بتعامل معاة يركب ... قلت ماشي ... المهم هو صمم ياخد باقي الفلوس + فلوس التركيب (قبل التركيب ) - قلتلة اديك الفلوس بعد التركيب قالي حنكون قفلنا لان السروجي حياخد على الاقل 3 ساعات !!!!!!!

المهم رحت للسروجي بتاعة قالي انا مش حركب حاجة النهاردة و كان قمة فى قلة الادب ... و لما اتصلت بية بعد لما اخد الفلوس بدأ يتكلم بطريقة وحشة وقالي انا مش شغال عندك ... قلتلة ممكن ارجع الفرش قالي لا ويركب فى الوقت اللي السروجي يقول علية ان كان عاجبك !!!!!

انا اتنرقزت و سبت فلوس التركيب رحت لسروجي تانى قالي ظهر الكنبة مش مظبوط مفيش مكان للمسند و ده معمول لمخادع ثابتة مش متحركة زي التوب لاين

نصيحة منى لو عايز نعمل فرش جلد متروحش لسعيد نصار ...

**a7med ezz 20** · 15-04-2015 03:34 AM

سعيد نصار ده فين ؟

**Fady.magdy** · 15-04-2015 05:12 AM

المشاركة الأصلية كتبت بواسطة a7med ezz 20

سعيد نصار ده فين ؟

سموحة .. عزبة سعد

**Abo_Mazen** · 15-04-2015 09:02 AM

ياباشا وإنت إيه اللي يوديك لسعيد نصار وسعيد عبد الغفار ..سعيد نصار ده بقال بتاع إكسسوارات ..تاخد من عنده حاجتك وتمشي ..لو عايز سروجي إسأل على سروجي مباشرة ومليون واحد يدلك ..إيه الفكره إني أروح لتاجر يبعتني لسروجي ..عموما ..قدر الله وما شاء فعل ..طول بالك بقى لغاية ما تخد حاجتك ..وإنت قصتك دلوقتي كلها مع السروجي مش مع سعيد

**Fady.magdy** · 15-04-2015 11:16 AM

المشاركة الأصلية كتبت بواسطة m_m_sh_a

ياباشا وإنت إيه اللي يوديك لسعيد نصار وسعيد عبد الغفار ..سعيد نصار ده بقال بتاع إكسسوارات ..تاخد من عنده حاجتك وتمشي ..لو عايز سروجي إسأل على سروجي مباشرة ومليون واحد يدلك ..إيه الفكره إني أروح لتاجر يبعتني لسروجي ..عموما ..قدر الله وما شاء فعل ..طول بالك بقى لغاية ما تخد حاجتك ..وإنت قصتك دلوقتي كلها مع السروجي مش مع سعيد

هو سعيد نصار بيقول ان عندة مصنع بيفصل الفرش ... انا سبت سعيد نصار و السروجي بتاعة و حروح لسروجى تاني بالحاجة وادفع تمن تفصيل الحاجة اللي بايظة و تمن التركيب تانى ... لكن معنديش استعداد اتعامل مع ناس فى قمة قلة الادب زي دول ... أدينى اتعلمت

**pepo2011** · 15-04-2015 12:07 PM

بص ياباشا ربنا يعوض عليك انت كده مشكلتك مع سروجي لازم يكون حد كويس وشاطر يظبطلك الفرش اللي عملته ويركبهولك ومعلش جت في الفلوس فداك

**Fady.magdy** · 15-04-2015 12:11 PM

المشاركة الأصلية كتبت بواسطة pepo2011

بص ياباشا ربنا يعوض عليك انت كده مشكلتك مع سروجي لازم يكون حد كويس وشاطر يظبطلك الفرش اللي عملته ويركبهولك ومعلش جت في الفلوس فداك

حصل خير اعم حاجة نحذر الناس من تعامل سعيد نصاب ....

**Abo_Mazen** · 15-04-2015 01:37 PM

طيب ما هي الفلوس إتدفعت ..بدل ما تاخدها منه ..خد حاجتك وركب وإخلص

**Fady.magdy** · 15-04-2015 02:12 PM

المشاركة الأصلية كتبت بواسطة m_m_sh_a

طيب ما هي الفلوس إتدفعت ..بدل ما تاخدها منه ..خد حاجتك وركب وإخلص

هو قليل الادب جدا لدرجة انى مش عارف اتعامل معاة... اتحول بعد لما أخد الفلوس كلها

**Abo_Mazen** · 15-04-2015 02:46 PM

المشاركة الأصلية كتبت بواسطة fady.magdy

هو قليل الادب جدا لدرجة انى مش عارف اتعامل معاة... اتحول بعد لما أخد الفلوس كلها

أكيد ..ما هو خد فلوسه ..بس كويس إنك قلتلي كده ..ده انا كده علمت عليه علامة السنين ..أنا آخري معاه أروح أشتري حاجتي وأخلع ..بس عامل منظر وهيلمان على البايظ ..

الموضوع: تجربتي السيئة مع سعيد نصار فى تفصيل فرش جلد

LinkBack

أدوات الموضوع

عرض

-

-

-

-

المواضيع المتشابهه

تجربتي السيئة مع تليفون سامسونج جديد

تجربتي السيئة مع بنك مصر في تحويل المرتب

جهاز انذار - سعيد نصار اسكندرية

تجربتي السيئة مع سمكري في الحرفيين

تجربتي السيئة مع غبور وصيانة ال10000 للالنترا

الكلمات الدلالية لهذا الموضوع

المفضلات

المفضلات

ضوابط المشاركة