الموضوع: سؤال بخصوص بيجو 3008 وقاشقاي 2015

يا جماعة أنا محتار جدا بين العربيتين دول
أولا البيجو 3008 عربية وهم وماتورها bmw وقوي جدا بيخرج حوالي 160 حصان وعزم 240 ، على حسب ما عرفت رحت شوفتها في التوكيل حاجة جميلة و2015 عملو فيها كل حاجة والتابلوه بقى افضل شوية ، هو أساسا جميل من وجهة نظري ، أنا خايف من حاجتين فيها (الانتشار وان كان بدأت تنتشر عن الأول ) ، و سعر اعادة البيع لأن هحط فيها معظم فلوسي .
ثانيا النيسان قاشقاي الشكل الجديد ، عربية برده جميلة وبيشكرو في سحبها ولكن ماتور البيجو أقوي طبعا ، القاشقاي بقت أوسع ولكن برده مش بشوفها كتير في الشارع اقصد موديل 2015 .
أنا مستبعد الاسبورتاج و الهيونداي أي أكس معلش مش مستريح لهم .
الله يكرمكم أفيدوني أفادكم الله
وهل العربيات الأوربي من المنتظر انها تنزل في سعرها بسبب الجات ؟

أنا متشكر جدا يا جماعة ، ونعم العون ، على فكرة البيجو 3008 لوقتي فيها بلوتوث ومثبت سرعة وحاساسات ركن و حساسات مطر ، الكلام ده من التوكيل .
طيب ايه رأي سيادتكم أني استنى موديل 2016 ، وفيه عربية تانية نازلة كروس اوفر اسمها اوبل موكا نازلة في شهر 7
هل انتظر لشهر 7 علشان آخد الشكل الجديد من بيجو وأوشوف الأوبل ؟
مع العلم ان الموكا اصغر من البيجو بفارق ملحوظ وهما بيقسوها دايما بالجوك مش بالقاشقاي ولكنها كروس اوفر برده.