مشكلة في الفرامل

**Ayman Hussam** · 15-04-2015 10:26 PM

السلام عليكم اعضاء المنتدى الكرام
انا عندي مشكلة وعايز نصيحتكم
لما ببقى ماشي تقريبا من 40 الى 60 وادوس فرامل بسمع صوت صفارة خفيف جدا من الفرامل
وبالنسبة للسرعة من 40 الى 60 لان ده الى قدرت اسمعة مبقدرش اسمعة على سرعات اعلى من كده عشان صوت الهوا
المهم روحت لميكانيكي بص على التيل وسنفرة وقالي اني ممكن امشي عليه 5000 كيلوا كمان ولازم اغير التيل والطنابير
وبعد ما خلص طلع معايا عشان نجرب الصوت هيظهر ولا لأ
ولقيت ان الصوت ما زال موجود
والميكانيكي قالي اني محتاج اعمل ظبط زوايا لان الصوت ده بسبب الزوايا ووصفلي بنزينة موبيل الى في شارع الجزائر في المعادي
الى محيرني بقى هل فعلا الزوايا ليها علاقة بصوت يطلع لما ادوس فرامل وهل الراجل الى في البنزينة ده كويس اروح اظبط زوايا عنده ولا لأ وخصوصا اني بحس ان العربية بتحدف يمين
اسف جدا على الإطالة بس الموضوع ده فعلا خنقني

**zendo** · 15-04-2015 10:40 PM

اه الزوايا ممكن تعمل صوت وانت ماشى وعلى الملفات كمان

**pepo2011** · 16-04-2015 09:50 AM

اه طبعا ممكن تعمل الصوت بس عموما هو صوت الزوايا معروف ومختلف عن صوت التيل

**asas630** · 17-04-2015 02:18 AM

المفروض لو عندك مشكلة في الزوايا العجل يصفر طول مانت ماشي مش يظهر مع الفرملة بس وكمان حيظهر اكتر في الملفات وده بيكون نتيجة خلل كبير في الزوايا

انا راي ان الصفرة الي عندك سببها التيل نفسه ممكن يكون بلط او نشف

وفي حاجة كمان خلي الميكانكي يشيك علي التيل الخلفي ويرجلشه لو محتاج

بالنسبة للحدفة الي بتحصلك ديه وانت ماشي ولا مع الفرملة