حد يفيدني في نزول السعر الرهيب في السنترا 2015

**diiie_hard** · 16-04-2015 01:56 PM

السلام عليكم جميعا
اتمني ان تكونوا في افضل صحة وحال
انا من فترة كنت سالت علي السنترا الكاملة المعرض قالي نازلة بسعر 175 الف
جيت سالت عليها الاسبوع الي فات قالي سعرها نزل بقي 163 الف
يعني فيه فرق 12 الف جنيه في فترة بسيطة جدا
والعربية لسه جديدة في السوق
ايه يا تري سبب النزول الرهيب في العربية دي
هل لا يوجد عليها سحب ؟ ولا ظهر بيها عيوب بعد تجربتها ؟
انا كنت بفكر اشتريها بس الوقت بدات اقلق
الموضوع مفتوح للجميع للمشاركة

**dreslam** · 16-04-2015 02:16 PM

انا من اللي اشتروها ب 170 وفيه ناس كتير اشترت ب 175 كمان ودلوقتي سعرها الرسمي 165 وناس بتسلم على 161 كمان...العربيه حلوه بس كان لازم تنزل بالسعر ده من الاول عشان تنافس وهي دلوقتي بس بدات تبيع وتنافس..متنساش ان على الاغلب العربيه دي حتتقفل في مصر السنه الجايه.
ومتنساش الياريس 1300 اول ما نزلت كانت بكام ودلوقتي ال 1500 بقت بسعر ال 1300 القديم

**yasser100** · 16-04-2015 02:32 PM

للاسف غلطه تسويقيه من التوكيل من الاول , الموديل كان لسه جديد فى مصر و زقها فى فئه سعريه فيها منافسه شديده من عربيات كتير تقيله , الكورولا و الفلوينس و الاسترا و السوبارو و دى كلها عربيات لها اسمها من قبل السنترا , ما تعلموش حاجه من توكيل تويوتا اول ما نزل الكورولا الجديده برغم اسمها القديم فى السوق و اخدوها بالتدريج و لا لعب حتى لعبة الفلوينس اللى كل شويه كان يعمل تخفيض سريع لفترات قصيره و يرجع لسعر اكتر من الاول , كان لازم يلعب على الانتشار الاول و بمكسب قليل نسبيا .

هيه كده دلوقتى فى السعر العادل لها بالنسبه للانتشار بس المشكله انه الناس هاتقلق من انخفاض السعر بالشكل ده , بنتكلم فى 12000 ل 15000 تخفيض بالنسبه للهاى لاين .

**kar!m** · 16-04-2015 03:41 PM

من يوم ما نزلت ما شفتش منها غير واحدة بس مش عارف ليه.

**dreslam** · 16-04-2015 03:50 PM

انا افتكرت ان مافيش غيري في اسكندريه راكبها...دلوقتي شوفت الابيض والموكا والفيراني والنبيتي بتاعي مرتين يعني شفت كل الالوان ما عدا الاسود

**hugan** · 16-04-2015 05:42 PM

الناس اللي اشترت بالسعر القديم تعمل ايه

**diiie_hard** · 16-04-2015 07:31 PM

ممكن عشان مفيش عليها سحب او مش مرغوبة فنزلوا بالسعر بالشكل ده عشان يقدروا ينافسوا
مع انها اوبشن جميل ورفاهية عالية

**mourad2015** · 16-04-2015 10:25 PM

المشاركة الأصلية كتبت بواسطة diiie_hard

السلام عليكم جميعا
اتمني ان تكونوا في افضل صحة وحال
انا من فترة كنت سالت علي السنترا الكاملة المعرض قالي نازلة بسعر 175 الف
جيت سالت عليها الاسبوع الي فات قالي سعرها نزل بقي 163 الف
يعني فيه فرق 12 الف جنيه في فترة بسيطة جدا
والعربية لسه جديدة في السوق
ايه يا تري سبب النزول الرهيب في العربية دي
هل لا يوجد عليها سحب ؟ ولا ظهر بيها عيوب بعد تجربتها ؟
انا كنت بفكر اشتريها بس الوقت بدات اقلق
الموضوع مفتوح للجميع للمشاركة

انا هقولك نيسان اصلا مش عارفة تسوق العربية كويس و العربية مش بتبيع و اللى الناس متعرفوش ان العربيات فى السبع واقفة فى المخازن هتبوظ من الركنة يعملوا ايه بقى ينزل فى سعر السيارة عشان تبيع و عامل نظام قسط كمان بس و فوق كل دة عدم توافر قطع الغيار و انا علمل موضوع عن قطع الغيار ياريت تشوفة بجد حاجة نكسف انا بفكر جديا ابيع العربية السنترا

**diiie_hard** · 17-04-2015 05:01 PM

المشاركة الأصلية كتبت بواسطة mourad2015

انا هقولك نيسان اصلا مش عارفة تسوق العربية كويس و العربية مش بتبيع و اللى الناس متعرفوش ان العربيات فى السبع واقفة فى المخازن هتبوظ من الركنة يعملوا ايه بقى ينزل فى سعر السيارة عشان تبيع و عامل نظام قسط كمان بس و فوق كل دة عدم توافر قطع الغيار و انا علمل موضوع عن قطع الغيار ياريت تشوفة بجد حاجة نكسف انا بفكر جديا ابيع العربية السنترا

بس موضوع قطع الغيار ده لاي عربية لسه نازله جديد بيبقي واحد
اي نوع واي ماركة بتنزل جديد بيبقي لسه منزلهاش قطع غيار في التوكيل وده علي الكل
متهيالي مش نيسان بس , يعني علي ما اظن ده ميعيبش ركوب العربية
اهم حاجة ان مفيش عيوب في العربية ذات نفسها وانت راكبها
حكاية قطع الغيار في التوكيل غير متوفرة ده بيسوء سمعة التوكيل فعلا