ادامى عربية و عاوز رايكم الفنى

**dbabis8** · 18-04-2015 11:56 AM

السلام عليكم
عاوز اغير عربيتى اللادا و قلت اجيب لانوس
لاقيت الاسعار كتير اوى عليا و وقعت على سمسار بياخد عربيات عاملة حوادث قبل كده و اتظبطت
عنده دلواتى عربيتين
1 - لانوس موديل 2000 رشة برة بالكامل و بيقول مرشتش جوه بس لازم طبعا حد يبص عشان اتاكد بس تقريبا هى عاوزة عمرة لكن ممكن تستنى شوية 40000 كيلو مثلا و مفيش دخان و لا حاجة و صوتها كويس و فاضل ف الرخصة 6 شهور على 44000 جنيه
2- لانوس موديل 2001 رشه بره بالكامل و جوه كمان مركبة ربع خلفى و المكنة حلوة و العربية جميلة و لما تبص كويس تشك اصلا انها كانت عاملة حادث قبل كده شغل كويس اقصد فاضل ف الرخصة سنة ب 33000 جنيه
طبعا التانية سعرها معايا و مناسب ليا بس اقدر اتصرف و اعصر نفسى و اجيب الاولى بس كنت عايز اعرف الرأى الفنى ف الاتنين عشان انا مش اوى ف الحاجات دى و كده كده هجيب ميكانيكى و كهربائى يشوف كل حاجة لكن هما ممكن يبيعونى عادى

**Abo_Mazen** · 18-04-2015 01:29 PM

بلاش عربيات الحوادث ..عربيه ما تعرفش إيه اللي إتغير فيها أصلا ..وممكن تقع في مشكلة إن العربيه مغيره نص ..والنص مش مثبوت ...وبعدين لو رجعت للي باعلك هيقولك ما إنت عارف إن العربيه عربية حوادث ..يعني واخدها وإنت عارف اللي فيها ..وبعدين برضه ما تضمنش الشغل اللي إتعمل فيها إتعمل إزاي ..إتعمل صح ولا غلط ..بص ..رأي بلاش ..ده الواحد ممكن يشتري عربيه وهي فبريكه بره وجوه ويرجع يكتشف إنها مغيره نص والمرور ما يرضاش يرخصله وتبقى مصيبه ..أقوم أنا أروح أشتري عربيه مغيره ربع ومغيره نص وعامله حادثه

**pepo2011** · 18-04-2015 01:32 PM

سيبك من الاتنين اساساااااااااااااااااااا

**eisaa100** · 20-04-2015 10:14 AM

لأ طبعا لا دى ولا دى شوف عربيه ودور على صاحبها قبل ما تشتريها صدقنى تفرق كتير !!!!!!

**mhopa2440** · 20-04-2015 01:07 PM

بلاااااااااااااش تشتري عربية حوادث

شوف الفلوس اللي متاحة معاك كام والناس تكتب ليك الاختيارات المناسبة معاك

**4fun14** · 21-04-2015 11:10 AM

لانوس 2000 ب 44 الف يعنى المفترض عامله الحوادث الخفيفة بتاعتنا العاديه واللى اكيد مش هتلاقى عربيه بقالها 15 سنة متخبطتش!
العربيه الأولى قد تكون كويسه بس انت بتقول انها راشه بره بالكامل يعنى السقف كمان مرشوش؟
الحركه ده عاده بتتعمل لو العربيه مقلوبه..وحتى لو مش مقلوبه لازم سعرها يرخص شويه لان 44 الف ده السعر العادى ..المفروض سعرها يقل عشان حتى لو راششها نضافه يوم مانت تحب تبيعها هتباه اقل من سعر السوق