طقه في دركسيون النترا ٢٠١٢

**devil_storm** · 19-04-2015 01:47 AM

انا معايا النترا ٢٠١٢ و ظهرلي صوت طقه لما بلف الدركسيون سنه شمال ( سنه مش للاخر ) لكن لما بلفه يمين مفيش حاجه، بعدها بكام يوم بداءت اسمع تكتكه خبط بلاستيك مش حديد جايه من تحت الدركسيون و اوقات بتيجي من التابلوه يمين ناحيه الراكب اللي جنب السواق، الصوت عباره عن بلاستيك ( مش حديد ) بيخبط و يتكتك في المطبات و جاي من الصالون من التابلوه مش من العفشه تحت، ممكن يكون ايه و اروح لمين يصلحه

طبعا مش كبالن خالص ... محدش يقولي قطمه الدركسيون لحسن اروح فيها

التوكيل غابور النصاب كل الصيانه عملها عنده و كل مره اشتكي من العفشه و يقولي سليمه، بعد ما العربيه خرجت من الضمان ظهرت المشكله دي و لما رحتلهم قلولي العربيه خرجت من الضمان و حتدفع كشف ٢٠٠ جنيه و التصليح و تغيير اي قطع غيار علي حسابي مشيت و سبته لاني عارف ان سعر القطمه ٩٩٠٠ جنيه من غير مصنعيه و تركيب

**devil_storm** · 19-04-2015 02:18 AM

دلوقتي يا رجاله التوكيل غيرلي القطمه لما العربيه كانت عامله ١٨ الف كم في الضمان ، انا حاليا عامل ٢٦ الف كم و خرجت بره الضمان من ٨ شهور، لو المشكله دي بسبب القطمه مش كده معناها ان القطمه اللي حطوهالي بايظه لانها باظت في مسافه ٨ الف كم و ده عيب صناعه و مفروض تتغير علي حسابهم لانها بايظه حتي لو خرجت من الضمان! يعني انا ممكن ادفع اكتر من ١٠ الاف جنيه في قطمه جديده و تبوظ بعد ٨ الاف كم!!!

توكيل نصاب و عربيه زباله

**Mecha** · 19-04-2015 05:37 AM

شوف البلستكات الاول

**soltanfriend** · 19-04-2015 11:15 AM

ربنا يستر بس انت اكشف عليها الاول عند صنايعى شاطر وان شاء الله تكون حاجه بسيطة
وفى انتظارك تقول عملت ايه

**Abo_Mazen** · 19-04-2015 12:01 PM

هو اللي أنا أعرفه إن هي مش قطمه كامله ..دي ممكن تبقى الصليبه الأولى أو الصليبه اللي تحت ..خلي حداد يبص عليهم ..في الغالب هتبقى حاجه بسيطه ..يعني ممكن الصليبه تكون عاوزه تضبيط بس مش أكتر

**s7oda** · 19-04-2015 12:03 PM

استفسار بسيط انت خرجت ازاي ولية من الضمان هل بسبب عدم الصيانه عندهم ؟ ضمان العربية 5 سنوات او 100 الف ك/م

**devil_storm** · 19-04-2015 02:25 PM

لا انا بعمل كل الصيانات عندهم بس النترا موديل 2012 ضماتها 3 سنوات او 100 الف كم و من اول موديل 2013 بقت 5 سنوات

**ahmedtoma** · 27-04-2015 01:28 PM

مين صنايعى شاطر فى الموضوع دة

**pepo2011** · 27-04-2015 01:35 PM

باشا روح لعفشجي شااااااطر الاول وهاتعرف منه علي طول ايه المشكلة لانها ممكن قطمة او بطاحات او حاجة مفكوكة ومركبوهاش عادي دي توكيلات مصر وانشاء الله بسيطة بس ابقي طمني بس لو اتاكدت انها قطمة روح التوكيل واعملهم فرررررررح