الموضوع: ثبات ال لادا على الطريق

المشاركة الأصلية كتبت بواسطة m_m_sh_a

اللادا دفع خلفي ..اللانوس والفيرنا جر أمامي ..ثبات الجر الأمامي أفضل من الدفع الخلفي ..تسارع الجر الأمامي أفضل من الدفع الخلفي ..ده بصفه عامة ..

بالنسبة بقى للادا طبعا يعتبر ثباتها ضعيف بالنسبه للانوس والفيرنا ..الفيرنا تحط 140 والعربيه ماسكه نفسها كويس ..اللادا 120 ما تزودش عشان معرفش في إيه بعد كده

( ثبات الجر الأمامي أفضل من الدفع الخلفي ..)

علي العكس
عشان توزيعه الوزن بتكون افضل ،

المشاركة الأصلية كتبت بواسطة m_m_sh_a

( ثبات الجر الأمامي أفضل من الدفع الخلفي ..)

علي العكس
عشان توزيعه الوزن بتكون افضل


جرب حد يزقك من ورا ..وشوف قدرتك على ضبط إتزانك هتكون إزاي

جرب حد يشدك من إيدك ..أو يكون رابطك من وسطك وبيشدك ..وشوف قدرتك على ضبط إتزاك هيكون إزاي ..

دول مثالين صغيرين أي حد بيتعلم أو بياخد فكره عن السيارات بيطرحوا قدامه ده غير طبعا مقالات إتكتبت في الموضوع ده ..

عموما هجيب لحضرتك مقاله بخصوص الموضوع ده

على العكس يا فندم...

ثبات سيارات الدفع الخلفي بشكل عام أفضل من سيارات ثبات سيارات الدفع الأمامي.. وده نتيجة التوزيع الأفضل للوزن في سيارات الدفع الخلفي.

بدليل إن السيارات الرياضية الحقيقية مفيش منها أي سيارة دفع أمامي على الإطلاق... Never

على العكس تماما... سيارات الدفع الأمامي تعتبر من أسوأ تصميمات السيارات من ناحية الثبات...

غريبة مش كده؟؟؟

طيب ليه كل السيارات العادية بقت دفع أمامي؟؟؟

لسببين

1- وجود الموتور قريب من العجلات الدافعة بيقلل من فاقد الطاقة.. وده معناه توفير في البنزين.

2- وجود الموتور مع كامل نظام نقل الحركة في الأمام بيدي مساحة كبيرة جدا تقدر تستغلها في العربية. .. يعني العربية تبقى عملية.


أنصحك تقرا الموضوع ده .. هيوضحلك حاجات كتير..

http://www.nilemotors.net/Nile/375709-a.html

ولو عندك أي استفسار .. أنا جاهز.. بس بعد ما تقرا الموضوع.


...