منفاخ للعربية

**dreamman** · 19-04-2015 07:15 PM

السلام عليكم
عاوز اشترى منفاخ للعربية 2 بستم
بشتغل على بطارية العربية وليس مكان الولاعه
هشترية طبعا من التوفيقية
أفضل نوع ايه ( lishiom ولا هرقل ) ولا انواع تانية افضل وياريت المكان الى اشترية منه يكون مضمون والسعر ان أمكن
وشكرا

**ali ashraf** · 20-04-2015 12:09 AM

فكرة موفقة انا اشتريته من سنه تقريبا و احتجته مره واحده بس بصراحة ريحنى جدا لانى اعاتى من دسك فى ظهرى و موضوع تغير الكاوتش صعب جدا على .....المهم تخلى بالك انك لازم تشترى من محل كبير مش واحد عامل نصبة فى الشارع ثانيا كان فيه ماركة اسمها الجمل خلصت و فيه جماعة نصابين بيجيبوا ورق مضروب مرسوم عليه جمل و يلزقوا على الكارتونة (نصب) وزى محضرتك قلت 2 بيستم و يشتغل على البطارية مش الولاعة ( بتاع الولاعة معناه ضعيف) و الاسعار متفاوتة حسب جدوة الجهاز فيه محل لما تدخل شارع التوفيقة اول شارع كبير يمين تانى محل بيبيع انواع مختلفة بعضها من الاسكندرية و طبعا معدن مش بلاستيك بالتوفيق
326

**abokoko** · 20-04-2015 12:38 AM

هيبان من الوزن
وابقي جربه
شغل الجهاز وسد فتحة الخروج بصباعك
اولا لتتاكد من وجود دفع للهواء
ثانيا لترى تحرك المؤشر
بس متزودش فى الضغط لسلامة الجهاز

وابقي ركب الخرطوم الوصلة وتاكد من عدم وجود تسريب بين الوصلات

كلهم صيني
والجودة هتكون متقاربة

عندى واستخدمته اكتر من مرة
وبنصح بيه جدا

مبروك مقدما

**dreamman** · 20-04-2015 11:25 AM

اشكركم أخواتى الكرام على المساعدة
لو ياريت مركة معينة موثوق منها بحيث ملفش واحتار

**ali ashraf** · 20-04-2015 09:56 PM

انا الجهاز اللى عندى 2 بستم و شغل زى الفل معى بقله سنه و مشفتش منه مشاكل و اسمه مانهاتن تقيل و معدن و ممتاز

**HishamShafai** · 20-04-2015 10:13 PM

المشاركة الأصلية كتبت بواسطة dreamman

اشكركم أخواتى الكرام على المساعدة
لو ياريت مركة معينة موثوق منها بحيث ملفش واحتار

إنت إمشى في السوق و شوف أكتر من محل و أمسك جميع الأجهزة و هات الجهاز الثقيل المحمل أنا لسة كنت في التوفيقية و شفته ب 225ج ويوجد منه بعداد ديجيتال يزيد 50ج و بصراحة الكومبريسور ده إختراع بينقذ في لحظات حرجة.