زيت فتيس شل للنوبيرا

**أمجد هووز** · 19-04-2015 09:40 PM

.
الاصدقاء حد يعرف زيوت شل بتتباع فين دلوقتي لان كل المحطات بقت توتال
انا عايز اغير زيت الفتيس الاوتوماتيك للنوبيرا وعايز احط زيت شل الاوتوماتيك
ومافيش قدامي الا زيت توتال وزيت التعاون ؟؟؟؟ ايه رايكم ؟؟؟
زيت موبيل الصراحه غالي ب60 جنيه اللتر

**shake** · 20-04-2015 12:40 AM

باشا معلش بعيد عن استفسارك النوبيرا اوتوماتيك عامله ايه معاك عامة
الفتيس فيه مشاكل العربية واطية ولا اخبارها ايه عفشتها تتحمل

**Abo_Mazen** · 20-04-2015 02:27 PM

إتصل بالرقم ده 0227557555 ....ده رقم خدمة عملاء شيل في مصر ..هيسألك على عنوانك ..هتقوله عليه ..هيقولك أقرب موزع معتمد ليك ..أنا عملت كده ...

**أمجد هووز** · 21-04-2015 08:27 PM

المشاركة الأصلية كتبت بواسطة shake

باشا معلش بعيد عن استفسارك النوبيرا اوتوماتيك عامله ايه معاك عامة
الفتيس فيه مشاكل العربية واطية ولا اخبارها ايه عفشتها تتحمل

مش عارف اقول ايه لحضرتك .. طول ما العربيه معاك العين حسداها كل اللي تعرفه نفسه ياخدها منك جيرانك ..زمايلك في الشغل... حتي قرايبك يخدها منك.. لانها عربيه شيك ... وسعرها مش غالي
وعلشان العين فيها بتحصل لك حاجات ممكن العربيه تروح فيها بالسلامه بالسلامه
يعني بالنسبه ليا النوبيرا ممتازه ومحافظ عليها وزي ما قلت لحضرتك العين مش سيباها في حالها
مره في حاجه مسوره بلاستيك طولها عشره سم ومعرفش الشركه عملاها بلاستيك ليه عامله مشترك في خرطوم واحد بتودي ميه سخنه نار جايه من الماتور رايحه للتكيف السخن علشان تسخن الهوا
كل اللي عنده نوبيرا اوتوماتيك الوصله البلاستيك دي بتتشرخ من الميه السخنه المولعه حتي لو حضرتك ماشي في عز الصيف يعني مافيش تككيف سخن شغال وطبعا ميه العربيه كلها بتتصفي وانت ماشي
وتفاجئ ان مؤشر الحراره بقي في الاحمر لغايه العربيه ما تقف...
وطبعا ان العمليه دي ان ما جابتش وش سلندر ها تضيع الفتيس الوتوماتيك لان زيت الفتيس بيتبرد من
ميه الرادياتير وطبعا الردياتير مافيش فيه ميه لان ميه الرادياتير نزلت من الوصله البلاستيك دي
ويرجعوا يقولوا اتوماتيك النوبيرا وحش
انا حصلت ليا الحكايه دي ؟؟ ومعرفش ديك شركه دايو عملت الوصله دي بلاستيك ليه وتمنها جديده 7 جنيه
وبتطير وش السلندر والفتيس الاوتوماتيك .. وزي ما قلت لحضرتك
كل اللي جاب النوبيرا الزيرو حصلت معاه قصه الوصله البلاستيك ديه علي خوانه والاوتوماتيك فلسع
وراحوا مصلحينه وبيعنها ....

علشان كده كله يقول لك اوعي فتيس النوبيرا ...

.. الفتيس عشره علي عشره لاول يد وبعد ما الوصله البلاستيك تتكسر والميه تخلص زيت الفتيس بيولع
والفتيس بيقفش

...

**أمجد هووز** · 21-04-2015 09:24 PM

المشاركة الأصلية كتبت بواسطة m_m_sh_a

إتصل بالرقم ده 0227557555 ....ده رقم خدمة عملاء شيل في مصر ..هيسألك على عنوانك ..هتقوله عليه ..هيقولك أقرب موزع معتمد ليك ..أنا عملت كده ...

اولا شكرا لمساعدتك ...لا الوسام مش جه من فراغ مبروك علي الوسام

انا فعلا اتصلت بالرقم وردت علييا صوت انثوي ناعم بيتكلم بالاغ
اسم حضغتك ايه ورقم تليفونك كام ... وعلي فكره دي لوحدها تستاهل عليها الوسام
المهم اديتني رقم موبايل لواحد اسمه الاستاذ مدحت وده مندوب شركه تبارك اللي ماسكه
محافظه الجيزه...
اتصلت بالاسناذ مدحت الساعه عشره رد عليا الساعه 3 الظاهر بيصحي وخري
وقالي هديك نمره المندوب اللي بيوزع لمحافظه الجيزه واسمه سعيد
اتصلت بسعيد وكان المستوي اقل ...يعني بيرد كده ايوه يامدير اامر يامدير من عيني يامدير
... قل لي انت فين بالضبط يا مدير ..قلت له قالي اقفل يا مدير وها اتصل بيك بعد عشر دقايق
وفعلا اتصل بيا وقال لي بص يا مدير خد النمره دي اتصل بواحد اسمه الشيمي هو ها يدلك
اتصلت بالشيمي ... والمستوي الثقافي ضايع شكله ميكانيكي او حاجه في ورشه
مين ؟؟؟ مين اللي بتكلم عايز مين ؟؟.. مين ؟؟؟ زيت مين ؟؟؟؟ شل ايه؟؟ .. مين ؟؟ علشان ايه ؟؟
اهه اههه .. انت معاك ايه ؟؟ توكتوك ولا مكنه ؟
فضلت اشرحله في الاخر اكتشفت انه ورشه موتسيكلات تحت الدائري من ناحيه
محور ميدان لبنان وجنبه واحد بيبيع زيوت بالكوز لعربيات النص نقل والتكاتك والموتسيكلات
الكلام اللي انا حكيته حصل بالضبط ...وزعلت ان شركه شل في مصر عملت فينا كده

ثانيا :: علي فكره احنا كنا اصحاب زمان وعملين دويتو مع بعض بس الوسام غيرك

**shake** · 22-04-2015 11:37 AM

المشاركة الأصلية كتبت بواسطة أمجد هووز

مش عارف اقول ايه لحضرتك .. طول ما العربيه معاك العين حسداها كل اللي تعرفه نفسه ياخدها منك جيرانك ..زمايلك في الشغل... حتي قرايبك يخدها منك.. لانها عربيه شيك ... وسعرها مش غالي
وعلشان العين فيها بتحصل لك حاجات ممكن العربيه تروح فيها بالسلامه بالسلامه
يعني بالنسبه ليا النوبيرا ممتازه ومحافظ عليها وزي ما قلت لحضرتك العين مش سيباها في حالها
مره في حاجه مسوره بلاستيك طولها عشره سم ومعرفش الشركه عملاها بلاستيك ليه عامله مشترك في خرطوم واحد بتودي ميه سخنه نار جايه من الماتور رايحه للتكيف السخن علشان تسخن الهوا
كل اللي عنده نوبيرا اوتوماتيك الوصله البلاستيك دي بتتشرخ من الميه السخنه المولعه حتي لو حضرتك ماشي في عز الصيف يعني مافيش تككيف سخن شغال وطبعا ميه العربيه كلها بتتصفي وانت ماشي
وتفاجئ ان مؤشر الحراره بقي في الاحمر لغايه العربيه ما تقف...
وطبعا ان العمليه دي ان ما جابتش وش سلندر ها تضيع الفتيس الوتوماتيك لان زيت الفتيس بيتبرد من
ميه الرادياتير وطبعا الردياتير مافيش فيه ميه لان ميه الرادياتير نزلت من الوصله البلاستيك دي
ويرجعوا يقولوا اتوماتيك النوبيرا وحش
انا حصلت ليا الحكايه دي ؟؟ ومعرفش ديك شركه دايو عملت الوصله دي بلاستيك ليه وتمنها جديده 7 جنيه
وبتطير وش السلندر والفتيس الاوتوماتيك .. وزي ما قلت لحضرتك
كل اللي جاب النوبيرا الزيرو حصلت معاه قصه الوصله البلاستيك ديه علي خوانه والاوتوماتيك فلسع
وراحوا مصلحينه وبيعنها ....

علشان كده كله يقول لك اوعي فتيس النوبيرا ...

.. الفتيس عشره علي عشره لاول يد وبعد ما الوصله البلاستيك تتكسر والميه تخلص زيت الفتيس بيولع
والفتيس بيقفش

...

يعنى لو اشترتها اول حاجة اعملها اغير الوصلة دى ولا اعمل ايه

**Abo_Mazen** · 22-04-2015 01:06 PM

المشاركة الأصلية كتبت بواسطة أمجد هووز

اولا شكرا لمساعدتك ...لا الوسام مش جه من فراغ مبروك علي الوسام

انا فعلا اتصلت بالرقم وردت علييا صوت انثوي ناعم بيتكلم بالاغ
اسم حضغتك ايه ورقم تليفونك كام ... وعلي فكره دي لوحدها تستاهل عليها الوسام
المهم اديتني رقم موبايل لواحد اسمه الاستاذ مدحت وده مندوب شركه تبارك اللي ماسكه
محافظه الجيزه...
اتصلت بالاسناذ مدحت الساعه عشره رد عليا الساعه 3 الظاهر بيصحي وخري
وقالي هديك نمره المندوب اللي بيوزع لمحافظه الجيزه واسمه سعيد
اتصلت بسعيد وكان المستوي اقل ...يعني بيرد كده ايوه يامدير اامر يامدير من عيني يامدير
... قل لي انت فين بالضبط يا مدير ..قلت له قالي اقفل يا مدير وها اتصل بيك بعد عشر دقايق
وفعلا اتصل بيا وقال لي بص يا مدير خد النمره دي اتصل بواحد اسمه الشيمي هو ها يدلك
اتصلت بالشيمي ... والمستوي الثقافي ضايع شكله ميكانيكي او حاجه في ورشه
مين ؟؟؟ مين اللي بتكلم عايز مين ؟؟.. مين ؟؟؟ زيت مين ؟؟؟؟ شل ايه؟؟ .. مين ؟؟ علشان ايه ؟؟
اهه اههه .. انت معاك ايه ؟؟ توكتوك ولا مكنه ؟
فضلت اشرحله في الاخر اكتشفت انه ورشه موتسيكلات تحت الدائري من ناحيه
محور ميدان لبنان وجنبه واحد بيبيع زيوت بالكوز لعربيات النص نقل والتكاتك والموتسيكلات
الكلام اللي انا حكيته حصل بالضبط ...وزعلت ان شركه شل في مصر عملت فينا كده

ثانيا :: علي فكره احنا كنا اصحاب زمان وعملين دويتو مع بعض بس الوسام غيرك

يا باشا ليه بس كده

...هي القصه كلها إنك تضمن إن التاجر اللي بتشتري منه بياخد من شركة شيل ..صحيح هو تاجر من تاجر من تاجر من تاجر لغاية ما تلاقي اللي بيبيع الزيت ده واحد جنب البيت عندك ..إيه المشكلة لما يكون واحد فاتح تحت الدائري أو على الكوبري ..إنت اللي يشغلك إنك هتاخد منه الجركن متربشم ومتقفل ومحطوط على العبوه الغطا الفويل بتاعة المتبرشم ..يبقى كده ضمنت على الأقل إن التاجر ده ليه علاقة بشركة شل ..وبعدين ممكن حضرتك تتصل تاني بالسوبر ديلار ..اللي حضرتك كلمته أول مره ..وقله أنا عاوز عنوان حد تاني يكون في مكان سهل الوصول ليه .... على فكره مقدرش أنا متأخرش عنك في حاجه والله ..بس انا لما إتصلت إدوني نمرة واحد بتاع زيوت جنبي فعلا في إسكندرية وطلع التاجر ده أنا عارفه أصلا من تعاملي معاه وطلع من التجار اللي أنا بحب أتعامل معاهم أصلا عشان إحترامهم ونضافة حاجته ..بس برضه إتأكدت من الشركة نفسها إن التاجر ده بياخد منهم زيوت ..مش مشكلة إن هو يكون فاتح في بير السلم ...وخصوصا إن عربية شركة شيل بتوديله زيوت لغاية عنده وبيدهالك متبرشمه

**أحمد عياد** · 20-08-2015 12:40 AM

يمكنك شراء زيوت شل الأصلية من جميع محطات ناتكويك الموجوده داخل محطات وطنية التالية :
-محطة وطنية - محور المشير طنطاوي- بجانب أستاد الدفاع الجوي.
-محطة وطنية - محور جوزيف تيتو .
- محطة وطنية- شارع عمر ابن الخطاب - بجانب سيتي ستارز.
- محطة وطنية - امتداد شارع رمسيس - امام وزارة المالية.
- محطة وطنية - جاردينيا - أول طريق مصر السويس.
https://www.facebook.com/Natquic