استفسار عن التيجوان 2015

**densfog** · 21-04-2015 12:37 AM

السلام عليكم

كان ليا استغسار بعد أذنكم عن التيجوان 2015 .. وحتاج رأى حضراتكم ضرورى قبل اخر الاسبوع علشان محتاج اخد قرار بينها و بين السيتروين DS5 و البيجو 308 GT line اللى كانت فى اوتوماك .. بس خوفى من عدم توافر قطع الغيار الخارجيه فى حاله الحوادث فى السيتروين و صغر شنطه ال 308 نسبيا اللى خلانى افكر فى التيجوان

* هل فعلا الفتيس بتاعها خاصه مختلف عن باقى الDSG اللى فى باقى موديلات فولكس ؟ ﻷنى سمعت ان الفتيس اللى فى كل الموديلات واللى كان فيه المشاكل المعروفه من نوع DRY اما بتاع التيجوان بالذات من النوع WET وده على حسب علمى مفيهوش اى مشاكل ... وازاى أقدر أتأكد من الموضوع ده

* حد عنده اى معلومات عن اسعار اى قطع الغيار احتك بيها .. ومدى توافرها فى التوكيل ..

* هل فيه اى مشاكل مشهوره فى الموتور بالذات مع بنزين 92 بتاع مصر ؟

وجزاكم الله كل خير

**alwehiady** · 21-04-2015 04:25 AM

ياجماعه انا عندى عربيه لانسر 1992
لسه عاملها عمره كامله ولينتها لكن المشكله فى الدواره مش بتدور غير لما اسندها ببنزين طول اليوم ولما بحاول مسندهشا ببنزين تبطل او تدور بعض مره عاوز اعرف المشكله فين عشان مكنش صرفت فلوسى ع الفاضى ياريت تفيدونى ...

**mshamy** · 21-04-2015 12:03 PM

المشاركة الأصلية كتبت بواسطة densfog

السلام عليكم

كان ليا استغسار بعد أذنكم عن التيجوان 2015 .. وحتاج رأى حضراتكم ضرورى قبل اخر الاسبوع

علشان محتاج اخد قرار بينها و بين السيتروين ds5 و البيجو 308 gt line اللى كانت فى اوتوماك .. بس خوفى من عدم توافر قطع الغيار الخارجيه فى حاله الحوادث فى السيتروين و صغر شنطه ال 308 نسبيا اللى خلانى افكر فى التيجوان

* هل فعلا الفتيس بتاعها خاصه مختلف عن باقى الdsg اللى فى باقى موديلات فولكس ؟ ﻷنى سمعت ان الفتيس اللى فى كل الموديلات واللى كان فيه المشاكل المعروفه من نوع dry اما بتاع التيجوان بالذات من النوع wet وده على حسب علمى مفيهوش اى مشاكل ... وازاى أقدر أتأكد من الموضوع ده

* حد عنده اى معلومات عن اسعار اى قطع الغيار احتك بيها .. ومدى توافرها فى التوكيل ..

* هل فيه اى مشاكل مشهوره فى الموتور بالذات مع بنزين 92 بتاع مصر ؟

وجزاكم الله كل خير

وعليكم السلام ورحمة الله وبركاته
منذ نزول الشكل الجديد من التيجوان عام 2013 و حتى الأن لا توجد مشاكل في الفتيس و لا في الموتور مع بنزين 92 ...الكلام ده من احد أصدقائي و هو مهندس في التوكيل و الله تعالى أعلى و أعلم

**mostafassy** · 21-04-2015 12:11 PM

بص يا باشا اعتقد والله اعلم انك بتختار بين 3 عربيات غالبا ماهيقابلك مشاكل معاهم
سواء من مشاكل فى الموتور عشان بنزين 95 او عشان الفتيس حاول تدور على حاجه افضل من غير مشاكل و مش لازم تكون مميزه اوى
بالنسبه للتيجوان انا عندى معلومات بسيطه عنها بس بردو مش متأكد من دقتها
انها dsg 6 غيارات مش 7 زى الباسات و الجيتا و الفتيس ده مشاكله اقل من 7 نقلات بس بردو لازالت موجوده
الموتور المفروض ان هو بيستخدم 92 بس بيعمل مشاكل و يتعمله عمره فى التوكيل و تعديل مش فاكر البساتم باين و يظبط بعد كده
رأيى الشخصى ابعد عن وجع الدماغ حتى و لو كان ده كله احتمالات
بالنسبه للستروين توكيل عز العرب من اسوأ اسوأ التوكيلات ممكن تتعامل معاها
البيجو ماليش خبره معاها بس مش بتمسك سعر خالص و مشتركه مع الستروين فى كتير من قطع الغيار و ممكن يقابلك مشاكل فى الموتور بسبب البنزين

**ahmed foxxx** · 21-04-2015 12:41 PM

خليك في بيجو 3008 انتشرت دلوقتي جدا وملهاش مشاكل مع بنزين 92 ، احسن عربية في فئتها وممكن تاخد الشكل الجديد 2016

**mshamy** · 21-04-2015 12:50 PM

المشاركة الأصلية كتبت بواسطة ahmed foxxx

خليك في بيجو 3008 انتشرت دلوقتي جدا وملهاش مشاكل مع بنزين 92 ، احسن عربية في فئتها وممكن تاخد الشكل الجديد 2016

اعتقد انه كان يقصد ال 508 gt

**densfog** · 21-04-2015 02:07 PM

متشكر جدا لحضراتكم على سرعه الرد و اﻷهتمام ... جزاكم الله كل خير ..
انا اتصلت بالتوكيل النهارده .. وسألت على موضوع الفتيس و قالولى فعلا انه 6 سرعات .. ومش DSG اساسا ؟؟!! ... وسألت على اسعار الصيانات و كانت :
5 و 10 و 20 و 50 الف ... 686 جنيه
30 الف .... 1253 جنيه
40 الف ..... 2295 جنيه
60 الف ..... 4374 جنيه ... الاسعار شامله الضرائب
اما بالنسبه لقطع الغيار زى الفوانيس و البودى .. مرضيوش يقولولى اسعار فى التليفون ولازم يتعمل مقايسه علشان مبيبعوش مبيعات خارجيه .. يعنى اللى فهمته لازم العربيه تتصلح عندهم

المشاركة الأصلية كتبت بواسطة mshamy

اعتقد انه كان يقصد ال 508 gt

ﻷ يافندم .. انا أقصد 308 GTline علشان انا مبحبذش العربيات اللى حجمها كبير علشان مش عمليه فى الركنه بالذات فى وسط البلد .. و مش محتاج احكيلك على اسكندريه دلوقتى .. فعلشان كده بحاول ادور على عربيه مدمجه و لكن بوسع داخلى كويس و مواصفات عاليه وكمان علو عن الارض كويس ميقلش عن 14.5 او 15 سم... و ال 308 كوسع صالون كويسه مشكلتها بس الشنطه صغيره نوعا ما بسبب ان الاستبن بتاعها جنط سبور زى اللى متركب بالظبط .. فرافع أرضيه الشنطه جدا .. بس ده ميمنعش ان 508 رائعه فعلا و لو كان الحجم ده تمام معايا كنت اشترتها على طول

المشاركة الأصلية كتبت بواسطة ahmed foxxx

خليك في بيجو 3008 انتشرت دلوقتي جدا وملهاش مشاكل مع بنزين 92 ، احسن عربية في فئتها وممكن تاخد الشكل الجديد 2016

كام حضرتك صحيح .. فعلا ال 3008 حل رائع و انتشرت جدا .. وليا زمايلى معاهم وبيشكروا فيها .. بس انا بهتم شويه بالاوبشنز و كان نفسي فى عربيه فيها زينون او فول ليد ... حاجه تانيه .. على حسب علمى ان 508 و 308 و 3008 نفس الموتور .. اللى هو موتور السيتروين و المينى كوبر اس .. وكان مكتوب فى بروشور 308 تعمل بكل كفاءه و بأمان كامل مع 92 ....

بصراحه السيتروين رائعه .. وصيياناتها اسعارها مناسبه اقل من التيجوان بحوالى 30 او 40 فى الميه... مشكلتها بس لو لا قدر الله حادثه .. حقعد أعيط جنبها لحد اما يستوردولها قطع غيار

عامه النهارده العصر كده هروح اتفرج على التيجوان و انا صليت استخاره وربنا ييسر اللى فيه الخير ... و متشكر لحضراتكم مره اخرى

**densfog** · 21-04-2015 09:11 PM

روحت النهارده التوكيل و اتفرجت على العربيه ... بصراحه عربيه كويسه جدا .. و على مستوى التجهيزات تعتبر كويسه .. زى سقف زجاج بالكامل و بيتفتح ... و أهم ميزه عجبتنى فيها الوسع الداخلى الرائع مع الحجم الخارجى المدمج .. وفيها اوبشن مميز جدا و هو ان الكنبه الخلفيه مقسمه تلت و تلتين .. تقدر تحرك كل جزء منهم لﻷمام و الخلف زى كرسي السائق و الراكب الامامى .. لتوسيع حجم الشنطه على حساب فراغ الأرجل .. اللى فى اقل مستوى ليه يعتبر معقول جدا ... وشويه اوبشنز تانيه زى تلاجه فى التابلوه .. شاشه تاتش .. فتحات تكييف خلفيه .. وطبعا اهم حاجه .. ان الفتيس بتاعها dsg ست سرعات فمتوقع انه من النوع ال wet و اللى على حسب علمى مالوش مشاكل تقريبا .... نيجى بقى لنقطه اسعار قطع الغيار .. ودى امثله منها :
فانوس امامى زينون 4500
فانوس خلفى جزئين 2000 + 850
اكصدام امامى 3800
اكصدام خلفى 3500
زجاج امامى 2500
سقف بانوراما جزئين 10000
باب 5200
جنط 3500

ايه رأيكم ؟؟

**mshamy** · 22-04-2015 07:05 PM

المشاركة الأصلية كتبت بواسطة densfog

روحت النهارده التوكيل و اتفرجت على العربيه ... بصراحه عربيه كويسه جدا .. و على مستوى التجهيزات تعتبر كويسه .. زى سقف زجاج بالكامل و بيتفتح ... و أهم ميزه عجبتنى فيها الوسع الداخلى الرائع مع الحجم الخارجى المدمج .. وفيها اوبشن مميز جدا و هو ان الكنبه الخلفيه مقسمه تلت و تلتين .. تقدر تحرك كل جزء منهم لﻷمام و الخلف زى كرسي السائق و الراكب الامامى .. لتوسيع حجم الشنطه على حساب فراغ الأرجل .. اللى فى اقل مستوى ليه يعتبر معقول جدا ... وشويه اوبشنز تانيه زى تلاجه فى التابلوه .. شاشه تاتش .. فتحات تكييف خلفيه .. وطبعا اهم حاجه .. ان الفتيس بتاعها dsg ست سرعات فمتوقع انه من النوع ال wet و اللى على حسب علمى مالوش مشاكل تقريبا .... نيجى بقى لنقطه اسعار قطع الغيار .. ودى امثله منها :
فانوس امامى زينون 4500
فانوس خلفى جزئين 2000 + 850
اكصدام امامى 3800
اكصدام خلفى 3500
زجاج امامى 2500
سقف بانوراما جزئين 10000
باب 5200
جنط 3500

ايه رأيكم ؟؟

قطع الغيار الألماني الأصلي غالية بطبيعتها و التوكيل كمان بيزود حبتين
لو ليك في التأمين يبقى أمن وريح بالك

**densfog** · 22-04-2015 11:34 PM

المشاركة الأصلية كتبت بواسطة mshamy

قطع الغيار الألماني الأصلي غالية بطبيعتها و التوكيل كمان بيزود حبتين
لو ليك في التأمين يبقى أمن وريح بالك

تمام .. بس بالنسبه لفئه العربيه انا شايفها مناسبه .. مثال السيتروين
زجاج امامى 2800
اكصدام امامى 4200
فانوس امامى 7150

الموضوع: استفسار عن التيجوان 2015

LinkBack

أدوات الموضوع

عرض

-

-

-

المواضيع المتشابهه

استفسار عن التيجوان

استفسار بخصوص التيجوان

استفسار : رينو لوجان 2015 ولا شيفروليه لانوس 2015

استفسار بخصوص التيجوان

استفسار هام يا فولكساوية عن قراءة بيانات الفتيس بتاع التيجوان(ارجو المساعدة)

الكلمات الدلالية لهذا الموضوع

المفضلات

المفضلات

ضوابط المشاركة