أنا معاك ومتاااااااااااااااااااااا ااااااااااااااااااااااابع
رقم العضوية : 10756
تاريخ التسجيل : 15May2008
المشاركات : 3,781
النوع : ذكر
الاقامة : -----------------
السيارة: --------------------------
السيارة[2]: --------------------------
دراجة بخارية: --------------------------
الحالة :
السلام عليكم ورحمه الله وبركاته
كتير مننا لما بيدور على قطع الغيار البياع بيقول له دي الاصلي وبناخد كلام البائع ( ان كان في تعامل سابق ) محل ثقه وبنشتري
البائع بيعرض اللي عنده اللي هو ماركه واحده او صنف واحد او اثنين بالكتير وهو المتاح عنده وبيحاول يحلي البضاعه في عينيك علشان تشتري منه
وكتير بيركب السوق وبيفرض سعره
ده وهو بييبع بضاعه وكتير منها بيكون مضروب ومتقلد
طيب ما نوسع دائره البحث شويه
نطلع من مسمي كلمه الاصلي او الكوري الاصلي او خلافه
وندور بالبراند او الماركه
مثلا دلوقت بدورعلى حساس شكمان الخيارات قدامي الحساس الاصلي من التوكيل صناعه كوريه بيعدي ال 400 جنيه
او حساس بيتباع بره التوكيل في نفس علبه التوكيل او علبه مختلفه شوية ومكتوب عليها او ملزوق استكر ايا كان وده اسعاره من 200 ل 300 حسب المكان او التاجر
او حساس صيني التاجر معترف انه صيني ومتوسط سعره من 150 ل 190 وبرضه حسب التاجر
هتختار ايه من دول طيب؟
مع العلم اني لما سئلت عليه في توكيل ان جي كيه ( التوفيق ) لقيته ب 300 جنيه ( ياباني وضمان )
طريقه التفكير دي اللي وصلنا ليها نتيجه التوكيل والتجار
طيب ليه مش ندور عن قطع الغيار بماركات محترمه الماني مشهود لها مش بوش او دنسو او فاليو او اي ماركه مشهوره
اتفاجئت اني لقيت قطع غيار مناسبه ( سيور / كابلات / قطع كهربائية/ خلافه ) بتتصنع بس فين هي التوكيلات دي هنا وهل بتجيبها
كان على المنتدى زمان موضوع مشابهه لمحاوله الوصول لتوكيلات الماركات دي
فممكن من كل واحد يعرف عنوان توكيل ماركات معروفه زي بوش او دنسو او مايللي او هيلا او فاليو وغيرهم نجمع بياناتهم علشان نخليهم من اولويات بحثنا عن قطعه الغيار
رقم العضوية : 156747
تاريخ التسجيل : 01Mar2014
المشاركات : 355
النوع : ذكر
الاقامة : الجيزة
السيارة: النترا 2009
السيارة[2]: ماتريكس
الحالة :
أنا معاك ومتاااااااااااااااااااااا ااااااااااااااااااااااابع
ولا تبخسوا الناس أشياءهم ولا تعثوا في الأرض مفسدين
رقم العضوية : 103297
تاريخ التسجيل : 12Jun2011
المشاركات : 4,030
النوع : ذكر
الاقامة : Alexandria
السيارة: 2008 suzuki alto
السيارة[2]: fiat 128
الحالة :
بص ..أنا كنت لسه شاري العربيه اللي معايا ..وكنت رايح بشتريلها قطعة غيار ..المهم وأنا واقف عند التاجر واحد كان جاي بيسأله على طقم شنبر ..فالراجل دخل جوه ..اللي هو التاجر يعني عشان يجيبله طقم الشنبر ..فالمهم التاجر لما جه من جوه المشتري بيسأله .,.كل ده وأنا واقف بتابع الموقف ومستني لما التاجر يخلص مع المشتري ده عشان أقوله أنا عايز إيه وأشتريه ..المهم التاجر لما جه من جوه المحل وكان معاه طقم الشنبر ..المشتري بيقوله ..أصلي ده يا حاج ..قاله أنا هقولك أصلي عشان تشتريه ..بس ده لو أصلي كنت بعته زي التوكيل ..لكن هو مش أصلي هو حاجه كويسه وشبه الأصلي وبتمشي ومحدش إشتكى منها ..أنا بقلك ..ده التاجر بيكلم المشتري ..بيقوله أنا بقلك كده عشان ما بحبش أضحك على حد ..القصد من القصه دي ..إني فيه حاجات ببقى مضطر أو إطريت إني أشتريها من التوكيل ..زي مثلا البوجيهات ..كنت كل ما أجيب طقم بوجيهات من بتوع السوق يهببوا ويأخروا دواره ..جبت الدنسو من السوق ..وجبت البيرو من السوق ..وكانوا غاليين ..الطقم يعمل 90 جنيه تقريبا وممكن 100 جنيه كمان ..وكانوا برضه يهببوا ويعملوا مشكله ..رحت في الآخر زي الشاطر التوكيل ركبت البوجيهات بتاعة التوكيل .الله أكبر المشكله إتحلت ومهببتش ..تقولي بقى إيه الفرق بين بوجيهات السوق وبوجيهات التوكيل ..هقولك اللي بيركبوا في التوكيل إن جي كيه ..وبيبقوا في علبه كده غير كل الإن جي كيه اللي موجود في السوق ..يعني تقدر تقول إن جي كيه عامله البوجيهات دي مخصوص عشان مودرن موتورز ..حاجه تانيه ..ثرموستات الكوع ..لقيتها في السوق بخمسين جنيه ..وفي التوكيل بتمانين جنيه ..رحت ركبتها في التوكيل ..قلت برضه دي قطعه مهمة وما ينفعش او لا تحتمل إنها تيجي هاي كوبي حتى ..فأنا عن نفسي في حاجات أجيبها من السوق عادي ..زي الفانوس ..زي جوان غطا التاكيهات ..زي الموبينا ..كده يعني ...وفي حاجات إضطريت أجيبها توكيل..بالنسبه بقى إن حضرتك تشوف توكيل او موزع معتمد لكل قطعه بتشتريها من التاجر وتحاول تجيبها إنت بمعرفتك ..زي مثلا البوجيهات الإن جي كيه ..ليها موزع معتمد في السيده زينب في القاهرة ..وليها موزع معتمد تاني في المعادي ..فيه مثلا شركة بيريلي بتوع الكاوتش ..هتلاقيلهم موزعين معتمدين ..حتى ممكن من النت أو من خلال الموقع بتاعهم ..زي مثلا شركة شيل ..لما دورت على بنزينات شيل ملقتش .لإن طبعا بنزينات شيل إتباعت لتوتال ..دخلت على موقع شيل وجبت رقم خدمة العملاء إتصلت بيهم إداني رقم أقرب موزع معتمد ليا ..بس في مشكلة واجهتني بقى في الحته دي ..إن ممكن الموزع المعتمد يبقى بعيد عنك لدرجة إنك تروح التوكيل اللي جنب منك أسهل ..زي مثلا الموزع المعتمد بتاع بوجيهات إن جي كيه ..مفيش حد في إسكندرية ..مفيش على مستوى الجمهورية غير إتنين بس والإثنين في القاهرة ..حسبت مشواري على بنزيني لقيت إني أروح التوكيل أسهل ..لكن غير كده لو حد يقدر يفيدنا بموزعين معتمدين لقطع غيار عموما ..مش شرط يعني عربيات معينه .يكون كويس
--------
m_m_sh_a سابقا
المفضلات