محتاج مساعدة ضروري ,, مقبل علي شراء باسات 2008

**mahmoudhanfe** · 22-04-2015 01:05 AM

السلام عليكم
محتاج اعرف ايه اخبار قطع الغيار ,, مدي توافرها و اسعارها برة التوكيل و الاستيراد
معدل استهلاك العربية للبنزين ,, خصوصا اني نازل من لانسر شارك و كانت يا دوب بتشم البنزين تقريبا كانت بتعمل 500 كيلو في التفويلة
اخبار الفتيس ايه لان ناس كتير بتقول فيه مشاكل و بيجيب بادي فالف
وهل في مشاكل في العربية ,, لان ناس كتير بتخوفني منها و بتقولي بلاش و حتندم انك بعت الشارك
ورأيكم بشكل عام في العربية و هل ححس بفرق ,, و خاصة ان الشارك كانت مريحاني جدا و عمرها مزعلتني من يوم ما اشتريتها

**mostafassy** · 22-04-2015 11:24 AM

بص يا باشا الباسات كعربيه احسن بكتيرررررررررررر من اللانسر
اتقل و ثابته جدا على الطريق و واسعه جدا من جوه
بس اللانسر طبعا مشاكلها اقل بكتير
عموما اليابانى مشاكله اقل بكتير من الالمانى
عايز تركب باسات لازم تعمل صيانه دوريه بأنتظام و تغير الحاجات فى مواعيدها
متستناش لما الحاجه تبوظ او تبتدى تقل كفائتها حتى عشان لو وصلت للمرحله دى هتبوظ حاجات تانيه و هتدفع
التكييف معقول بس اليابانى احسن
العربيه مش بتاعت جرى خالص
الفتيس مفهوش مشاكل لو بيتغير زيت الفتيس بصفه دوريه كل 60 الف كيلو
المفروض تستخدم معاها 95 بس بتمشى ب 92 و بتسمع فى الطلع صوت تسقيفه
الباسات مش اى حد يشتغل فيها لازم يكون حد بتاع فولكس
يعنى لو عملت معاك مشكله و انت فى مشوار هتحتاس
لكن اللانسر اى حد هيظبتها
شوف انت بقا احتياجاتك ايه و قرر