الموضوع: رأيكم فى زيت Total Quartz 5000 20W50 وهل هو تخليقى بالكامل

المشاركة الأصلية كتبت بواسطة Hosam_Optrawy

شكرا للجميع على الردود وخصوصا البشمهندس احمد borio

العربيه مش بتاعتى دى بتاعت صديق

الكلام دا مش في مصر دا في قطر

الزيت هو حطه خلاص وعلى فكره غيره في التوكيل

انا مكنتش معاه لكن شوفت في الفاتوره اسم الزيت لفت نظرى عشان كدا قولت اتأكد منكم

كدا الزيت معدنى ويتغير كل 5 الاف مظبوط ولا ايه ؟

اصل في توكيلات كتير بتطلب الصيانه كل 5 الاف كدا كلهم بيحطوا معدنى ولا ايه !

العفو يا حسام باشا... أنا معملتش حاجة والله..


أنا يمكن توهت شوية في النص وافتكرتك بتتكلم على السيراتو... ولما راجعت أول بوست لقيتك بتتكلم على البيرسونا

عموما.. لسه من يومين كنت داخل على قسم البروتون وكان فيه ناس بتسأل على الزيت المناسب.. وطبعا وكالعادة قلتلهم لازم نرجع للكتالوج.

كان أحد الزملاء منزل صورة من كتالوج البيرسونا.. أهه:




وزي ما حضرتك شايف... الكتالوج جاي على اللزوجات بتاعت الزيوت التخليقية المعروفة في مصر وقايل (آخرك لحد 10-20 مئوية)..

وعايز الصراحة... لحد دلوقتي ماقدرش أجزم بإن الزيت لو تخليقي ممكن يستخدم في جميع الدرجات ولا لأ.. لإن مرجعنا الأساسي هو الكتالوج.

بس فيه مخرج وحيد في الحتة دي...

لو الموتور ده كان أصله متسوبيشي .. فالمفروض نعرف رقم الموتور ونشوفه راكب في أنهي عربيات تاني من متسوبيشي ونحاول نجيب كتالوجاتها..

بس دي شغلانة كبيرة.


...