سؤال تويوتا فى قسم النيسان

**tifa55555** · 23-04-2015 01:26 AM

السلام عليكم
انا عندى سؤال طرحته فى قسم التويوتا لان العربيه ياريس 2008 وللأسف مافيش حد عبرنى ، وربنا الهمنى انى اسأله هنا فى واحد من انشط الاقسام فى المنتدى
المهم انا كنت عاوز اغير علامة التويوتا اللى فى طارة الدريكسيون لان شكلها ممسوح ووحش اوى بس كنت خايف تكون العلامه دى مرتبطه بالوساده الهوائيه بتاعة الدريكسيون يعنى خايف اشيلها الاقيها فتحت فى وشى
تحياتى للجميع

**hotmail** · 23-04-2015 01:43 AM

انا عندي كورولا 2006 و التوكيل محترم عشان كده افضل شئ اسأل اي مهندس في التوكيل سوف يفيدك ومش عايز أفتى في شئ لا اعرفه ولا تعتمد على الاصدقاء في المنتدى والله اعلم

**اياد علاء** · 23-04-2015 02:16 PM

رديت عليك فى قسم التويوتا

نفس الرد دة

روح التوكيل

**mem** · 24-04-2015 03:55 PM

حضرتك منظومه الايرباج ده منظومه متكامله من حساسات وكنترول والوساده الهوائيه لو لقدر الله حدث تصادم ووصل لمكان الحساس بيدي اشاره للكنترول وبيقوم بدوره لجعل الوساده تطلع من الطاره ولا علاقه لها نهائيا بالعلامه ما هي الا شكل وليس اكثر من ذلك والايرباج بيفتح من فوق العلامه فحضرتك اخلعها عادي وركب واحده تانيه في مكانها بالظبط تاني ولا تقلق ليس لها علاقه نهائي بالايرباج وشرفتنا بقسم نيسان استاذنا الكريم

**tifa55555** · 24-04-2015 04:50 PM

المشاركة الأصلية كتبت بواسطة mem

حضرتك منظومه الايرباج ده منظومه متكامله من حساسات وكنترول والوساده الهوائيه لو لقدر الله حدث تصادم ووصل لمكان الحساس بيدي اشاره للكنترول وبيقوم بدوره لجعل الوساده تطلع من الطاره ولا علاقه لها نهائيا بالعلامه ما هي الا شكل وليس اكثر من ذلك والايرباج بيفتح من فوق العلامه فحضرتك اخلعها عادي وركب واحده تانيه في مكانها بالظبط تاني ولا تقلق ليس لها علاقه نهائي بالايرباج وشرفتنا بقسم نيسان استاذنا الكريم

الف شكر لحضرتك وللجميع