دايو جوليت ضرورى جدا

**love_medo212** · 23-04-2015 11:45 PM

ياجماعه عايز اشترى دايو جوليت تنصحونى بايه وايه اللى اخد بالى منه وهل دا اختيار موفق لشراء سياره فى حدود 40 الى 45 الف وياريت محدش يبخل عليا بالنصيحه معا العلم انى العربيه دى جبانى جدا خصوصا انى بحس انها شبابى

**Abo_Mazen** · 23-04-2015 11:55 PM

بص ..أنا مش هقولك على الهري بتاع إكشف عليها كويس شاسيه ومكنه وشوية حاجات كده ممكن أي حد يقولها ..بس هقولك إني قريت مشاركه هنا لواحد ..إشترى جولييت ..ولما راح يفحص وينقل ملكيه طلعت مغيره نص..وطبعا كانت مصيبه بالنسبه ليه ..أنا مش بخوفك ..لكن بقولك العربيات اللي منتشره دي تخلي بالك من الحته دي فيها ..قدامك كذا حل عشان ما تقعش في الحته دي ..أول حاجه تكون شاري من حد ثقه ..وثقه قوي قوي قوي ..ولو في حاجه عجبتك وعايز تخلص فيها و إنت ما تعرفش صاحبها ..يعني مثلا شروة من الإنترنت او من مكتب ..يبقى تطلع على المرور وتخلي الفني بتاع البصمة يبصلك عليها ويطابق لك رقم الشاسيه ورقم الماتور باللي موجود في الرخصه وتقوم ظارفه عشرين جنيه ...خلي بالك من الحته دي كويس قوي ..طبعا إفحص ميكانيكا وشاسيه في أي مركز خدمه وإرفع في بنزينه وعيش حياتك ..بس خلي بالك من حكاية اللعب في الشاسيه وورق العربية

**love_medo212** · 24-04-2015 02:46 AM

شكر على اهتمامك

**mhopa2440** · 24-04-2015 03:03 AM

على فكرة ممكن تفكر ف اختيارات تانية زي الكيا سيفيا اظنها افضل من الدايو لانوس واوبشن اعلى وثبات وموتور واوتو منها جميل جدا جدا بالاضافة لوسع الصالون نسبيا عن اللانوس

وربنا يوفقك ف اي اختيار بس الكشف على العربية زي الاستاذ ما اتفضل وقالك اكشف تمام قوي على العربية