الموضوع: خاص ب الجمارك على السيارات

هي في كل الأحوال الحسبه مش بسيطه ودايما في الواقع بتفرق عن الأرقام اللى بتتحسب عالورق

بس مبدأيا هي ليها حاجات ثابته

الكلام طبعا عالمواتير ال 1600 سى سى او اقل

أولا تحسب تمن العربيه المكتوب في الفاتوره بالمصرى ( مثلا عربيه تمنها 50 الف ريال يبقى بالمصرى 100 الف جنيه )

تضيف ليهم تكاليف الشحن ( النولون + التأمين + التفريغ ) واللى هايطلع هو دا المبلغ اللى هاتدفع عليه الجمرك ، يعنى كمثال برضه لو افترضنا تكاليف الشحن 10 الاف جنيه يبقى الإجمالى 110 الف جنيه دول اللى تحسب عليهم الجمرك

الجمرك 40 % ضريبة وارد + 15 ضريبة مبيعات + 3 % رسم تنميه

وهنا طريقة الحساب اول حاجه بتعمل لخبطه لان ليها طريقتين

اول طريقه

110 الف * 40 % = 44 الف

110 الف * 15 % = 16.5 الف

110 الف * 3 % = 3.3 الف

يبقى إجمالي الجمرك 63.8 الف جنيه

وفى الطريقه التانيه واعتقد هي اللى بتستخدم انهم بيحسبوا الجمارك بشكل تراكمى

بمعنى

110 * 40 % = 44 الف

تجمع ال 44 الف على التمن الاصلى للسياره وتضربهم في ضريبة المبيعات

يبقى 154 الف * 15 % = 23.1 الف

تجمعهم برضه مع اللى فات وتضربهم في رسم التنميه

يعنى 177.1 * 3 % = 5.3 الف

يبقى إجمالي الجمرك 72.4 الف جنيه

دا بالإضافه لو عربيتك مجهزه بأوبشنز عالى ليها حساب تانى لوحده معرفش طريقته

المشاركة الأصلية كتبت بواسطة amir gaber

تسلم ي باشا على مجهودك و تعبك
طيب لو عربية bmw الفئة السابعة محركها 4000 سي سي سعرها فى الإمارات ب المصرى 100 الف ف كنت عايز أعرف يبقى التوتل بتاعها كام لحد م تبقى على أرض مصر تكلفنى كام
و تسلم ي باشا و مشكور جدا :)

مبدأيا عشان تنزل عربيه من بره مصر لازم تكون شارى العربيه زيرو وانت المالك الأول ليها

الفئه السابعه دى موديل كام وسعرها كام وقت الشراء وانت المالك الأول ولا لأ

لو افترضنا انها اقدم موديل 2006 مثلا فدى سعرها بالمصرى معدى النص مليون جنيه

ولو انت جايبها من الزيرو وعايز تنزلها النهارده هايعملك خصم استعمال 50 % من سعرها عشان عدى عليها 9 سنين

فانت هاتدفع جمارك على مبلغ ربع مليون الى 300 الف جنيه تقريبا او اكتر بالشحن وغيره

جمارك المواتير فوق ال 2000 سى سى

135 % ضريبة وارد + 45 % ضريبة مبيعات + 8.5 % رسم تنميه

إحسبها انت بقى :)

من الاخر انسى الموضوع دا لان لو كان سهل او اوفر من هنا مكنش حد غلب