العربيه بتاكل بنزين دايو اسبيرو 96 منيوال

**ghostlion** · 24-04-2015 02:33 PM

السلام عليكم ورحمة الله وبركاته
سؤالى يا جماعة الدايو بخصوص ان العربيه بتاكل بنزين بشكل كبير لدرجة انى بعد ما فولت التنك وحسبت على عداد الكيلو متر بتاع Trip السياره بتاكل فى 200 كيلو روحت وفولت تانى التنك اخد 35 لتر مع العلم انى مكنتش بقرص قوى فى الجرى
وللعلم مفيش دخنه بتطلع من الشكمان خالص كذلك فى الملفات لو اخدت ملف جامد وهديت السرعه من غير ما اقلل الغيار بعدين ادوس بنزين دوسة البنزين كان العربيه مبطله وفى اوقات فعلا تبطل بعدين ادور وهى ماشيه تدور عادى وترجع تسحب وكان مفيش اى مشكله
ارجو الرد والافاده
واسف ياجماعة على الاطاله

**ghostlion** · 27-04-2015 07:05 PM

ارجوا الافاده يارجالة الدايو

**ghostlion** · 28-04-2015 04:36 PM

متابع يا رجاله ارجو الرد البنزين فى زياده وخايف اروح للميكانيكى وتفتح معايا

**hon** · 28-04-2015 05:50 PM

فى بعض النقط

1-حساس الشكمان حط العربية على سكانر
2- تنك البنزين ممكن يكون بيسرب راجع التنك ووصلاته
3- رشاشات بتسيل ومش مضبوطة ويجب الكشف عليها
4- طبعا فى الاخر فلتر بنزين وطقم بوجيهات وياريت تحط فى التنك منظف دورة وقود
تحياتى

**ghostlion** · 29-04-2015 02:18 PM

اولا الف شكر على الاهتمام
ثانيا مش حساس الشكمان لو فيه مشكله مش المفروض لمبة التشيك تنور ولا مش ضرورى
ثالثا بالنسبة لوصلات البنزين والتنك انا كنت بشيك عليها ومفيش فيها حاجه حتى لما العربيه بتكون ركنه ببص تحتيها يكون فى اى تسريب
رابعا الفلتر بتاع البنزين والبوجيهات مغيرتهمش بصراحه وبقالهم 12000 كم فممكن تكون المشكله منهم
وده طبعا من ساعة صيانة سير الكاتينه والفلاتر

**Abo_Mazen** · 29-04-2015 04:04 PM

المشاركة الأصلية كتبت بواسطة ghostlion

اولا الف شكر على الاهتمام
ثانيا مش حساس الشكمان لو فيه مشكله مش المفروض لمبة التشيك تنور ولا مش ضرورى
ثالثا بالنسبة لوصلات البنزين والتنك انا كنت بشيك عليها ومفيش فيها حاجه حتى لما العربيه بتكون ركنه ببص تحتيها يكون فى اى تسريب
رابعا الفلتر بتاع البنزين والبوجيهات مغيرتهمش بصراحه وبقالهم 12000 كم فممكن تكون المشكله منهم
وده طبعا من ساعة صيانة سير الكاتينه والفلاتر

يعني إستهلاك البنزين العالي جه بعد تغيير الكاتينه ؟؟؟...ما هو لو كده يبقى التقسيمه فيها حاجه

**ghostlion** · 30-04-2015 02:14 PM

الف شكر ياباشا على الاهتمام
هو قصة زيادة البنزين دى جت بعد ما فولة التنك حوالى ثلاث مرات بنزين 80 مع العلم انى بفولها علطول 92 وبعد كدة بقت تاكل بنزين حتى لما رجعت حطيت بنزين 92 مع ضعف فى السحب
العربيه لما اجى ادوس بنزين بحس انى بدوس بنزين على الفاضى بعد كده العربيه تفتكر انى كنت دايس بنزين فتقوم ترجع تسحب تانى
واسف على الاطاله
وربنا يخلى رجالة نايل موتورز اللى دايما بيفيدونا

**Abo_Mazen** · 30-04-2015 05:39 PM

المشاركة الأصلية كتبت بواسطة ghostlion

الف شكر ياباشا على الاهتمام
هو قصة زيادة البنزين دى جت بعد ما فولة التنك حوالى ثلاث مرات بنزين 80 مع العلم انى بفولها علطول 92 وبعد كدة بقت تاكل بنزين حتى لما رجعت حطيت بنزين 92 مع ضعف فى السحب
العربيه لما اجى ادوس بنزين بحس انى بدوس بنزين على الفاضى بعد كده العربيه تفتكر انى كنت دايس بنزين فتقوم ترجع تسحب تانى
واسف على الاطاله
وربنا يخلى رجالة نايل موتورز اللى دايما بيفيدونا

يادي بنزين تمانين والمصايب اللي بتيجي من بنزين تمانين ..يا جماعة بنزين تمانين ده مش بنزين أصلا .ده نوع من أنواع الوقود قابل للأشتعال وبس ..أنا آسف ..ومش قصدي أئطمك ..بس كان في مشاركة لواحد من يومين بالضبط معاه دايو لانوس وحطلها بنزين تمانين وبيسأل برضه ..هي العربيه بقت تاكل بنزين ليه ..وواحد تاني كان ماشي على الدائري والعربيه قطعت منه بنزين ولقي تاكسي إداله شوية بنزين كانوا تمانين برضه ..وبعد كده بيشتكي إن العربيه بتاكل بنزين برضه مع ضعف في السحب ..عموما ..وده رأيي الشخصي ..بالترتيب كده ..تحط منظف رشاشات ..وتغير فلتر بعد المنظف ..ولو تعرف تفك التنك تغسله ماشي ..لو الموضوع فيه غلبه بالنسبه ليك يبقى خلاص ..بلاش تفكه ..بس حط منظف وغير فلتر وربنا يستر على الرشاشات بقى وما يكونش فيهم حاجه كاتمه أو مقصره في شغلها