الى اهل الخبرة . 3 أسئلة محتاجين لأجابة

**haithamhasan38** · 24-04-2015 07:01 PM

السلام عليكم و رحمة الله .
انا معايا كليو 2004 اتوماتيك 1400
غيرت عفشة كاملة المهم اسبوع و رؤوس الكبالن تقطقط . فى ناس بتقولى صلحهم عند واحد مشهور فى اسكندرية اسمة بانيو ، ناس تانية بتقولى لا بلاش و اشترى استيراد لو حد يفيدنى ووياريت يقولى سعر الجديد و الاستعمال .

تانى سؤال بالنسبة لفلتر البنزين انا مغيرتوش من حوالى سنة ونص و مشيت فى السنة ونص تقريبا 35 الف ، اية سلبياتة فى عدم التغير و الايجابيات فى تغيره

تالت سؤال و معلش طولت عليكم . بالنسبة للبوجيهات هل لها تأثير فى دوارة العربية او ارتفاع صوتها والمفروض تتغير كل قد اية .

وشكرا اخى المواطن .

**Abo_Mazen** · 24-04-2015 08:34 PM

بالنسبه لتصليح الكبالن ..فأحب أطمنك إن الموضوع ده فاشل ..والمستفيد الوحيد من الموضوع ده الصنايعي اللي إشتغل في العربيه عشان القرشين اللي لهفهم ..وفي النهاية هتغير برضه الكبالن ..إستيراد بقى أو جديد ..مش هتفرق ..المهم إن تصليح الكبالن فشل ...بالنسبه لعدم تغيير فلتر البنزين فهو المفروض يتغير كل أربعين ألف ..طبعا الكلام ده الوكيل هو اللي بيقوله ..وواضح إن الوكيل بيهبد رقم كبير عشان على يدوب تغير عنده فلتر مرتين وتخلع من الضمان ..لكن طبعا لو تقدر تغير فلتر كل عشر تلاف إبقى غيره ..لإن عدم تغيير الفلتر بيهين الرشاشات والرشاشات لما تتهان هتهين العربيه ..بالنسبه بقى للبوجيهات ..ليها طبعا تأثير في أكلان العربيه للبنزين وليها طبعا تأثير في رعشه على السلانسيه ..وليها طبعا تأثير في سحب العربيه ..ياريت أكون قدرت أفيدك

**haithamhasan38** · 25-04-2015 01:17 AM

الله ينور عليك ، انتا جبت المفيد يا باشا . طب بالنسبة لفلتر الهوا و البلى بتاع السيير

**haithamhasan38** · 25-04-2015 12:23 PM

والف شكر اخى المواطن

**medohai510** · 26-04-2015 01:16 PM

المشاركة الأصلية كتبت بواسطة m_m_sh_a

بالنسبه لتصليح الكبالن ..فأحب أطمنك إن الموضوع ده فاشل ..والمستفيد الوحيد من الموضوع ده الصنايعي اللي إشتغل في العربيه عشان القرشين اللي لهفهم ..وفي النهاية هتغير برضه الكبالن ..إستيراد بقى أو جديد ..مش هتفرق ..المهم إن تصليح الكبالن فشل ...بالنسبه لعدم تغيير فلتر البنزين فهو المفروض يتغير كل أربعين ألف ..طبعا الكلام ده الوكيل هو اللي بيقوله ..وواضح إن الوكيل بيهبد رقم كبير عشان على يدوب تغير عنده فلتر مرتين وتخلع من الضمان ..لكن طبعا لو تقدر تغير فلتر كل عشر تلاف إبقى غيره ..لإن عدم تغيير الفلتر بيهين الرشاشات والرشاشات لما تتهان هتهين العربيه ..بالنسبه بقى للبوجيهات ..ليها طبعا تأثير في أكلان العربيه للبنزين وليها طبعا تأثير في رعشه على السلانسيه ..وليها طبعا تأثير في سحب العربيه ..ياريت أكون قدرت أفيدك

100% كلام مظبوط لكن أضافة الي ذلك الفلاتر عموماً تختلف سرعة تغييرها علي حسب نمط الاستهلاك
بخصوص فلتر الهواء فلو بتمشي في أماكن تراب وكدة يتغير بسرعة ولو بتمون من بنزينات مش كويسة والتنكات بتاعتها فيها تراب ومياة وكدة يتغير بسرعة
أما بلي السير فلازم يتغير فوراً لو سمعت صوته علشان لا يؤثر علي السير والبلية تفرط وتوقع السير من مكانه