الموضوع: ما افضل سياره تحت 120 الف ؟!

جين 2 119 الف
سياز 129 الف
شارك 135 الف الافضل

بيقولوا السوزوكي سياز عربيه حلوه
قريت كتير عنها بيشكروا فيها كتير ، وكمالياتها كويسه ،
أدخل حضرتك علي قسم السوزوكي فيه هناك أخوه أشتروها وعاملين تقارير عنها ،
بالتوفيق بأذن الله

المشاركة الأصلية كتبت بواسطة drcobra

جين 2 119 الف
سياز 129 الف
شارك 135 الف الافضل

بصراحه الميزانيه لا تسمح بالشارك خالص
السياز من الوكيل ب 125 ، بس بصراحه برضه بره الميزانيه بالاضافه انى خايف من كونها بمحرك 1400

المشاركة الأصلية كتبت بواسطة Hosam_Optrawy

الجين 2 - البيرسونا

عربيه رياضيه ، ثبات ممتاز ، طاره تقيله ، سحب جيد لكن موتور خشن شويه وصوته عالى ، فرامل متوسطه ، خامات وتقفيل متوسط او اقل من متوسط

يعنى عايزه شاب سواقته رياضيه ، لانها مش عربيه ناعمه وهاديه زى معظم الكوري واليابانى

اللوجان والستيب الجديده ماجربتهمش لكن لو هاختار بينهم هاختار الستيب لان شكلها احلى وبرستيج شويه عنها غير انها عاليه عن الأرض 20.7 سم ودى ميزه مهمه جدا جوه البلد بس مش عايزه حد بيجرى لان في السفر الارتفاع مش هايبقى حلو في الثبات

بالتوفيق

عموما انا اصلا اللوجان شايفها مكعبره ومش نازلالى من زور
بس بصراحه مش عارف مين انسب لي الستيب واى ولا الجين
انا لما باوصل 150 كم بحس انى وحش :))) ، يعنى انا مش بتاع جرى
بس هسافر كتير ، وكمان خايف من تقفيل البروتون وان كان شكلها الخارجى احسن
بصراحه محتار جدا ، والبريليانس كروس شكلها احسن من الاتنين ، بس اقلهم فى الكماليات بالاضافه انها صيني :)))
يعنى لو هختار بين البروتون والستيب واى ، حضرتك تختارلى مين ؟

المشاركة الأصلية كتبت بواسطة Ayman_saad

بيقولوا السوزوكي سياز عربيه حلوه
قريت كتير عنها بيشكروا فيها كتير ، وكمالياتها كويسه ،
أدخل حضرتك علي قسم السوزوكي فيه هناك أخوه أشتروها وعاملين تقارير عنها ،
بالتوفيق بأذن الله

دخلت قسم السوزوكى وشفت الفيديو بتاعها
فعلا كمالياتها كتير وشكلها حلو
المشكله بس فى السعر والموتور :)))

اعتقد هتندم لو اخدت السياز
علشان تقفيل هندى وانا ليا تجربه مع الهندى
الانسب ليك ممكن كسر زيرو لانسر بومه 2013 او 2014
تكون بحالتها فى رينج 125 الف
واعتقد ممكن الاعضاء يقولولك عن مميزاتها
تعتبر احسن حاجة فى السوق حتى احسن من الزيرو الموجود وللمعلومه الشارك مكنش هيكون ليها سوق طول ما البومه بتتباع
علشان كده وقفوها
بس لو جبتها فى عمود الميزان الخلفى بتشتريه وتركبه علشان يزود ثبات العربيه
انا كنت فى نفس الحيرة و معايا نيسان اوتو 2004 يابانى
علشان عايز جديد ملقتش حاجة غير بومه 2013 كسر زيرو عملتلها انذار و فوج لايت ومكن رفع و هاركب عمود الميزان وبكده تنافس اتخن عربيه زيرو فى نفس السعر 120 الف

لحد رينج ال 130 الف الجين 2 احسن اختيار , ثابتة وتقفيلها اتحسن كتير فعلا , انا كنت زيك من شهرين وكنت حاطط نفس الميزانية وجبت الجين 2 موديل 2015 , العربية ثباتها والتحكم فيها ممتازين , ماعرفش حاجة عن السياز , شكلها كويس بس رأيى تستنى شوية , الستيب واى عربية حلوة وكلن علوها هايأثر على مستوى الثبات فى السرعات بعد ال 120

المشاركة الأصلية كتبت بواسطة nabil saleh

اعتقد هتندم لو اخدت السياز
علشان تقفيل هندى وانا ليا تجربه مع الهندى
الانسب ليك ممكن كسر زيرو لانسر بومه 2013 او 2014
تكون بحالتها فى رينج 125 الف
واعتقد ممكن الاعضاء يقولولك عن مميزاتها
تعتبر احسن حاجة فى السوق حتى احسن من الزيرو الموجود وللمعلومه الشارك مكنش هيكون ليها سوق طول ما البومه بتتباع
علشان كده وقفوها
بس لو جبتها فى عمود الميزان الخلفى بتشتريه وتركبه علشان يزود ثبات العربيه
انا كنت فى نفس الحيرة و معايا نيسان اوتو 2004 يابانى
علشان عايز جديد ملقتش حاجة غير بومه 2013 كسر زيرو عملتلها انذار و فوج لايت ومكن رفع و هاركب عمود الميزان وبكده تنافس اتخن عربيه زيرو فى نفس السعر 120 الف

بصراحة انا اصلا كان نفسي اجيب حاجه مستعمله فى حدود 70 الف واوفر مبلغ محترم
المشكله انى مبفهمش فى العربيات ومعرفش حد بيفهم
وناس كتير تقوللى المستعمل ده عاوز واحد غنى لانه هيصرف عليها
مش عارف الناس اللى بيزهقوا من شكل العربيه ويغيروها كل شويه فين :))))
كسر الزيرو نفس المشكله ..
عاوز حد بيفهم علشان متكونش مخبوطه او عامله حادثه
وعلشان كده زنقت نفسى وقلت زيرو وخلاص

المشاركة الأصلية كتبت بواسطة hanyyacot

لحد رينج ال 130 الف الجين 2 احسن اختيار , ثابتة وتقفيلها اتحسن كتير فعلا , انا كنت زيك من شهرين وكنت حاطط نفس الميزانية وجبت الجين 2 موديل 2015 , العربية ثباتها والتحكم فيها ممتازين , ماعرفش حاجة عن السياز , شكلها كويس بس رأيى تستنى شوية , الستيب واى عربية حلوة وكلن علوها هايأثر على مستوى الثبات فى السرعات بعد ال 120

طيب حضرتك ممكن تحكيلي الجين 2 عامله معاك ايه ؟
قابلتك عيوب التقفيل ولا لأ ؟
وصوت المحرك وحش فعلا ومتعب فى السفر ؟

المشاركة الأصلية كتبت بواسطة Hosam_Optrawy

حسب متطلباتك وظروفك وذوقك طبعا

150 كتير عالستيب واى ، الجين هاتبقى اثبت في السفر ، بس الستيب ممكن تبقى اريح

عيوب تقفيل البروتون بصراحه يتخاف منها لأنها حظوظ ، الستيب وارد برضه يظهر فيها عيوب زيها زى اى عربيه بس مش بنفس نسبة الجين

إتفرج عالعربيتين وشوف هاترتاح لمين أكتر

انا فعلا روحت النهارده شفت الاتنين :
البروتون جين او بيرسونا :
تقفيلها شكله مش وحش اوى (مش عارف ليه الاشاعات دى) بس يمكن يكون بيبوظ بعد كده
كاسيت سي دي عادى (تحس انها عربيه موديل 2005 مش 2015) وتكييف عادى برضه
زراير ملتى ميديا فى الدركسيون ، بس بصراحه عندى احساس انها مش هتستحمل (ياريت اللى جربها يحكي)
صالون واسع وشنطه واسعه جدا (بتكلم عن البيرسونا)
صالون وعدادات الجين اشيك من البيرسونا ، بس البيرسونا فيها مثبت سرعه ومرايات اكبر وفيها فلاشر فى المرايه مش الرفرف زى الجين
بصراحة بقيت محتار بين شكل الجين وامكانيات البيرسونا :) (وانا اصلا مش ناقص حيره )

الستيب واى :
جميله فعلا من جوه وبره (اجمل بكتير من اللوجان) الديزاين لايق على النمط الكروس افر
الصالون افخم من البروتون كشكل ، بس بيتهيألى الجوده مش حلوه (خصوصا انى شفت كوتش الباب فى العربيه المعروضه مش ملزوق كويس) من اولها يعنى :))
شاشه تاتش بس التكيف العادى
جنوط حديد ، بس معموله بحيث متبانش خالص انها حديد ، تحس انها سبور وجميله فعلا
مفيش زرار يفتح الشنطه او البنزين ...
بس بالرغم من كده تحس انها عربيه جديده ..
والضربه القاضيه .....
سألت المندوب عن الحجز ..
قاللى تدفع 5000 تحجز دلوقتى والاستلام شهر 11
...
دلوقتى بأه هبقى محتار جين 2 ولا بيرسونا