ضد نيسان الشركة النصابة قلبآ وقالبآ

**islamsisqo** · 26-04-2015 04:23 AM

باختصار شديد انا معايا نيو صني 2014 عاملة 6730 كيلو حسيت ببعض مشاكل الفرامل واشتكيت منها في توكيل احمد مرعي الاسكندرية يوم صيانة ال 5000 كيلو ومعايا امر الشغل بتاع الشكوي المتعلقة بالفرامل الحمد لله علي كل حال انا عملت حادثة جامدة بسبب الفرامل اللي توكيل اكمد مرعي قاللي انها تمام وزي الفل وانهم ظبطوها
الحادثة دي دمرت الجزء الامامي بالكامل مع اني كنت ماشي من 60 ك ل 80 ك تقريبا وكان في مسافة كبيرة بيني وبين الميكروباص اللي خبطته دلوقتي العربية شبه الفرامل هربت منها او المدة اللي اخدتها عشان تجمع فرامل كانت طويلة مش عارف ومشكلتي ان خبرتي في الميكانيكا ضعيفة
المشكلة ان انا عايز ارفع قضية علي الشركة والتوكيل
المفروض اعمل ايه علما بأني معايا امر الشغل اللي مكتوب فيه شكوتي من الفرامل
ياريت حد يفيدني لاني حاسس بقهرة جامدة جدا وخايف اركب العربية دي تاني

**adel_edrees** · 26-04-2015 08:26 AM

حماية المستهلك

**shifoo68** · 26-04-2015 11:53 AM

حماية المستهلك فى فساد جامد من اولة اخرة وحيعطلك كتير لمصلحة نيسان وعلشان توافق على طلباتهم هما ,,,, يا ترفع قضية مباشرة على شركة نيسان مصر مع محامى صايععععع,,,,, يا تبيع العربية وعوضك على اللة ,,,, لكن حماية المستهلك دة اونطة كبيرة ومنظر وبعدين يا باشا كل البضائع اللى فى مصر بايظة هو حيعمل اية ولا اية

**Omar Sarray** · 26-04-2015 02:18 PM

بلاش حمايه مستهلك محدش حيفيدك بحاجه ولازم واسطه وحوارات كبيره روح لأى محامى خبره وجاد يرفعلك قضيه عليهم أو حاول تبيع العربيه احسن

**Abo_Mazen** · 26-04-2015 02:22 PM

يا ه ه ه..ده واضح إن فيه إجماع على فساد جهاز حماية المستهلك ..يبقى أنا مش متحامل بقى ولا حاجه على حماية المستهلك

**Omar Sarray** · 26-04-2015 04:16 PM

مهو لو فى حمايه مستهلك تشتغل بما يرضى الله والوزارات تشتغل بما يرضى الله للبلد مكانش لقينا مشاكل ولا لقينا حتى قضايا البلد واقفه على حيلها ولا حتى لقينا مطبات فى الشوارع الى بقت موده بلاسبب

**islamsisqo** · 27-04-2015 01:50 AM

طيب يا شباب مش في سكة لنيسان اليابان او جهة اعلي او حتي حد يأكدلي موضوع اني ارفع قضية ياريت حد يفيدنا يكون جرب الموضوع ده

**islamsisqo** · 27-04-2015 01:52 AM

انا كنت سمعت عن استاذ محمد مؤمن اللي عمل مشاكل مع نيسان وصعد الموضوع جدا لدرجة انه عمل مداخلات هاتفية في الاعلام وعمل صفحة وكدة ياريت لو حد جاي معاه الفكرة يشترك معايا ونتواصل يمكن نوصل لحل

**Omar Sarray** · 27-04-2015 01:56 AM

منا قلتلك الحل البسيط روح محامى عندو خبره يرفعلك القضيه عليهم ويتابعلك الموضوع

-

الموضوع: ضد نيسان الشركة النصابة قلبآ وقالبآ

LinkBack

أدوات الموضوع

عرض

-

-

المواضيع المتشابهه

تحذير من شركات التوظيف النصابة

احذر مواقع الربح من الانترنت النصابة

نيسان" لصناعة السيارات خطة الشركة للتوسع فى مصر

نيسان" لصناعة السيارات خطة الشركة للتوسع فى مصر (منقول)

نيسان تـيم تقدم ..فيديو إعلان نيسان جوك من تصـميمنا إهداء لنايل موتورز و نيسان إيجيبت

الكلمات الدلالية لهذا الموضوع

المفضلات

المفضلات

ضوابط المشاركة