مروحة الرديتر بتعلق بيجو 406

**shadygalal669** · 26-04-2015 10:30 PM

السلام عليكم
معايا بيجو 406 موديل 99
المشكله في مروحة الرديتر السرعه التانيه فيها بتعلق
اوقات بتشتغل من اول ما ادور العربيه و العربيه بتبقي بارده يعني 70 مثلا و متخليهاش تسخن
و اوقات مش بتشتغل اصلا و العربيه تبقي حرارتها 95 مثلا مع التكيف وساعات بتوصل ل100
ياريت لو حد عنده تجربه سابقة يفيدني
ولو اقدر اعرف تكلفة التصليح في حدود كام مثلا
شكرا

**Mecha** · 27-04-2015 12:59 AM

ممكن سويتش المروحه بيخرف ,غيره

**Abo_Mazen** · 27-04-2015 09:30 AM

هي المروحه في حد ذاتها مش بتتصلح ..الموتور بيتغير علطلول ..متهيألي كده تروح لكهربائي ..هيوصلها دايركت على بطارية ..يشوف شغاله بسرعتها القصوى ولا لأ ..لو لاقاها شغالة وكله تمام ..هيبدأ بقى يبص على الكتاوت بتاعها لو ليها كتاوت ..ويبص على الريلاي بتاعها ..يعني هيبدأ بقى يمشي واحده واحده كده لغاية ما يعرف إيه اللي بيخليها تهجص كده في تشغيلها ..بس الله يرضى عليك يكون كهربائي بيفهم

**pepo2011** · 27-04-2015 09:48 AM

لاااااازم كهربائي بيجو الله يباركلك عشان دي ليها خريطة وكتاوتات وفيوزات وسويتش وموااااال
ولو احتجت حاجة كلمني نصيحة البيجو بالذات مش اي كهربائي ولا اي ميكانيكي يشتغل فيها

**mohamedadelemam** · 27-04-2015 10:59 AM

السلام عليكم .. حضتك هتلاقى فى صدر العربيه عدد 3 كتاوت للمروحه 2 سرعه واطيه وواحد سرعه عالبه حضرتك اغسلهم بالبنزين كويس وجرب .. حضرتك هى مروحه واحده بس اللى بتعمل الحركه دى ولا الاتنين ؟

**shadygalal669** · 03-05-2015 02:37 AM

المشاركة الأصلية كتبت بواسطة mecha

ممكن سويتش المروحه بيخرف ,غيره

هدور عليه شكرا

المشاركة الأصلية كتبت بواسطة m_m_sh_a

هي المروحه في حد ذاتها مش بتتصلح ..الموتور بيتغير علطلول ..متهيألي كده تروح لكهربائي ..هيوصلها دايركت على بطارية ..يشوف شغاله بسرعتها القصوى ولا لأ ..لو لاقاها شغالة وكله تمام ..هيبدأ بقى يبص على الكتاوت بتاعها لو ليها كتاوت ..ويبص على الريلاي بتاعها ..يعني هيبدأ بقى يمشي واحده واحده كده لغاية ما يعرف إيه اللي بيخليها تهجص كده في تشغيلها ..بس الله يرضى عليك يكون كهربائي بيفهم

الميكانيكي شال فيشه كدا من الموتور المروحه اشتغلت علي السرعه العاليه علي طول و حطها تاني بطلت و اشتغلت بطئ

المشاركة الأصلية كتبت بواسطة pepo2011

لاااااازم كهربائي بيجو الله يباركلك عشان دي ليها خريطة وكتاوتات وفيوزات وسويتش وموااااال
ولو احتجت حاجة كلمني نصيحة البيجو بالذات مش اي كهربائي ولا اي ميكانيكي يشتغل فيها

ده اللي اكتشفته لما روحت المفروض غسل كل الفيش و نضفها بس برضو العربيه مش بتشغل السرعه العاليه للاسف

المشاركة الأصلية كتبت بواسطة mohamedadelemam

السلام عليكم .. حضتك هتلاقى فى صدر العربيه عدد 3 كتاوت للمروحه 2 سرعه واطيه وواحد سرعه عالبه حضرتك اغسلهم بالبنزين كويس وجرب .. حضرتك هى مروحه واحده بس اللى بتعمل الحركه دى ولا الاتنين ؟

فين مكانهم في صدر العربيه انا دورت ملقتش حاجه

**Mecha** · 03-05-2015 07:22 AM

حلو ,قربت كدا ,كدا الحساس اللي شال فيشته ممكن بايظ ومقاومته عاليه بتهبط سرعة المروحه والكمبيوتر بينقل ع fail safe يجريها بس هتاكل البطاريه ,فدا واحد ,ريليهات المروحة ع المروحه نفسيها المفروض اتنين اسبشيال بمقاوماتهم ممكن جدا العيب فيهم .فيوز المروحه في بوكس الصالون