كلم حماية المستهلك فورا واحكيلهم الموضوع وهيرجعلك حقك علطول
رقم العضوية : 94693
تاريخ التسجيل : 14Apr2011
المشاركات : 1,834
النوع : ذكر
الاقامة : Alexandria
السيارة: لا يوجد
السيارة[2]: Brilliance V5
دراجة بخارية: لا يوجد
الحالة :
الموضوع انى عندى يو اس بى مودم إتصالات من سنه ومشترك فى باقة منجز 25 جنيه فى الشهر وكالعادة كل شهر بشحن الباقة ب 25 جنيه عن طريق برنامج إتصالات على اللاب توب عندى فيه زر شحن الرصيد بكتب ال 14 رقم بتوع الكارت وبيتشحن ومن يومين شحنت كالمعتاد وفعلا اتبعتلى رسالة تفيد بانه تم شحن خطك بقيمة 25 جنيه
جيت بقى اشتغل على النت مش عايز يفتح ويحولنى لموقع اتصالات ومكتوب عليه عذرا رصيدك غير كافى....... ازاى وانا لسه من ثانية واحده شاحن
جربت ابعت رسالة ل 555 اشوف رصيدى يقولى عذرا هذه الخدمة غير متوفرة لنظامك............ طيب اتصلت على طول بخدمة العملاء اول مره رد عليا واحد وقولتله المشكلة بالتفصيل فضل لاطعنى لغاية لما ربنا اكرمه وبيقولى هبعتلك يا فندم رسالة تعرفك ازاى تشغل اليو اس بى مودم وكيفية اعدادها هو انا بس عايز اعرف هظبط فيها ايه ما انا بقالى سنه شغال بيها هى اول مره يعنى اخدته على قد عقله وقفلت ومستنى الرسالة واستنيت يومين ومفيش حاجة اتبعتتلى ..........
اتصلت بيهم تانى يقولى خدمة العملاء مشغوله الان برجاء الانتظار وعمال اسمع لاعلاناتهم لغاية ما حد يفضى مفيش واتقفلت المكالمه يعنى نص جنيه راحوا من غير ما استفيد بحاجة ماشى
اتصلت تالت وده اللى كان مستفز بجد حكيتله للمره المليون القصة بالتفصيل وفضل لاطعنى مده برده وفى الأخر يقولى طب ابعتلى الرقم المسلسل بتاع كارت الشحن ماشى بعت
والرد يقولى هو باين على السيستم عندنا انك شحنت الكارت ده على رقم تانى ازاى يا عم مش هقولك انى حطيت الخط الداتا فى موبايلى وشحنت انا بشحن من اللاب عن طريق البرنامج بتاع اتصالات بتاعكم يقولى لا يفندم ده اللى مكتوب عندنا عمال احاول واقنعه ازاى وهو راسه جزمة ومفيش فايده
طب والحل ........... يقولى اتصل بالرقم اللى بعتله وحاول تتفاهم معاه ويبعتلك الرصيد قيمة 25 .......... لو كان ينفع اشتم والمصحف لكنت هشتم يعنى هتصل بنفسى مثلا ما الرقم اللى شحنته هو رقمى هتصل بمين مش فاهم يقولى بس حاول تتفاهم معاه.......... قمة التخلف بجد شديت معاه فى المكالمه وقولتله انتوا اسواء خدمة شفتها فى حياتى يقولى لا يفندم احنا اسرع شبكة واحنا بنقول لحضرتك اللى مكتوب طيب هو ماشى مكتوب على السيستم بس ده غلط منكم حاول بقى تحل المشكلة بتاعتى مش تقنعنى بالكلام اللى مكتوب عندك
وعلشان اثبت غبائهم بس ماهو لو انا فعلا على كلامهم لو شحنت خط تانى بالغلط طب ازاى اتبعتلى رسالة عندى وبيقولى تم شحن خطك بقيمة 25 جنيه
يقولى لا يا فندم ما انا شرحت لحضرتك ........... شرحت ايه وهببت ايه على دماغك
وفى النهاية اللى يغيظ يقولك تؤمر بحاجة يا فندم .......... ما انا اتنيلت وامرت ومفيش حاجة اتحلت
Etisalat Misr والنعمة لأفضحكم أكتر وأكتر ماهو انا لو فى دولة محترمه مكنتش هسمع الكلام ده وكان على الاقل هيتبعتلى قيمة الكارت اللى دفعته على الفاضى وتتحل المشكلة بدون وجع الدماغ دى
رقم العضوية : 121351
تاريخ التسجيل : 05Mar2012
المشاركات : 492
النوع : ذكر
الاقامة : مصر
السيارة: مازدا 3
السيارة[2]: Fiat 127
دراجة بخارية: ..........
الحالة :
كلم حماية المستهلك فورا واحكيلهم الموضوع وهيرجعلك حقك علطول
رقم العضوية : 79261
تاريخ التسجيل : 02Sep2010
المشاركات : 3,449
النوع : ذكر
الاقامة : kSA
السيارة: No cars
السيارة[2]: No cars
دراجة بخارية: ................
الحالة :
الغباء دا في كل مكان يا راجل شريحة باسمي وبرقم اقامتي بقالها معايا سنتين اتصل بخدمة العملاء يقولي دي مش شرحتك يا جدع انا بشحنها باقامتي تابع اقرب فرع اروح الفرع يقولي انت محتاج استبدال للشريحة لان مدتها سنه
فعادي انت تطلع علي اقرب فرح وتقعد معاه وشك في وشه يا تفتح وشه يا يحل المشكلة
رقم العضوية : 94693
تاريخ التسجيل : 14Apr2011
المشاركات : 1,834
النوع : ذكر
الاقامة : Alexandria
السيارة: لا يوجد
السيارة[2]: Brilliance V5
دراجة بخارية: لا يوجد
الحالة :
انا والله تمن الكارت 25 ميفرقش معايا على الجزمة والله
بس لو كل واحد فينا سكت عن حقه وشغل النصب العلنى ده يبقى نقول على نفسنا يا رحمن يا رحيم
رقم العضوية : 77862
تاريخ التسجيل : 17Aug2010
المشاركات : 588
النوع : ذكر
الاقامة : EgYpT
السيارة: n/a
السيارة[2]: n/a
دراجة بخارية: n/a
الحالة :
يعني انت عايزنا نكدب اللي مكتوب عالسيستم ونصدقك انت
حتى لو كنت حاطت الشريحه في اليو اس بي واليوس ابي في اللاب وشحن من عاللاب داخل البرنامج
وجتلك الرساله على الشريحه بتقولك تم الشحن .. بردو مش هنصدقك وهو كده .. والسيستم ده طاهر وهيفضل طول عمره طاهر .. بطلوا افترى عالسيستم !
ههههههههههههه طبعاً انا بسخر من الموقف وحاسس بيك .. وعارف ان القصه مش ف ال 25 جنيه ولا 100 جنيه حتى
بس هو مبدأ ومواقف وحجات كتير فوق بعض .
أودامك طريقين متوازيين مع بعض
1- التوجه باليو اس بي والشريحه والكارت .. لفرع خدمة عملاء محترم .. يكون فرع رئيسي يعني
ووضعهم امام الامر الواقع .. وتقولهم انا جي بتاكسي لحد هنا ب 30 جنيه وهرجع بتاكسي ب 30 جنيه
وده على حسابكم انتم علشان دة خطأكم .. وتتمسك بده .
2- في حالة عد رضائك لأي سبب أتصل ب 155 تنظيم الإتصالات وليس حماية المستهلك
وهتاخد حقك هتاخده .
مع الأسف خدمة العملاء في جميع شركات الإتصالت والإنترنت .. عبارة عن كبسولات حرقة دم .
انا مرة اجبرت موبينيل تبعتلي مهندس من عندهم ( مهندس مش فني ) وطلع عالسلم الدور السادس علشان يشوف المشكله عالطبيعه .
وللأسف اغلب المشاكل مش بتتحل الا عن طريق 155 .. وبيتحولوا لعباقره وأطباء نفسيين بعد شكوى 155 .. والممنوع بيبقى مسموح .. والسيستم اللي كان صح بيبقى غلطان !
سؤال فرعي بقى بعد اذنك .. هل يو اس بي اتصالات شغال معاك بشكل جيد ومستقر .. ولا فيه lag وقرف في الخدمه ؟
سبحانك ربي .. لا اله الا انت
رقم العضوية : 94693
تاريخ التسجيل : 14Apr2011
المشاركات : 1,834
النوع : ذكر
الاقامة : Alexandria
السيارة: لا يوجد
السيارة[2]: Brilliance V5
دراجة بخارية: لا يوجد
الحالة :
اليو اس بى شغاله كويسه بس أحيانا كانت بتقرفنى فى انى لازم اعمل disconnect واعمل connect من اول وجديد يعنى تلاقى النت مش شغال فتفصل وتفتح من جديد
واول ما اشتريتها من سنه كان مره فاضلى كام ميجا بايت يجى 220 تقريبا ومعرفتش اشتغل بيهم
يعنى بعت رسالة ل 555 اعرف رصيدى والميجا بايتس اللى فاضله مكتوب اللى فاضل 220 ومع ذلك النت مش عايز يشتغل وقتها كنت فى مرسى مطروح نزلت روحت لفرع ليهم يقولى لا يا فندم السيستم بيقول انك استهلك الباقى كامله........... الله يخربيت السيستم على دماغ إتصالات
دى ملاحظاتى عليها كتجربة لمدة سنه غير كده كويسه
اما كخدمة فزى ما انت شايف كلامى مفيش اى خدمة يعنى بإختصار أى مشكلة هتحصلك لازم تاخد حقك بدراعك
رقم العضوية : 152976
تاريخ التسجيل : 09Dec2013
المشاركات : 603
النوع : ذكر
الاقامة : القاهره
السيارة: ان شاء الله اكسنت
السيارة[2]: اسبيرانزا A516
الحالة :
المشكله انه مش فاهم و ن كتر مبيتعامل مع عملاء مش فاهمين بيتعبر كل الناس اغبيه من الاول كده عشان يريح دماغه هو عايز يقولك الرساله جتلك انك شحنت كارت 25 على خط داتا تانى
المهم بقى الرقم الى هو ادهوالك ده رقم الفويس و لا الداتا ؟؟ الى هوة بيقولك كلمه ؟
رقم العضوية : 52887
تاريخ التسجيل : 12Nov2009
المشاركات : 1,429
النوع : ذكر
الاقامة : alex
السيارة: none
السيارة[2]: getz
دراجة بخارية: ىخىث
الحالة :
حضرتك ممكن يكون خصم الدمغة 51 قرش تقريبا ! جرب اشحن بجنيه حتي شوف الباقة هتشتغل ولا لا
ممكن يكون خصم الدمغة بس مبعتش رسالة تقول انه خصمها
رقم العضوية : 169635
تاريخ التسجيل : 20Dec2014
المشاركات : 616
النوع : ذكر
الاقامة : -
السيارة: -
السيارة[2]: -
الحالة :
عادي انا في مصر
البلد مسوسة ومفيش فيها قطاع واحد شغال صح
رقم العضوية : 94693
تاريخ التسجيل : 14Apr2011
المشاركات : 1,834
النوع : ذكر
الاقامة : Alexandria
السيارة: لا يوجد
السيارة[2]: Brilliance V5
دراجة بخارية: لا يوجد
الحالة :
المفضلات