استفسار عن السقف الاسود!!

**ahmediqo** · 01-05-2015 01:09 PM

يا جماعة انا مش فاهم حاجة في عربيات بلاقي سقفها كله اسود , ده عبارة عن ايه ؟ متفيم؟ و محدش يقولي سقف بانوراما انا عارف السقف بانوراما عامل ازي . يا ريت حد يفهمني ايه ده و بيتعمل فيين و بكام و كده و شكرا

**rotanamasoud** · 01-05-2015 02:12 PM

فى ناس بتكسى السقف جلد

**ahmediqo** · 01-05-2015 04:13 PM

المشاركة الأصلية كتبت بواسطة rotanamasoud

فى ناس بتكسى السقف جلد

اشكرك علي الرد :) بس متعرفش ليه و فين بيتعمل و بكام تقريبا ؟ انا كل اللي شايفو انو علي العربيات البيضا بيبقي شكلو حلو

**rotanamasoud** · 01-05-2015 05:16 PM

فين اعتقد سروجى وفعلا بيليق جدا على العربيات البيضا
ليه اكيد شكل مش اكتر ومش عارف ايه وضعه فى المرور
اعتقد لو سرب ميه للسقف ممكن يظبطه بارومه

**Bassem316** · 02-05-2015 11:31 AM

انا عامله فى شارع دمشق فى طوكيو 200 جنيه السقف كله.

**Abo_Mazen** · 02-05-2015 11:43 AM

ده بيسموه في السوق كده باللغه الدارجه بتاعتنا ..كربون ..وليه ناس متخصصه هي اللي بتركبه ..ممكن تلاقي سروجي بيعمله ..ده بقى موضوع تاني ..إن هو سروجي وجايب صنايعي كاربون مثلا أو هو دخل الشغلانه دي مع شغله ..كده يعني ..بيتعمل لما يكون في عيوب في البويه ومش عايز ترش العربيه كلها وخصوصا في الميتالك ...وممكن برضه يتعمل من باب الرواشه مش أكتر ..وخصوصا إن هو ممكن يكسي العربيه كامله بالإكصدام وفيه منه أنواع ..فيه منه مط ولامع وكذا حاجه ..جماله بيبان قوي في حالتين ..إن الصنايعي اللي ركبه يكون صنايعي صح ..وفاهم هو بيعمل إيه ..عشان وهو بيقصقص الزيادات ويلفه على السوك يطلع صح ..وفي حالة إنك تكون جايب حاجه ماشيه مع موديل ولون العربيه ..هو الوانه محدوده شويه ..يعني مش هتلاقي منه الوان كتير

**miam0502788391** · 02-05-2015 05:52 PM

يعنى فى الاخر لزق على السقف
طيب ده معمر ولا من الشمس والمطر بيتلف

**Abo_Mazen** · 02-05-2015 06:33 PM

المشاركة الأصلية كتبت بواسطة miam0502788391

يعنى فى الاخر لزق على السقف
طيب ده معمر ولا من الشمس والمطر بيتلف

أكيد كل حاجه وليها عمر ..دي بوية العربيه نفسها ليها عمر ..وبعدين حسب إستخدامك بقى ..يعني فيه حاجه حاده وقعت عليه ..مدى تعرضه للشمس ..كل عوامل التعريه دي مؤثره في عمره الإفتراضي

**ahmediqo** · 03-05-2015 01:25 PM

المشاركة الأصلية كتبت بواسطة m_m_sh_a

ده بيسموه في السوق كده باللغه الدارجه بتاعتنا ..كربون ..وليه ناس متخصصه هي اللي بتركبه ..ممكن تلاقي سروجي بيعمله ..ده بقى موضوع تاني ..إن هو سروجي وجايب صنايعي كاربون مثلا أو هو دخل الشغلانه دي مع شغله ..كده يعني ..بيتعمل لما يكون في عيوب في البويه ومش عايز ترش العربيه كلها وخصوصا في الميتالك ...وممكن برضه يتعمل من باب الرواشه مش أكتر ..وخصوصا إن هو ممكن يكسي العربيه كامله بالإكصدام وفيه منه أنواع ..فيه منه مط ولامع وكذا حاجه ..جماله بيبان قوي في حالتين ..إن الصنايعي اللي ركبه يكون صنايعي صح ..وفاهم هو بيعمل إيه ..عشان وهو بيقصقص الزيادات ويلفه على السوك يطلع صح ..وفي حالة إنك تكون جايب حاجه ماشيه مع موديل ولون العربيه ..هو الوانه محدوده شويه ..يعني مش هتلاقي منه الوان كتير

شكرا يا باشا :) طب متعرفش ده ايه ظروفه مع المرور؟ انت عارف بقي بلدنا الجميلة

**Abo_Mazen** · 03-05-2015 01:37 PM

المشاركة الأصلية كتبت بواسطة ahmediqo

شكرا يا باشا :) طب متعرفش ده ايه ظروفه مع المرور؟ انت عارف بقي بلدنا الجميلة :e_braces[1]:

لو معمول على الكبوت بس ..ولونه زي لون العربيه ومط مثلا وبليل ..ممكن يعدي ..على أساس إن هو مش هيتشاف أو مش هيبقى باين ..لكن قاعده عامة ..هو غير مسموح بيه في المرور ومتعرفش تفحص بيه ..وخلي بالك عشان لما بتيجي تشييله بسيب آثار لزق مكانه على الصاج بتاع العربيه ..وبيتطلع بالبوليش