ياريت الناس تدخل وتساعدني

**Hosam.shehata** · 02-05-2015 01:32 AM

انا المفروض بكرا هشتري عربيه جديدة ولحد دلوقتي محتار اشتري ايه بالله عليكو الناس تدخل وتقولي رأيها
انا معايا ٩٨ الف ومحتار بين الافيو واللوجان و الهيونداي الجراند i10 ولو في اي عربية تانيه ياريت تفدوني بس جديدة ومش صيني

**Omar Sarray** · 02-05-2015 01:41 AM

طب عندى فكره هيونداى فيرنا 2015 زيرو وسعرها تقريبا 95 وعند أفيون زيرو 97 الف

**Hosam.shehata** · 02-05-2015 01:44 AM

انا عاوز عربيه واسعه وعالية عن الارض هو مش في ناس خبرة مسئولة عن الموقع المفروض يردوا امال الواحد مشترك ليه فالموقع

**ali ashraf** · 02-05-2015 04:43 AM

المشاركة الأصلية كتبت بواسطة hosam.shehata

انا عاوز عربيه واسعه وعالية عن الارض هو مش في ناس خبرة مسئولة عن الموقع المفروض يردوا امال الواحد مشترك ليه فالموقع

الحقيقة انا ملاحظ الموضوع ده من فترة المشاهدات كثيرة لكن الاشتراكات قلت جدا عن الاول , مع تحفظى ان فيه حد "مفروض" عليه يرد سواء من المسؤلين عن الموقع من الادارة او الاعضاء لأن فى الحقيقة كلنا مسؤلين و المسؤلية هنا ادبية بمعنى اللى يدفع و احد يرد هو شعوره بالمسؤلية وواجبه امام اخيه العضو بغرض الافادة و اثراء النقاش و تجديد المعلومات و طرح الافكار و كا ده مش مفروض لكن واجب يفترض انه يحصل " اذا سمحت الظروف"...نرجع لموضوعنا اقترح الفيرنا و ربنا الموفق.

**Abo_Mazen** · 02-05-2015 03:45 PM

بلاش أي تن ...قريت مشاركتين هنا لناس عشان تلاقي قطع غيارها ..عذاب ..ما بتلاقيهاش في التوكيل ..وبره التوكيل لو لقيتها أسعارها .نار نار نار ..خد عندك مثلا ..فانوس أمامي ناحيه واحده ب 800 جنيه ..ريداتير ب 1200 جنيه ..إكصدام من غير شبكه ب 600 جنيه ..الكلام على الآي تن مش الجراند ..قالي يعني هو الوكيل فلح في خدمة الآي تن عشان يفلح في خدمة الجراند بتاعتها