الموضوع: حملة الفحص المجانى للتكييف لسيارات رينو

سالت النهاردة التوكيل بالتليفون عن سعر السربنتينة الداخلية قالولى 9200 جنيه فلم استطع الرد من الصدمة وقلت فى نفسى ياللهول .

موديل عربيتى 2003 ممكن تكون ضمن حملة الفحص المجانى ؟

المشاركة الأصلية كتبت بواسطة yalahwy2010

طبعا حضرتك السربنتينة اتخرمت من الكلاكس
نفس الكلام حصل عندى...ورحت عملتها عند واحد بتاع صيانة للتكيف ولحم الجزء اللى اتخرم وبقت زى الفل ومابقاش فى اى مشاكل
وأخد 250 جنيه.......عشان شحن الفريون ...تقريبا بيشحن ب 150.....واللحام عمل 100
بصراحة موضوع التكييف ده ضايقنى والمفروض التوكيل يعالج المشكلة دى يا اما يغير السربنتينة على حسابه
ربنا معاك

بعد إذن حضرتك ايه موضوع ان الكلاكس يخرم السربنتينة؟

المشاركة الأصلية كتبت بواسطة yalahwy2010

طبعا حضرتك السربنتينة اتخرمت من الكلاكس
نفس الكلام حصل عندى...ورحت عملتها عند واحد بتاع صيانة للتكيف ولحم الجزء اللى اتخرم وبقت زى الفل ومابقاش فى اى مشاكل
وأخد 250 جنيه.......عشان شحن الفريون ...تقريبا بيشحن ب 150.....واللحام عمل 100
بصراحة موضوع التكييف ده ضايقنى والمفروض التوكيل يعالج المشكلة دى يا اما يغير السربنتينة على حسابه
ربنا معاك

انا مش فاهم قصد حضرتك ايه المفروض يتفك تابلوه السيارة الداخلى ويتم تغيير السربنتينة الداخلية وانا متخوف من فك التابلوه خارج التوكيل برجاء الافاددة عن مكان الورشة التى تعاملت معها وخطوات الصلاح مع خالص الشكر.

المشاركة الأصلية كتبت بواسطة yalahwy2010

السربنتينة دى ورا الكلاكس علطول.....تقريبا تصميم تثبيت الكلاكس مش أد كدة.....مع المطبات والهوا....تقريبا زق الكلاكس وقعد ينحر فالسربنتينة لغاية ما خرمها....وده أدى الى تسريب الفريون.....لولا ان الموضوع ما اتكلفش كتير (250) جنيه تمن شحن فرين ولحام الثقب........كنت طلعت عالتوكيل واتخنقت معاهم.....لأن والحمد لله مافيش شغل اتعمل فالعربية ناحية الكلاكس.....ف انا متأكد ان ده عيب صناعة.....وانا برة الضمان كمان.....بس بصراحة الموضوع يضايق
فك السربنتينة سهل جدا....مجرد ما تفتح الكبوت....بيفك مسمارين اللى بيثبتوا السربنتينة......وبتطلع علطول.....مابتجيش ناحية التابلوه خالص

انا شاكر جدا اهتمامك بالرد والمتابعة ولكننى لا املك الخبرة لفك السربنتينة برجاء ارشادى الى ورشة او اكثر لفك السربنتينة ولحام السربنتىنة لاننى على وشك اصلاح السيارة خارج التوكيل وان ذلك سيتكلف 2000 جتيه ولك جزيل الشكر.