الموضوع: ما هذا العملاق الذى يطلقون عليه " يارس"

لكم التحيه و لكم شرف اقتناء اليارس

اليكم التجربه الشخصيه / العمليه للتنييييين اليابانى اليارس

انا اشتريت اليارس 2015 و كات امامى :

1- الرابيد اول فئه
2- سيراتو اول فئه
3- ار بى
4- شارك

و بعد بحث ادركت ان اليارس هى الاقوى مع العلم انها اخف من ذى سبق و لكن التويوتا هى الافضل عربيه تمتاز بالتالى:

1- الغفشه ناعمه
2- ماتور صوته مش عالى ( ناعم بنسبه عالي)
3- سبات على الطريق لحد 140-150 كم
4- تكييف كويس ( مش قوى اوى )
5- راحه و سلسه فى الاداء
6- كيك باك قوى تطلبه تلايه
7- شنطه كبيره
8- شكل الطبلوه جميل جدا
9- توكيل محترم (تحتيه الف خط)
10- كاسيت فى usb ممكن تشحن الموبايل منه.
11- الفرامل تمام.
12- شكل جميل انسيابى.

عيوب:

1- صاج خفيف شويه
2- فقيره فى الاوبشن بالنسبه لسعرها ( بس دى مش مشكله بالنسبه لى ( كل ما تكتر الابشنز المشاكل تكتر))
3- سمعتين فى الامام ( اداء مش وحش)
4- استهلاك البنزين فى البلد عالى عكس السفر

هى العربيه فى المجمل اديها 8/10 و مناسبه جدا فى الطرق المصريه و هذا تقرير منى بذلك و الله الموفق......