الموضوع: سفري كتير أنهي أفضلي بونتو كلاسيك ولا جراند بونتو؟

طيب بالنسبة لأن واحد صاحبي معاه كلاسيك 2008 وبيقولي إنها بتستحمل سفر ما شاء الله باستمرار واستهلاكها للبنزين ممتاز وبيعدي بيها 140 كم / س والعربية بتكون ثابتة، في حين بيقولي إن اللي بيعمل عندهم صيانة العربية قالولو الكلاسيك اقتصادية في قطع الغبار والصيانة عن الجراند.
أنا عن نفسي ميال للجراند أكتر حاسسها أكبر وأشيك وقدرات أعلى، مش مشكلة شوية مصاريف زيادة بس أهم شيء الجودة.

المشاركة الأصلية كتبت بواسطة أحمد كمال89

السلام عليكم، أعضاء منتدى الفيات الكرام
باختصار البونتو داخلة دماغي، محتار بين الكلاسيك والجراند.
واحد صاحبي معاه الكلاسيك 2008 بيقولي بتسافر ولا يهمها واستهلاكها للبنزين ممتاز، في حين أنا شايف إن الجراند أقوى من ناحية الماتور وأحسن في الشكل ولكن خايف من الاستهلاك الزائد للبنزين.
فأي الاتنين أفضل من ناحية الاعتمادية والثبات مع العلم إني ممكن أسافر بها 500 كيلو في اليوم (مش كل يوم يعني، كام مرة في الشهر)؟ مع العلم برضو إن الاتنين سعرهم قريب، وهل المانيوال أفضل ولا لو لقيت حاجة أوتوماتيك أتوكل على الله؟
وشكرا مقدما

بص ياباشا انا معايا بونتو 2000 (1300 سي سي ) وبسافر بيها علي طول من القاهرة للسخنة .. العربية بتكون ادائها في السفر احلي مليون مرة من جوه القاهرة --- الحرارة بتكون هادية والسحب حلو وطبعا استهلاك البنزين بيكون رائع يعني تقدر تقول في السفر العربية ممكن تمشي (20 لتر /250:280 ) كيلو --- يمكن العيب الوحيد بس فيها انها مش بتجري بعد 140 يعني اخرك 140 علي اي طريق مفتوح حتي لو زي الاقليمي كده --- وانا بشوف ان الجراند هتكون احلي لانها اعلي منها في القوة شوية1400 سي سي 95 hp --- انما في الاخر استهلاك البنزين في الاثنين ممتاز ...

ربنا يوفقك ان شاء الله

باشا الجراند ممتازه ... انا معايا 2013
في البنزين والسحب والجري لحد 170 كمان مش بتقول لا زي الفل اوووي
بس حضرتك متاكد من موضوع انها 95 hp ??
الجراند اللي معايا 72hp تقريبا ماسمعتش ان في منها 95 خالص