استفسار بشأن التيدا المكسيكي 2011

**mabdelghany** · 06-05-2015 12:59 PM

زملائي الاعزاء.. السلام عليكم ..

كان لي استفسار للسادة أصحاب الخبرة في صيانة التيدا، كنت عند الميكانيكي بكشف على العربية وبغير سير المجموعة فقاللي ان جلب المقصات عندي متقطعة ومحتاجة تتغير،

واقترح علي اجيب الجلب التايلندي وتتكبس عند الخراط.

انا سألته هل الجلب التايلندي كويسة وينفع تتكبس لأني أسمع ان الكبس ده بيرجع يبوظ تاني مع المقص كله، فقاللي للتيدا أيوه ينفع، بس الصني هي لازم يتغيرلها المقص بالكامل ومينفعلهاش كبس.

فسؤالي لحضراتكم هل حد جرب كبس الجلب التايلندي قبل كده للتيدا المكسيكي والدنيا مشيت كويس بعدها ولا اغير المقصات كلها؟ والمقصات نفسها عاملة كام برضه؟

علما بان العربية ماشية تقريبا 48000 كم .

وجزاكم الله خيراً ..

**m_love4me** · 06-05-2015 02:08 PM

جربتها قبل كدا ف التيدا 2011 بردو
وللاسف شهرين تلاته وباظت
وخصوصا لو بتمشي ف طرق متكسره
حتي جربت المقصات الياباني و التايلاندي قبل كدا
عمرهم الافتراضي قصير جدا
او يمكن انا بهري بالعربيه كتير

الاصلي ممتع ونظيف وعمره الافتراضي ممتاز
سعر الاصلي اعتقد 2000 جنيه

**mabdelghany** · 06-05-2015 02:28 PM

المشاركة الأصلية كتبت بواسطة m_love4me

جربتها قبل كدا ف التيدا 2011 بردو
وللاسف شهرين تلاته وباظت
وخصوصا لو بتمشي ف طرق متكسره
حتي جربت المقصات الياباني و التايلاندي قبل كدا
عمرهم الافتراضي قصير جدا
او يمكن انا بهري بالعربيه كتير

الاصلي ممتع ونظيف وعمره الافتراضي ممتاز
سعر الاصلي اعتقد 2000 جنيه

كده أكدت مخاوفي وشكلي هجيب المقصات الاصلي وأمري لله

شكراً جزيلا يا باشا على سرعة الرد ... جزاكم الله خيراً