الموضوع: سوند سيستم نيسان صني الشكل القديم , سماعات , GM Kenwood

السلام عليكم

اعضاء المنتدي الكرام

كنت من فترة كبيرة بفكر في موضوع السوند سيسيتم

نظرا لاني بحب اسمع الصوت نقي وفيه بييز كويس

وبعد البحث لقيت ان افضل سماعات ممكن تركب هي Kenwood 600W double base

بس كانت المشكلة في GM الي ممكن يركب عليها ايه ,, و مكان التركيب فين ...

اغلب الاماكن الي سألت فيها كانت السجان الي في المهندسين ,,, ومصر الجديدة في شارع دمشق ,, الاغلبية قالت مش موجودة كتيير ولو عاوزها ممكن يجبها ,, وفي منها مضروب كتيير برده ...

كل الاماكن ديه مستريحتش فيها او اطمنت اني اجبها من عندهم ....

لحد مالقيت مكان اسمه The King , وده ليه فرعين واحد في 6 اكتوبر الحي السابع , والتاني في حدائق الاهرام.

استقريت عليه نظرا لان صاحب المكان كان حد محترم اسمه المهندس احمد ...

قالي السماعات موجودة ونصحني ب GM Kenwood 2 channel 400W
,ممكن كمان اركب سماعت في البابين الاماميين بدل السماعات بتعاعت العربية...

الاسعار
السماعات الخلفية 1000 تقريبا
GM 650
السماعات الاماية 250
Package توصيلات واسلاك و الفيوز 250
رف خشب 100

اتفقنا علي كل حاجة فيما عادا اني كنت عاوز اجيب التوصيلات كلها من Radio Shack عشان عارف ان كل حاجة عنده صناعة ممتازة.. بس هو قال ان ال package بتاعت التوصيلات ديه كويسه جدا..

كل الحاجات ديه صناعة فيتنامي ماعاد الgm تقفيل صيني ... كله من التوكيل .. بضماته غير ان المهندس احمد قالي الحاجة ديه بتاعتي طالما جايبها من عندي لو فيها اي حاجة ...

اتفقنا علي الميعاد والتركيب ....

تم عمل قطع في الصاج الخلفي لجزء صغير ,, علي الرغم ان كانت الخطة ان الرف الخشب هيتعلي شويه بحيث ان السماعات تركب من غير قطع ,,, بس السماعات طلعت كبيرة جدا فكان لازم نقطع...

تم التركيب والتوصيل والتشغيل .....

الصوت ... نقي ,,, بييز محترم ,,,, عالي ,, فيه كل حاجة ممن تعوزها بس

الملاحظات :

- كنت متخيل الصوت احسن من كده من حيث البييز بالاخص.
- بسمع صوت العربية في السماعات الخليفة حتي لو مش مشغل الراديو ,,, والصناعي وصل ارضي زيادة من الوصلة الي رايحة للكاسيت وقالي ان السماعات القوية علي GM عادة بيبيقي فيها الصوت ده ,, علي الرغم من تركيب فلتر زنه بس له بسمع الصوت , ومش عارف ايه الحل
- كنت بفكر اغير كل التوصيلات من راديو شاك لاني متخيل الصوت هيبقي انقي واحسن من كده كمان ..


الصراحة الراجل محترم جدا , وخت هدية طقم ستاير كبير للعربية كلها ,,,,

في انتظار التعليقات من خبراء الصوتيات

ويريت لو حد يقولي ممكن ارفع الصور ازاي عشان كل شوية يقول فشل رفع المرفقات